۩(●̮●)۩ ماذا ينقص السوق المصرى ..؟؟ ۩(●̮●)۩

**amrdesigns** · 12-06-2010, 04:17

انا الى فعلا نفسى جدا ينتشر مصر منتجات الشركه العظيمه ASRock

اولا سعرها اقتصادى بالنسبه لباقى البورد فى كل منتجاتها...و دا يجعلها مناسبه لمصر اكتر من الجيجابايت الى محتكره السوق بشكل كبير

ثانيا فيها مكانات فريده و مميزه زى instant boot و aiwii و غيرها من المميزات الى لو دخلت على موقعاها حتعرفها بنفس

و بالنسبه للأوفر كلوك و كدا جامده بشكل غير عادى

و بالنسبه للأنتل منها البورد الجديده سوكت الجديد فيها حوار كومبو كولر يعنى يركب عليها المراوح بتاعت ال lga و دا حيفر كتير جدا للى عندهم اصلا مراوح احترافيه llga

و غيرها من المميزات ..فعلا انا مستغرب ازاى الشركه دى مش منزله غير 3 او 4 بورد بس فى مصر منهم بورده تعتبر بكل المقااايس بالنسبه لسعرها و امكاناتها...اسطوره

يا ريت التوكيل بتاعها ينزل موديلتها الحديثه

**S@M** · 24-06-2010, 11:30

اعتقد ان ألآن ....يا جوكر ..

السوق اتغير جدا ....فالعديد من البراندات الرائعة نزلت السوق ..

فأصبح هناك تنوع فى عالم الهارد وير والبراندات المتوفرة ...وكلها ماركات جديدة ...ولها باع عالمى فى الخارج ...

ياترى من وجهة نظرك يا جوكر ...فى ية تانى محتاجة السوق بتاعنا ...على الرغم من المعاناة الشديدة فى النظام الآقتصادى المصرى ...اللى مأثر على السوق ككل ..:mad:

**Azzurriish** · 29-07-2010, 13:01

**CityStars** · 11-08-2010, 23:47

ينقص السوق المصرى الكثير من الاشياء .... واهمها:

- التنوع وعدم الاحتكار , المفروض السوق يتفتح ونبعت نجيب موعين لتوكيلات جديدة

- توفير الجديد : بجد حاجة تقرف لما تنزل السوق وتلاقى بروسيسور Celeron محطوط فى العرض وتسأل على i7 960 يقولك : ايه دة ؟ اخر حاجة نزلت الـ 930 ومفيش حاجة اسمها 960 مش فاهم الناس دى من انى كوكب

- توفير السلع الثانوية : تيجى تشترى كولر محترم متلاقيش غير FRIO وبس .... تسأل على الـ V8 والـ V10 متلاقيهمش الا عند محلين بس فى القاهرة كلها , طب انا مش عاوز الـ V8 ولا الـ V10 مش كويسين انا عاوز حاجة زى الـ Titan Fenrir وادخل على النت واعرف يعنى ايه اداء مشتت زى دة ولا حاجة زى منتجات Noctua بجد حاجة تهبل محدش يعرف عنها حاجة يقولك فى الـ SpinQ يا عم انا مش عاوزه دى سعره قريب من الـ FRIO واداءه سىء جدا بدون مبالغة , يقولك هوا دة الموجود تروح تسأل اخيرا على الـ FRIO وتقول امرى لله احسن من مفيش تلاقى فعلا ان الموجود مفيش ويقولك " معلش اصل شكرة فلان استوردت شوية وخلص ومش عارفين هيجى امتى تانى" ..... بجد السوق بقى سىء جدا

**vmidov** · 12-08-2010, 04:08

بسم الله

السلام عليكم

إسمح لى أخى توضيح بعض النقاط

- التنوع وعدم الاحتكار , المفروض السوق يتفتح ونبعت نجيب موعين لتوكيلات جديدة

التنوع وأصبح موجود نوعا ما
عدم الإحتكار فى طريقه للنهايه
توكيلات جديده والحمد لله كل فتره يظهر منتجات جديده

- توفير الجديد : بجد حاجة تقرف لما تنزل السوق وتلاقى بروسيسور Celeron محطوط فى العرض وتسأل على i7 960 يقولك : ايه دة ؟ اخر حاجة نزلت الـ 930 ومفيش حاجة اسمها 960 مش فاهم الناس دى من انى كوكب

كلامك سليم لماذا لا يزال Celeron موجودا : السبب ليس جميع التجار على علم ودرايه بما يحدث وبالتالى ليس جميع المستهلكين والذين حتى الأن للأسف منهم من يطلب معالج مثل هذا

