مشكله بالشاشه Samsung 2494HS

[maherrich]

المشكله بإختصار انه بعد 3 اسابيع من استخدام الشاشه ان ال Power LED الزرقاء الخاص بها لم يعد ينير نهائيا سواء فى وضع التشغيل او وضع الايقاف للجهاز ولكن الشاشه نفسها تعمل بدون مشاكل
هل يوجد احد قابلته نفس المشكله من قبل؟ .. فى انتظار مقترحاتكم

[BlacK ShaDoW]

ممكن تكون اللمبة اتحرقت :D
وديها الضمان اعتقد مش هتاخد وقت

[HD5870X2]

أحسن :D

اللمبة الزرقاء مستفزة جداً لدرجة اني فكرت امبارح أغطيها بحاجة علشان متضايقنيش وأنا بشوف أفلام

وديها ضمان

[maherrich]

هيه فعلا لمبه مستفزه و ده اللى خلانى الاحظ انها فصلت انى حسيت براحه :D
الغريب ان الشاشه شغاله عادى مفيش اى مشكله فيها بس خايف ان حاجه صغيره زى دى تكون بدايه لمشكه اكبر
وعشان اوديها للضمان هضطر اشيلها من بيتى فى المنصوره لحد ماكسيمم هاردوير فى القاهره ويا عالم هرجع بحل فى نفس اليوم ولا هتشحطط ولا مش هيعتبروها مشكله من اساسه
ده انا مصدقت عرفت ارجع بيها من هناك

[folelfol]

هو فيه بعض الشاشات بتبقي فيها اختيار انك تطفي اللمبة ده او تشغلها من قوائم الشاشة نفسها

بس واضح من كلامك ان المشكلة مش من الاوبشنز

ربنا معاك ... من المنصورة للقاهرة مش شوية

مش عايز اكسلك ... بس عن نفسي لو الشاشة شغالة تمام مش هروح المشوار ده مخصوص

[moatez]

اعتقد ان الموضوع ان اللمبه اتحرقت وخلاص وان شاء الله مش هيبقى فى مشاكل بس بلاش توديها لماكسيمم هاردوير لو كنت ناوى توديها لانها تتركن عنده فتره عقبال ما يوديها للتوكيل فروح للتوكيل عالطول وعنوانه 30 شارع وادى النيل المهندسين شركة مترا الشاشه هتقعد عندهم يومين والثالث هتروح تستلمها وممكن يصلحوها فى ساعتها لو عرفوا انك جى من بعيد الناس هناك محترمه جدا للامانه ومواعدهم من 9الى 5 كل يوم ماعدا الجمعه والسبت قافلين

بس لى سؤال بالنسبه للشاشه ده هل لاحظتوا فيها اى ديد بكسل بحجم سن الدبوس لانى كنت ناوى اشترى واحداه وجربت اكثر من شاشه ولاحظت فيها النقطه ده ..

[maherrich]

طيب متعرفش رقم تليفون للتوكيل واركب ايه من رمسيس عشان اوصله
بالنسبه للديد بكسل وانا بشتريها جربتها هناك ومكنش فيها حاجه بس دلوقتى عملت فحص لقيت بكسل زرقاء (قال يعنى بتعوض اللمبه الزرقاء اللى مش شغاله :D) تقريبا دى stuck pixel

[moatez]

طيب متعرفش رقم تليفون للتوكيل واركب ايه من رمسيس عشان اوصله
بالنسبه للديد بكسل وانا بشتريها جربتها هناك ومكنش فيها حاجه بس دلوقتى عملت فحص لقيت بكسل زرقاء (قال يعنى بتعوض اللمبه الزرقاء اللى مش شغاله :D) تقريبا دى stuck pixel

ارقامهم :
33034319
33034233
33034234
33034295

هتركب اى حاجه تروح شارع جامعة الدول العربيه اللى هو فى المهندسين من رمسيس وتنزل عند شارع وادى النيل الشركه فى الشارع ده عماره رقم 30

[NaAZoOR]

طيب متعرفش رقم تليفون للتوكيل واركب ايه من رمسيس عشان اوصله
بالنسبه للديد بكسل وانا بشتريها جربتها هناك ومكنش فيها حاجه بس دلوقتى عملت فحص لقيت بكسل زرقاء (قال يعنى بتعوض اللمبه الزرقاء اللى مش شغاله :D) تقريبا دى stuck pixel

للمعلومة:

استعمل برنامج UD Pixel لمدة ساعتين متواصلتين على الشاشة ... لو lazy Pixel ان شاء الله هاتتصلح و ترجع طبيعية