السلام عليكم ورحمة الله
كيف يمكن ان اغلق منفذ الـ USB على اجهزة الدومين
لتجنب وضع الفلاشة فيه ؟
بس الفلاشة بس ، اما الماوس وغيره لأ ؟؟
شكرا لكم
السلام عليكم ورحمة الله
كيف يمكن ان اغلق منفذ الـ USB على اجهزة الدومين
لتجنب وضع الفلاشة فيه ؟
بس الفلاشة بس ، اما الماوس وغيره لأ ؟؟
شكرا لكم
السلام عليكماولا اخى الكريم لو هتقفل ال USB يبقى هتقفل كل حاجة هتدخلها و ماينفعش انك تقفل على ال Flash Memory و ال Mouse لأ
ثانيا انا اعرف طريقة قفلها Local على ال pc و هى من ال registery
افتح الRun و اكتب فيه regedit
و اذهب للمسار د HKEY_LOCAL_MACHINE\SYSTEM\CurrentControlSet\Servic es\USBSTOR
هتلاقى DWORD esmaha start افتحها هتلاقى الvalue بتاعتها 3 غيرها إلى 4
ممكن بقى بعد ما تخلص ده تعدل الpermission لل USBSTOR عشان انت بس اللى تفتحها كدة مافيش اى حد هيقدر يفتحها إلا انت و ممنك بردة للامان تقفلها من ال BIOS للأمان
و الله اعلى و اعلم.
السلام عليكم ورحمه الله وبركاته
اولا انا بشكر كل الناس اللى بتحاول تقدم حلول وبجد الف شكر ليكم بس الطريقه الموجوده هنا سواء كانت تعديل قيم الريجسترى من 3 الى 4 او حتى اللعب فى ملفات السيستم 32 والدوت sys وهكذا كلها انا جربتها واشتغلت كويس بس بعد فترة بتفتح تانى خاصا مع تكرار اكثر من نوع من الفلاشات او الام بى 3
طبعا انا مش بقلل من اى طريقه من طرق الاخوه وكلهم استاذتى........
المهم انا ربنا كرمنى وقدرت اتوصل لحلول لهذا الموضوع بس كل ما اعمل حل كان بيكون فى اوجه قصور حتى انتهيت من اخر حل وهو انى اساسا بشيل بعض الروت اللى بتشير الى الفلاشات من الريجسترى وكمان طلب منى بعض الناس ان الموضوع دة يكون فى ملف exe علشان نقدر نعمله على الجروب بولسى
اتمنى ان الناس تجربه وتقولى ايه رايها وجزاءكم الله خيرااا
الملفات فى الرابط التالى
واحد بيقفل والتانى بيفتح ودون اى تاثير على الموس او الكى بورد او البرينترات والاسكانرات
A & +N+
MCP – MCSA – MCSE – CCNA
MCTS ISA Server 2006 & MCTS Exchange Server 2007
جزاك الله خيرا على المعلومه
بسم الله الرحمن الرحيموقُل رَّبِّ زِدْنِي عِلْماً
:ah17:
شكرا لك اخى
ولكن هناك طريقة بالبوليسى .... سأحاول ابحث
انا عندى برنامج سهل جدا وبسيط وكل مهمتة انة بيقفل اى حاجة فيها مساحة متركبة فى ال يو اس بى
يعنى لو فلاشة او هارد
لكن اى حاجة من غير مساحة زى الكاوس البرونتر او الكى بوورد شغالة عادى جدا وزى الفل والبرنامج سهل اوى
لو عايزة ممكن تبعتلى على الخاص ايميلك وانا ابعتهولك
اولا هتنزل عندك الملف ده وهو administrative template
اضغط هنا لتحميله
بعد كده هتيجى على ال policy المتطبقه اللى على ال OU اللى فيها الجهاز اللى عاوز تقفل ال usb فيه وتعمل import لل template اللى انت نزلته من شويه_ازاى؟ هتفتح ال computer configuration وبعد كده كليك يمين على administrative templates واختار add/remove template وشاور على ال template اللى انت نزلته من النت من شويه
بعد ما عملت add وضيفته هتفتح قايمة view وتختار filtering وتزيل العلامه من only show policy settings that can be fully managed وبعدين ؟
افتح administrative templates ثم custom policy settings ثم restrict drives ثم اقف ثانيه !!!!!
من هنا انت ممكن توقف مش ال usb وبس _لأ ممكن توقف حتى ال CDrom او ال floppy لان فيه شركات بتبقى عاوزه تمنع ال user من استخدام ال CDROM او ال Floppy
المهم هتفتح ال disable usb removabale drives
وطبعا هتشغل الخاصيه دى باختيارها enabled وطبعا لازم تيجى على ال usbstore.sys driver status وتخليها disabled
وما تنساش تروح فى الفولدر اللى اسمه inf الموجود جوه فولدر الوندوز هتلاقى فيه ملف اسمه usbstore.inf الملف ده هتشيل ال permission بتاع ال system account من عليه ولو رفض يتشال امنع ال permission inheritance على الملف ده من security tab , advanced
وبس اعمل بقى gpupdate للجروب بوليسى وخلاص على كده
وما تنساش اوعى تطبق البوليسى دى على ال OU اللى فيها ال user لكن طبقها على ال ou اللى فيها الكمبيوتر بتاع ال user ليه؟ لان ال template فى ال computer configuration
وده ملف فيه مجموعة صور خاصه بالموضوع لكن للاسف مش عارف ادرجها فى الرد _ممكن تحمله من هنا
المهم السلام عليكم ورحمة الله وبركاته ونتقابل فى موضوع طويل تانى زى ده
جزاك الله كل خير اخى الحبيب هو ده اللى كنت بدور عليه بالظبط
زدنا من شروحاتك القيمة دى
جزاك الله خير
بس للأسف ما اشتغلتش عندى
شكرا
السلام عليكم ورحمة الله وبركاته
الموضوع شيق بس كل ما اجى انزل الملفين الخاصين بقفل وفتخ الفلاشة يطلب منى كتابة كود لكى اتمكن من التنزيل
برجاء الافاده عن الكود المطلوب فى التحميل
السلام عليكم ورحمة الله وبركاته
بالنسبه للموضوع ده مع windows 2003 الافضل انك تنزل برنامج GFI End point security وهو هايقوم بالباقي وهو برنامج خطيييير جدا اما بالنسبه لل windows 2008 فيه اختيار في ال group policy بس بيشتغل بس مع windows vista وانت طالع
المفضلات