ياريت تحط رابط للباص فور شور انا بدرس حاليا في نيو هريزون في الاسكندريه وحاسس ان الحوار صعب شويه فلو في حاجات فادتك في الامتحان ياريت تقولها يعني وشكار ليك
mahmoudkayed87@yahoo.com
ألف مبروك وبتوفيق فى الكورسات القادمة
ياريت تحط رابط للباص فور شور انا بدرس حاليا في نيو هريزون في الاسكندريه وحاسس ان الحوار صعب شويه فلو في حاجات فادتك في الامتحان ياريت تقولها يعني وشكار ليك
mahmoudkayed87@yahoo.com
الباسفور شور ده ياجماعه بيخليك تاخد شهاده لكن مش هتاخد علم خالص
يعني انا الحمدلله اصحابي بتوع CCNP انا بناقشهم واطلع غلطات عليهم :D
احنا مش هنستفيد حاجه من شهاده مطبوعه على ورقه وخلاص
احنا عايزين عليم ينفعنا وينفع البشريه
الف مبروك
و عقبال الباقي ان شاء الله
CCNA_________ done
CCNA Security__done
وماله هنفهم ونحل بردوا الامتحان غالي ياباشا
الف مبروك اولا وعقبال الكبيرة ان شاء الله وياريت تقولنا المصادر اللى استعنت بيها فى مذاكرتك ايه وهل اخدت الكورس فى مركز ولا self study والف مبروك مرة تانية
كل عام وانتم بخير
أنا هقولكم ازاي تنجحوا ان شاء الله وتكونوا اخدتوا اكبر قدر ممكن من الخبره في شهادة CCNA
أولا ان كنت عايز تاخد كورس خد براحتك وفي فتره الكورس لازم تتابع مع الراجل كل يوم يشرح لك كلمتين تروح تذاكرهم علشان تبقا انت متابع أول بأول وركز على اللابات
كل متاخدوا حاجه عملي تروح تطبق الابات على الباكت تريسر في البيت او لو حابب تشتغل على الدينامبس انت ورغبتك
ثانيا بعد ماتنتهي من الكورس او لو انت مش هتاخد كورس اصلا تدخل على الفيديوهات
انا افضل لكم CBT nuggetts او اشتغلوا على Testout لانها فيها سيميولاتور حلو
وتذاكر الكورس كله من الفيديوهات كويس وتكتب ملاحظات وتلخص ورا الراجل الي بيشرح في الفيديو وتطبق العملي وراه على اي برنامج
بعد كدا ادخل على الكتاب بقا بتاع المنهج
وده هتلاقي فيه معلومات كتير انت مش عارفها لان الكتاب متوسع بقا مش بيلخص زي الفيديوهات او الكورسات
فانت لو فهمت الكتاب كله اضمن لك ان هتكون عندك خبره قد الCCNA مره ونص وانت بتقرا الكتاب برده لخص المعلومات المهمه وطبق ورا الكتاب برده على قد ماتقدر
لما تنتهي من الكلام ده كله يبقا انت كدا ذاكرت المنهج كله تلات مرات ومن مصادر مختلفه وبأساليب مختلفه
الوقتي الباقي عليك ان شاء الله هو انك تروح بقا تحجز معاد الامتحان بعد 10 ايام من الان
اول خمس ايام تتدلع وتحل فيهم الباسفور شور كله
وخد لك تلات ايام ادخل فيهم على موقع مهم جدا جدا جدا في اللابات العملي لانها غالبا بتيجي منه بنسبه كبيره
اسمه www.9tut.com ادخل عليه حل كل اللابات وكل حاجه عليه وهتبقا تمام
يكون كدا باقي لك يومين راجع فيهم على املنهج على السريع بقا بص على الملاحظات بتاعتك الي كنت كاتبها وراه الفيديوهات والكتاب وظبط امورك كدا
ملاحظه مهمه جدا جدا جدا : الامتحان قبل متروح له تكون متقن لحاجه اسمها Subnetting لازم تتقنوه ياجماعه
انا بعمل في كتاب عن الIP Addressing , Subnetting بالعربي وشرحه كويس لما اخلصه ان شاء الله هحطه هنا علشان ربنا يفيدكم بيه
وان شاء الله تروح الامتحان وهتلاقي الاسئله كلها جايه من الباسفور شور ومن موقع 9tut لو لقيت حاجه من براهم هيكون سؤالين او تلاته بالكتير
ومسموح لك تغلط مثلا حوالي ست اسئله وتكون ناجح برده
مشي على الخطه بقا وربنا يعينكم
محدش يطلب مني باسفور شور ياجماعه لاني مش بشجعه عن نفسي انا محليتش الباسفور شور كله اصلا وكنت قاعد في الامتحان افكر في الاسئله واراجع انما لو انت مذاكر باسفور شور كله وحافظ الاسئله هتبقا انت مش حاسس انك بتمتحن هتحس انه كله كلام فاضي للاسف
المفضلات