السلام عليكم
منذ دخولى عالم الانترنت و خصوصا المنتديات رايت قوانين و اجراءات غريبه و ايضا مواضيع و ردود غريبه تختلف من منتدى للاخر فحبيت اسال ليه كده
الاجراءات و العنوانين مثل :
1- المحتوى مختفى يجب عليك الاشتراك حتى يظهر ( مع انى بشترك علشان اشوف المحتوى و فى الاخر يطلع اللينك بايظ)
2- لا تمر مرور الكرام ضع رد ( الراجل بيشحت عينى عينك)
3- المرفقات مخفيه عليك التسجيل او الاشتراك لرؤية المرفق : ( ايه وجع الدماغ ده)
4- عند الاشتراك : لازم كود تفعيل يوصل على الايميل ( طيب ايه لزمته)
5- لا تستطيع ارسال رساله خاصه الا بعد 50 مشاركه و فى العطلات الرسميه بتوصل الى 100
6- ممنوع وضع البريد الشخصى ( ليه يعنى شايفنى هشيت مع بنات )
7- ممنوع وضع روابط لمنتديات اخرى ( ايه شغل الديكتاتوريه ده) امال المنتدى معمول ليه ؟؟ المفروض معمول للافاده العامه
8- اشترك فى منتدى علشان اكتب موضوع لحل مشكله عندى الاقى رساله اداريه بتقول ( غير مسموح لك ) عايزين 100 مشاركه ( يادى وجع الدماغ اروح ادور فى حته تانيه )
9- حاجه بتخنقنى اوى اوى و هيا كلمة ( حصريا ) تلاقى الموضوع منقول بالحرف من منتدى تانى و تلاقى الاخ كاتب حصريا
تلاقى واحد جايب اسطوانات مثلا testout و كاتب حصريا ( كانه هوا اللى شارح اللى فى الاسطوانات )
و غيره الكثير الكثير
يبدو ان المنتديات العربيه تحتاج الى وقت كبير جدا للتطوير مثل كل شى فى العرب يحتاج للتطوير ( مش عارف هنطور امته و الى متى )
و لكن بعد دخولى عرب هاردوير 80% من الاشياء دى تغيرت و اهم حاجه يهم عدم وجود جملة يضعها صاحب الموضوع يقول فيها ( ابوس ايديك رد عليا )
انا دخلت منتدى مره كان بيشرح vbillten المهم دخلت احمل الشروحات اللى بالعربى قلت طبعا هيكون عايز اشتراك و تفعيل و مشاركات علشان احمل
لكن وجدت العكس تمام
لقيت صاحب المنتدى كاتب اعلان فى البنر بيقول( المرفقات و الروابط متاحه للجميع بدون تسجيل لا نريد تسجيل من احد الا من يريد ...
المنتدى للتعلم و الافاده )
شفت الجملة دى و قلت ( لسه الدنيا بخير )
حاجه اخيره عايز اعرفها من الناس اللى ليها فى المنتديات الاجنبيه : ايه الوضع هناك هل هذه الاجراءات موجوده فى تلك المنتديات برضه
و شكرا لمنتدى عرب هاروير المتخلف عن الاخرون
المفضلات