سوال عن شهاده ( CCNA العادي ) و ( CCNA Academy )

[abdullah masry]

:D السلام عليكم ورحمه الله وبركته
ممكن اعرف الفرق بين منهج
- CCNA العادي
- CCNA Academy
- وسمعت ان في نوعان من منهج CCNA Academy ممكن اعرف الفرق بنهم
- وهل كورسات CCNA Academy نفس منهج المعطي في الفديوهات المشروحه علي الموقع
- وريد اعرف نظام الدراسه الفديوهات التي في الموقع مع 4 semester بمعني ان
متلا : الفيديوهات مثلا من 1 : 10 ده semester 1 وهكذا ويريد رابط الشرح المناسب من الشروحات الموجوده
بالموقع
- ويريد اعرف ccna خاصه باني مسار من مسارات cisco
وانا اسف علي الاطاله
والله لو تعرفو اني بدرس منهج CCNA Academy لكن الله يسامحهم الي بيعطونا المنهج في المعهد
اه انا نسيت اقول اني في معهد شعبه : تك معلومات
وناوي اسك طريق الشبكات ان شاء الله
واسف مره ثانيه للاطاله
ومش هكتب :comp21: ولا كلمه ثاني لني حاسس اني الجهاز هيطرني :ah49: ابليكم لكنه العشم :D
والظهر انه عشم بزياده :ah34: .
وجزاكم الله خير الجزاء

[Nourel2mar]

السلام عليكم أخي الكريم
الصراحه انا المعلومات الي اعرفها مش متاكد منها 100% لاني محضرتش كورس ccna academy بس الكلام ده من ناس حضروا الكورسات يعني
بالنسبه للفرق بينهم فشهادة ccna academy الي بتاخدها منهم دي شهادة حضور بس وانا اسمع ان الكورس بيكون اربع اجزاء
انما ccna بيكون امتحانين اتنين وشهادته طبعا معتمده ومهمه
يعني بالنسبة للشهاده فانت لازم تدخل امتحانات ccna اما بالنسبه للمنهج فالمنهج الخاص بالccna هو المنهج الخاص بالccna academy بس انت لو بتاخد منهج ccna academy كل ماعليك فعله هو انك تفهمه كويس وبعد ماتنتهي منه تذاكر بقا كتاب المنهج الخاص بالccna سواء كان cisco press او sybex وتدخل امتحان الccna 640-802 وربنا يوفقك ان شاء الله

[sunoftheworld]

بص ياكابتن
المنهج الاكادمي افضل لانه بيشرح باستفاضة اكتر وهتلاقي فيه معلومات اكتر
سايبكس هتلاقي فيها خبرة عمليه اكتر

وبعدين المنهج الاكادمي شوف مقسم المنهج كام شبتر وكل شبتر فيهم عليه امتحان وفي الاخر السمستر كله عليه امتحان
يعني شوف تدريب قد ايه انت بتاخدة دا غير اللابات العملي
......
بجد انا مش عارف انت ازاي بتقارن المنهج الاكادمي افضل بزمن
وانت حر طبعا تختار اللى يريحك
بس دي تجربتي
وشكرا

[abdullah masry]

جزاكم الله خير علي ردكم
لكن اخي sunoftheworld لي سوال بعد اذنك
حضرتك درست منهج ccna academy فين هل تبع معهد او كليه ام مركز تدريب
واي من شروحات ccna مثبته تقارب منهج ccna academy
وشكرا

[sunoftheworld]

مركز تدريب

وكل الشروحات هاتفيدك اسمع الفيدوهات كلها
كأنك روحت تاخد الكورس

وبعد كدا اعد زاكر
وهتلاقيك ونت بتزاكر بتفتكر الفيدو
ولو مش فاهم حاجة هاتفتح الفيدو وتشوفها تان وتالت ورابع وممكن تبحث في النت

[abdullah masry]

جزاك الله خير
اخي sunoftheworld
علي النصيحه

[المهندس زياد]

السلام عليكم

يا أخي العزيز :

CCNA ACADEMY مكونة من أربع كورسات Fundamentals,Routing,Switching,Access the WAN

منهج الاكاديمي متوسع في كل شي وحاكي كل شي بالتفصيل وهو متكون من اربع شهادات التي سبق ذكرها

تاخد Fundamentals كاول كورس وبعدها Routing اذا وفقت وجبت درجة عالية في أمتحان Routing

يفتح لك ما يسمى Voucher وهو انه بامكانك ان تدخل على امتحان CCNA الاخر802-640 مجانا

يقوم Instructor بفتح Account لك على موقع Cisco لكي تسجل عندهم كطالب يالاكاديميه

ويفتح لك ما يسمي Task Assessment وهي أمتحانات تدريبية على كل Chapter فى كل كورس

أما عن ما تم شرحه فى موقع عرب هاردوير هو CCNA INDUSTRY 640-802

أما عن منهجها فهو تقدر تقول الاكاديمي ولكن مختصرة (ليست مختصرة كثيرا ولكن في بعض المواضيع)