I7 960 وما المشكله من عدم توافره إن كان بالأصل فى أمريكا ليس من المعالجات التى تحقق السعر مقابل الأداء سعره 570$ وما الذى يقدمه زياده عن 930 غير أن 930 يأتى بتردد 2.8ghz فى حين يأتى 960 بتردد 3.2ghz والذى يمكن الوصول لهذا التردد بإستخدام 930 وبدون مشتت إحترافى وليس حتى مفتوح معامل الضرب إذن وجوده غير منطقى مع سعره الذى سيتعدى 3200 جنيه فلا داعى لوجوده
حتى المستهلك المصرى الواعى الذى لديه القدره ولديه المال للشراء من الخارج يفضل شراء 920,930 لأن غير ذلك هو إهدار للمال بلا سبب
طبيعى وجود من يريد إهدار ماله بلا سبب ولكن مستهلك مثل هذا لا يجب توفير منتجات له خصيصا دون عن المستهلك العادى الذى يريد أكبر قدر إستفاده بأقل مبلغ ممكن (وهذ هو الصحيح)
وبالمناسبه I7 930 هو أحدث ما أنتجته إنتل من عائله I7 إذا أستبعدنا 980X
أى أن 960 هو القديم فى هذه الحاله

- توفير السلع الثانوية : تيجى تشترى كولر محترم متلاقيش غير FRIO وبس .... تسأل على الـ V8 والـ V10 متلاقيهمش الا عند محلين بس فى القاهرة كلها , طب انا مش عاوز الـ V8 ولا الـ V10 مش كويسين انا عاوز حاجة زى الـ Titan Fenrir وادخل على النت واعرف يعنى ايه اداء مشتت زى دة ولا حاجة زى منتجات Noctua بجد حاجة تهبل محدش يعرف عنها حاجة يقولك فى الـ SpinQ يا عم انا مش عاوزه دى سعره قريب من الـ FRIO واداءه سىء جدا بدون مبالغة , يقولك هوا دة الموجود تروح تسأل اخيرا على الـ FRIO وتقول امرى لله احسن من مفيش تلاقى فعلا ان الموجود مفيش ويقولك " معلش اصل شكرة فلان استوردت شوية وخلص ومش عارفين هيجى امتى تانى"

عجبا لم أفهم ما الذى تبحث عنه هنا هل هو V8 ,V10 ,Titan Fenrir, Noctua
عموما ليس من الطبيعى أن تجد سوق نهضته لم يكتمل عليها سنه حتى ويكون به كل الموجود بالإضافه إلى أن ليس بالضروره تواجد جميع البراندات فى السوق لأن هذه تعتبر مخاطره مع وجود شريحه أكبر من المستهلكين لا يفكر من الأساس بشراء مشتت للمعالج
وليس طبيعيا أيضا مقارنه موقع مثل Newegg بالسوق المصرى على الأقل فى الوقت الحالى - من جهه تعدد المنتجات - فهو من أوائل المواقع الأمريكيه العالميه لعتاد الكمبيوتر فطبيعه الحال يجب أن تتوافر به ميزه التعدديه وإن كان بعض المنتجات لا فائده من وجودها إلا إن موقع بهذا الحجم بالتأكيد سيجد مشترى لها فى أى منطقه بالعالم
لكن السوق المصرى حصرى فقط لمصر والمستهلك المصرى بالتالى ما لا يشتريه المستهلك المصرى لا مكان له فى أى مكان أخر إلا خساره التوكيل
ومع ذلك الطريف أنك لن تجد منتج مثل Titan Fenrir فى موقع newegg نفسه فأنى له بوجوده فى مصر !!!!!!

..... بجد السوق بقى سىء جدا

كلمه كبيره جدا وليست صحيحه على الإطلاق
إن كان هذا حال السوق بتاريخ 8/2010 فكيف كان حاله فى عام 2008
السوق يا عزيزى أختلف أكثر من 360 درجه عن العاميين السابقين والفضل لله أولا وأخيرا الذى جعل من شباب عرب هاردويير سببا لطلب التغيير بإستمرار وجعل من توكيلات محترمه وكبيره تلبيه تلك الطلبات مما أدى لظهور منتجات أكثر بالتالى إتجاه توكيلات أخرى حديثه أو قديمه فى السوق للتوجه إلى منتجات جديده مما جعل السوق المصرى إلى ما هو عليه اليوم

