مشكله فى جهازى مع الشاشه الزرقاء و الخروج المفاجئ من الألعاب

[ŤǾЯŊΛĐф]

تم تعديل المشاركة الأولى

[ŤǾЯŊΛĐф]

المشكلة دى بتحصل عادة لما بشغل الجهاز أول مرة

[pvdw1404]

أخي الكريم صدقني أنني واجهة هذه المشكلة بعد تركيب الويندوز سفن برغم أن لم أواجه هذه المشكلة مع الوندوز الأكس بي وهذا يدل على أن هنالك عدم توافق أم من برامج الجهاز أو قطع الجهاز مع السفن وقد تمّ البحث عن السبب بداءاً بالبرامج ولكن للأسف أنها لم تكن من البرامج وأنما كانت المشكلة أن المذربور لا تدعم السفن وقد لاحظت أن الصور التي وضعتها ضمن هذا الموضوع نفس المشكلة التي عانيت منها وهو أختلاف رموز الشاشة الزرقاء في كل مرة تظهر فمثلاً ( 0x00001a , 0x00003B , 0x000050 , 0x000024 , 0x00001B , 0x00001E ) وبعد عناء وتعب وسهر كانت النتائج مكلفة وهو جهاز جديد وللأسف . هذه ماحدث معي وأنا كنت متابع لهذا الموضوع أول بأول فلا تستعجل في الحكم قد يكون المشكلة لديك بسيطة .

[محمد الجوهري]

الجهاز دلوقت عند ماكسيمم هاردوير
و انا اشتغلت عليه بنفسى يا تورنيدو
و كان أستاذ إيهاب مشغله من بدرى
و ما حصلش اى مشكلات
بس بصراحه انا اعتقد ان السبب من الهارد ال 80 اللى انت مركبه ده
باقى الجهاز ما شاء الله

[ŤǾЯŊΛĐф]

فعلا مستر جوهرى الجهاز عندهم ، بس هى المشكلة مش بتحصل و الجهاز شغال هى بتحصل أول مرة أشغله بس و بعد الدخول للويندوز مباشرة و بتحصل مرة كل يومين أو تلاته

[ŤǾЯŊΛĐф]

شباب أنا جبت الجهاز من عندهم ، و فعلا ناس محترمين جدا بس للأسف قالولى مظهرش حاحة عندهم ، و لما رجعت و جربتوا ظهرت نفس المشكلة ، جربت تغيير كبل الPower و المشترك و الكبس و برضوا نفس المشكلة ، ممكن يكون العيب فى كهربة الشقة عموما

[Fu'ad]

السّلام عليكم...
أخي هل جرّبت نغيير القرص الصّلب ( الـ Hard-Disk ) ؟
لأنّ الأخطاء عندك كثيرة و متقلّبة .
مع فائق الاحترام...

---------

[ŤǾЯŊΛĐф]

أنا إن شاء الله بعد الإمتحانات هاخده و أروح بيه لواحد صاحبى أجربه عنده ، ظهر حاجة كان بها و هاشوف العيب فين ، مظهرش يبقى فعلا بتوع M.H. كانوا على حق و ممكن يكون العيب من الكهربا .

[hOpa]

بص علشان اوفر عليك الوقت
المشكلة دي كانت بتحصل عندي اول ما جبت جهاز من نوعية amd
الجهاز بالرغم من امكانياته الخرافية وقتها الا انه كان قارفني بسبب الشاشة الزرقة دي
مش عاوز ادخل عليك في الشرح و التطويل
باختصار رهيب
اولا هاتجيب استبلايزر لتنظيم الكهربا لان الكهربا حتي لو شايفها مظبوطة فمابتبقاش كدة ابدا في الحقيقة
ده اولا
هاتجيبه نص كيلو علي اد الجهاز
ثانيا هاتجيب اسطوانة اسمها تيست رام من اي محل صيانة
و هاتشغلها في الجهاز و تحط في كل مرة رامة واحدة بس و تغير المكان من واحدة للتانية
و هاتعمل تيست هاتلاقي اكيييد ان في رامة هاتصفر علي التيست و هي سبب المشكلة دي
هاتروح مغيرها و جايب اخت الرامة اللى شغالة
حتي لو بتاع المحل جابلك واحدة و قالك دي البديل بتاعها زي الادوية قوله لا
و هات اختها التوأم و اقرا الكلام اللى عليها حرف حرف لحد ما تتأكد انها صورة طبق الاصل من الرامة التانية
انا المشكلة دي فضلت معايا فوق الشهر كنت هاتجنن فعلا
بس ان شاء الله تتحل معاك في اقرب وقت

[XMasterrrr]

بوس يا تورنيدوا انا قايلك هات ستبلايزر + انا لسة شايف انك عندك هارد 80 داتا على فكرة اكتر شئ ممكن يكون بيعمل كدة زى ما الاستاذ محمد الجوهرى قال هو الهارد ده جربت تفصلوا ؟ جرب و شوف و كمان بعديها لو فضل زى مهوا متروحش لصاحبك ولا اى حاجة جيب ستبلايزر 750 وات و هو ده الى هيظبطلك الموضوع ده الشاشة ديه كانت بتطلعلى لما جبت التكيف و شغلتوا منغير ستبلايزر انما بعد مجبت الستبلايزر مبقاش يعمل كدة على فكرة التكيف من الحاجات الى بتعمل تقلب فى الكهربا

[ŤǾЯŊΛĐф]

ما أنا روحت إمبارح لصاحبى و ظهرت نفس المشكلة عنده ، أنا هودى الجهاز بكرة إن شاء الله لشركة جنبنا يعملوله فحص رسمى فهمى نظمى .

[XMasterrrr]

tab ha ea al a5bar ?

[ŤǾЯŊΛĐф]

أسكت يا جدع ظهرت نفس المشكلة تانى عند الشركة و طبعا الراجل لما شاف مكونات الجهاز كان خايف يلمس أى حاجة فيه ، المهم رجعت بالجهاز البيت و قد عجزت كل قوى الطبيعة أمامه ، و قررت أنى أفكه حته حته ( ما عدا البروسيسور عشان مجيبش معجون جديد ) و أركبه من تانى ، و كانت المفاجأة ... كل السنين دى و فى الآخر العيب طلع ولا كهربة ولا حاجة ، كان فى رامة مش راكبة كويس :D .

[XMasterrrr]

la2 gada3 :D
ma7na kolna agma3na 3ala keda fi al awel we anta kont wasek men nafsk an al ram rakba
al 7amdo llah
we mabrook ya al3ab ya tornado

[DR ! ZERO]

أسكت يا جدع ظهرت نفس المشكلة تانى عند الشركة و طبعا الراجل لما شاف مكونات الجهاز كان خايف يلمس أى حاجة فيه ، المهم رجعت بالجهاز البيت و قد عجزت كل قوى الطبيعة أمامه ، و قررت أنى أفكه حته حته ( ما عدا البروسيسور عشان مجيبش معجون جديد ) و أركبه من تانى ، و كانت المفاجأة ... كل السنين دى و فى الآخر العيب طلع ولا كهربة ولا حاجة ، كان فى رامة مش راكبة كويس :D .

:ah26: , بعد كل ده :D يللا خصل خير المهم اتحلت :ah22: .