أما عن أيهما أفضل للدراسة فهذه المسألة مرتبطة بك أنت بمعنى

اذا كنت طالب جامعي وتريد الدخول كما قلت عالم NETWORK ومازال لديك وقت للتخرج فأنصحك بالاكاديمي

لانها أعم وأشمل من جميع النواحي أما اذا كنت تبحث عن عمل وتريد شهادة فى الشبكات تشتغل بها

فأنصحك ب802-640

المهم حتى أذا اخذت 802-640 لانها أسرع فأنصحك بمراجعة منهج الاكاديمي لانه يشبع رغباتك من حيث

المعلومات وبما أن CCNA هي البداية والاساس فيجب أن تكون اقوى ما يمكنز

[abdullah masry]

عليكم السلام ورحمه الله وبركته

جزاك الله خير
يا بشمهندس زياد
للمعلومات المهمه
يظهر من كلام حضرتك وكلام الاخوه الافاظل ان CCNA ACADEMY اقوي وافظل
وانا امامي ان شاء الله وقت
وشكرا

[wattar26]

اولا السلام عليكم وكل عام وانتم بخير
بص يا سيدي انت لو عندك وقت يبقى انصحك بالاكاديمي لانو اشمل وهتطلع منو مش محتاج اكتر من انك تراجع مراجع بسيطه وتقرا الاختبارات زي ال killtest , testinside , testking, pass4sure
عشان تخش امتحان الاندستري الخاص بال ccna وفي مزايا كتير في الاكاديمي منها اولا انك بتاخد شهاده حضور من المركز عن كل سمستير حضرتو غير شهاده لوكال ccna في كل سمستير عديتو وبينفع تشتغل بيهم اذا لاقدر الله معدتش الاندستري وكمان هيا كلها على بعض من 4 ل 5 شهور وبتكون شامله ccna academy & ccit it essentials وامتحان الاندستري مجانا في اغلب منح الاكاديمي الموجوده حاليا

انا حاليا لسه مخلص السيسكو اكاديمي من كام يوم وبحضر ان ادخل الاندستري نص شهر ديسمبر باذن الله

اما على المراكز ففي مراكز كويسه كتير في مصر بتدي الاكاديمي وشامله الاندستري مجانا في حاله انك جبت اكتر من 75% في امتحان سيمستر ال WAN

انا عن نفسي واخد في مركز IT Gate Academy فرع الفيوم وليه فرع في م نصر والحمد لله طلع مركز محترم واثبت جدرتو والانستركترو اللي معنا مشاء الله عليه م.احمد صادق
بالنسبه للمركز ده المنحه نازله فيه ب 2600 حاليا شامله اللي قلت عليه
وفي مركز جديد فتح في القاهره اسمو IT Academy اسمع عنو سمع خير برضو نفس المنحه نازله فيه ب 1500 شامله برضو الاندستري ورخيص كده متهيقلي عشان لسه الافتتاح وكده

عشان ميتعمليش بان على فكره والله ما اقصد الدعايه باللي فات عشان بس انا تعبت كتير لما دورت على مكان اخد المنحه فيه فحبيت افيد
فالمهم لو حسبتها هتلاقي الفرق بين انك تخدها عادي سيلف ستادي او اكادمي متهيقلي هتفرق في شهر معاك او شهر ونص ولاحط انك هتاخد IT كمان غير الشهدات اللوكل وان في انستراكتور تسالو لو حاجه وقفت قصادك وقريبه من سعر الاندستري لو هتروح تمتحنو لوحدك
فشوف انت عايز تعمل ايه واعملو دا راجع ليك في الاول والاخر واحنا ما علينا الا اننا ننصح

ادعولي بقى اعدي الاندستري على خير :ah4:

[abdullah masry]

وعليكم السلام ورحمه الله وبركته
وإعاد الله عيد الاضحي علينا والمسلمين بالخير والبركات
اللهم ان اسألك بإسمك الإعظم الذي اذا دعيت به اجبت
ان تجعل امتحان الاندستري سهلا ميسورا له وللمسلمين جميعا
اخي جزاك الله خير علي المعلومات والنصيحه

[sir_hossam]

احمد الوطار بيتكلم صح وهو دة الى ماشى دلوقت بس كل الى داخل امتحان الاندستري الايام دى يخلى باله ات الـ date base هتتغير 1/1/2010

[wattar26]

اشحال انك عرفني اسمها الوتــــــار بال ت يا حسام باشا والدتا هتتغير 1 ديسمبر 2009 مش يناير 2010

[junied]

انتو متاكدين ياشباب ان Voucher يعني اخذ الامتحان ccna 640-802 مجانا أو على حسب علمي 50% تخفيض من رسوم الامتحان.
أنا كملت ccna exploration في ديسمبر 2008 وحصلت في النهائيAWAN فوق 75% منتظر توضيح من الخبراء.

[wattar26]

اه يا سيدي بتدخل امتحان الاندستري ببلاش لو جبت في الاكادمي في امتحان ال WAN 75% في اغلب المنح المجوده في مصر واكتر 2 متاكد منهم اللي انا قلت عليهم قبل كده