إن كنت تشتكى من عدم وجود معالج كذا أو مشتت كذا فيكفى أن تعلم أن فى عام 2008 أو أوائل 2009 ما كنت وجدت أصلا من يعلم ما هو المشتت وما
أو ما هو الI7
السوق مازال يتجه من جيد إلى أفضل ومن منتج إلى عشره وهكذا وبعض المنتجات التى لم نتخيل وجودها فى إحدى الأيام أصبحت موجوده وهناك أكثر فى الطريق
لذلك إذا أردت الأجابه على هذا السؤال
ماذا ينقص السوق المصرى ؟
من الممكن أن تقول ينقصه تواجد 1- , 2- , 3- ................. وهكذا

لكن لا يصح أبدا أبدا الهجوم على حال سوق قد تطور كثيرا أو ذكر أن السوق أصبح سئ جدا لأنه أصبح أفضل من السابق أكثر مما تتخيل
فقط ما أطلبه منك أنظر إلى الحال وعبر عنه بالطريقه الصحيحه وليس مجرد هجوم

كل عام وأنت بخير

**3psil0N** · 03-09-2010, 22:02

اهلا عرب هردوير !! أول مشاركة منى ليكم

مصر محتاجة LCD غير TN ! خصوصا انها بدأت تنزل فى السعر.
نفسى أشوف Dell U2311H IPS بسعر معقول https://www.flatpanelshd.com/review....&id=1275291737
و شاشات بستاندات عدلة من Dell PVA.

نفسى أدوات ergonomic لراحة الأيدى زى دى https://www.microsoft.com/hardware/m...s.aspx?pid=043

نفسى ألاقى Lenovo T-series بأسعار عادلة و HP Elitebook series !!

و الاهتمام عامة بمنتجات قتاع الأعمال مش بس الترفيه اللى تنتبه أكثر للشكل على حساب المضمون.

شكرا على الموضوع الرائع !

**mix55** · 28-09-2010, 00:39

احنا مجبورين على الوحش بس فى معظم الحاجات
منتجات اسوس asus وخصوصا اللاب توب وكروت الفيجا
مفيش فيجا اصلا اسوس واللاب توب ازبل الموديلات انا كل يوم براسل الشركة دى عشان اقولها ارحمينا بقى
احنا بقينا مجبرين على منتجات معينة ويوم مبنعوز اسوس مبنلقيش الا ازبل الحاجات واقلها انا نفسى كذا حد يبعتلها اسوس ويقولها كدا واخر متعبت
قولت والله منا جايب الا لاب توب اسوس ومن على النت وشحنتوا من برة وطظ فى hp اللى مغرقا الدنيا بتفكرنى بالصين شوية شوية هلاقى عروسة hp offfff

**redtiger5000** · 13-10-2010, 22:23

انا مقدرش اقول ماذا ينقص السوق المصرى لكن اقدر اقول وجهة نظرى كمستهلك
هو دلوقتى مش فيه كروت شاشة تشغل العاب من اول 2009 لحد العاب 2011 و اللى لسه هينزل فى 2011 بكفائة عليه كمان ؟ طب ما نحمد ربنا و نوبس ايدينا وش و ضهر !!
دلوقتى مش فيه ماذر بوردات زى الفل و يشتغل عليها كروت الشاشة و البروسيسور ؟ طب ما نحمد ربنا و نوبس ايدينا شعر و دقن
دلوقتى مش فيه رامات و بروسيسورات تنقل لك الجيجا فى ثانيه ؟ طب ما الحمد لله
لأ و كمان سعرها رخيص و يمكن ارخص من اوروبا و امريكا طب فيه ايه بأه ؟؟
طالما الالعاب شغالة زى الفل و سرعة نقل الداتا عشرة على عشرة يبقى ايه بأه ؟
الكلام ده بأه للمبرمجين و صناع الالعاب هما اللى ليهم حق يعترضوا و هما اللى تفرق معاهم.. ده فى رأيى الشخصى

**osamagdyd** · 27-10-2010, 07:00

مشكور بارك الله فيك

**worldiscrazy** · 27-10-2010, 11:25

المشاركة الأصلية كتبت بواسطة neoman007

اللي بيقولو عايزين logitech و crosair الحاجات اسعارها كبيرة و خيالية يعني مثلا لو سماعات logitech z-5500 ب 4500 من ثمنها و شحنها اقل حاجة 1500 جنيه و تخليص جمركي و مكسب يبقي مين هيشتري منتجات اللي يقدر يشتري ديه يقول و اكيد الناس تقدر توفر هاله لو هيدفع..!!

و اللي هيقول نجيب حجات صغيرة ممكن متعجبكوش يعني جيبنا و متباعتش ده كلام البياع و كل يوم بتنزل حاجة جديدة تموت اللي قبليها اعتقد ان المشكلة في مستوي الحالة المادية في مصر و التفكير مش في السوق نفسه.

السلام عليكم اخى

احب اوجة لنقطة وهو السعر دة مش حقيقى لماذا ؟ لانة السعر فى بلاد برة 350 دولار يعنى بالمصرى 2020 جنية
ودة سعر التجزئة يعنى الى بيبعها فى امريكها بيبعها بالسعر دة بالمكسب وهو كان جايبها من تاجر جملة الى كان جايبها من الصين نفسة فهمتنى ؟ لان الشركة فى امريكا لكن المصنع فى الصين يعنى التجار الى فى مصر لو جابوها هايبقى السعر بالمكسب بردة 2020 جنية او 2400 جنية الحد الاقصى ومينفعش يطلع اكتر من كدة

بالنسبة للجمارك فية حاجة اسمها مستخلص جمركى والتجار عارفين الموضوع دة كويس يعنى اساسا الجمارك بتاعتها 10% يعنى 200 جنية من تمن الحاجة الاصلى كلها والتاجر مش طبعا بيدفع 10% لانة معاة مستخلص جمركى بيعرف يتعامل هو طبعا بيدفع 10% لكن انت مش فاهمنى هو شغلة المستخلص انة بيقلل السعر وطبعا لو قل السعر بتبقى نسبة الجمار على 10% اقل ويجبها بارخص من كدة وخلى بالك الحاجات دية بتيجى فى كونتينر يعنى عن طريق البحر يعنى الشحن كلام فارغ بالنسبة للكمية الكبير الى طلبها

**worldiscrazy** · 27-10-2010, 18:36

المشاركة الأصلية كتبت بواسطة 3psil0N

اهلا عرب هردوير !! أول مشاركة منى ليكم

مصر محتاجة LCD غير TN ! خصوصا انها بدأت تنزل فى السعر.
نفسى أشوف Dell U2311H IPS بسعر معقول https://www.flatpanelshd.com/review....&id=1275291737
و شاشات بستاندات عدلة من Dell PVA.

نفسى أدوات ergonomic لراحة الأيدى زى دى https://www.microsoft.com/hardware/m...s.aspx?pid=043

نفسى ألاقى Lenovo T-series بأسعار عادلة و HP Elitebook series !!

و الاهتمام عامة بمنتجات قتاع الأعمال مش بس الترفيه اللى تنتبه أكثر للشكل على حساب المضمون.

شكرا على الموضوع الرائع !

وانا واللة نفسى شاشة dell U2311h جامدة جدا كفاية انها Ips وان كان فى احسن منها بس على الاقل شاشة نضيفة وتستاهل تمنها
بس المشكلة ياخى انها 8 ms يعنى الاستجابة كبير عن شاشات TN ودة بينفع فى العاب الاونلين وبيفرق كتير خصوصا لو كنت بتلعب العاب شوتر بس فى تنفع لى مصممن الجرافيك بصورة عامة

و black level بتعها كويس لانها طبعا Ips

**hosam ali** · 31-10-2010, 20:01

السلام عليكم اخوانى
والله الحاجه الوحيد الى تنقص السوق من وجهة نظرى يكون فيه اصحاب محلات وشركات على درايه بكل ما هو جديد
يعنى انا مثلا نزلت مره كانت قى شهر واحد 2010 ولسه فاكرها كويس قوى كنت بسأل على كرت الشاشه
HD5670
نزل مصر ولا لسه
دخلت محل فى مول فى المهندسين سالته على الكرت
فرد الراجل عليا وقالى مش موجود انت تقصد 5970:mad::mad::mad:
انا بسال على كرت بـ600 جنيه والراجل بيقولى كرت بـــ 30.....ــــــلاش :ah33::ah41: نقول احسن بنفزع من سعره

**hosam ali** · 03-11-2010, 18:21

السلام عليكم ورحمه الله وبركاته
انا معرفش والله فى حد حط الملاحظه دى قبلى ام لا
ولكن على مش هنخسر شئ
انا يمكن لا استطيع نزول الاسواق الى فى اوقات متباعده
ولكنى لاحظت اختفاء منتجات شركه
foxconn
مع العلم ان منتجات الشركه ممتازه جدا مع تجربى سابقى لى مع لوحه ام G31
واسعارها كانت معقوله ومنافسه للموجود فى السوق فى الوقت ده
ياريت نشوف منتجات تانى ليها فى السوق بكثره
ده رابط لموقع الشركه
https://www.foxconnchannel.com/