اولا اخى بالنسبة الى Remote Assistance
قوم بعمل Create لل Remote Assistance ثم ارسلة الى اليوزر اللى انت عاوزة يساعدك
وتاكد من ال Firewall عندك وعندة Disable وجرب مرة اخرى
السلام عليكم ورحمة الله
لدى سؤالين فى كورس MCSE
1/ بالنسبة لــــ Remote Desktop
هل يمكن أن اتصل بشخص أخر فى شبكة خارجية بعيده عن الشبكة اداخلية
مثل أنا فى مصر وهو فى الصين مثلا ؟
ارجو من الاساتذة توضيح لى هذه المعلومة ..........
2 / أم بالنسبة لـــــــ Remote Assistance
فى لى استفسار اولا : الهوتميل ماسنجر لا يفتح مع العلم إنى مسطبه وشغال به
" اصدر اخر نسخة من الماسنجر"
أم الاوت لوك لا يرسل ودائما رسالة Error
ارجو التوضيح اذا سمحتوا .............
اولا اخى بالنسبة الى Remote Assistance
قوم بعمل Create لل Remote Assistance ثم ارسلة الى اليوزر اللى انت عاوزة يساعدك
وتاكد من ال Firewall عندك وعندة Disable وجرب مرة اخرى
ICDL - MCP -MCSAMCSE In Progress
بسم الله الرحمن الرحيم
هجاوبك بخصوص موضوع ال Remote Desktop
واجابتى عليك هتبقة مقسة لجزئين :
1-: لو انتا عاوز تدخل Remotly على واحد صاحبك وهوة فى اى مكان فى العالم :
هنا هقولك على طريقة ولكنها ليست Remote Desktop .
الا وهيا انك هتستخدم برنامج سهل جدا وصغير اسمة Team Viewer واتفضل الرابط بتاعوة اهوة
https://www.teamviewer.com/download/TeamViewer_Setup.exe
فكرة عمل البرنامج اية بقة
بص ياباشا هتسطب البرنامج عندك وعند صاحبك وتسطيبة سهل جدا وانتا بتسطبة هيطلب منك تدخل باسورد اثناء عملية التسطيب فدخل اى باسورد زى مانتا عاوز وصاحبك بردة لما يسطبة هيطلب منه باسورد يدخل بردوة الى هوة عاوزة .
كدة خلصنا من موضوع التسطيب .
لو انتا الى عاوز تدخل على صديقك هتعمل الاتى هوة لما يسطب البرنامج ويفتحة هيظهرله على الشمال مستطيل فى رقم اسمة ID هياخدة كوبى ويبعتهولك على الاميل .
انتا بقة كل الى عليك هتاخد الرقم دة تحطة فى المسطيل الى عندك فى البرنامج على اليمين وتعمل Connect هيطلب منك انك تدخل باسورد هدخل الباسورد الى صاحبك كتبها وهوة بيسطب البرنامج عندوة.
وبكدة هتدخل على جهازوة والميزة انوة هيبقة شايف انتا بتعمل اية بعكس ال Remote Desktop لما انتا بتدخل على جهاز XP من خلال Remote Desktop الى قاعد علية بيعمل Log Off .
وعلى فكرة البرنامج سهل جدا فى الاستخدام وطالما صاحبك فاتح البرنامج انتا تقدر تدخل علية فى اى وقت بال ID والباسورد . اما لو قافل البرنامج فلازم يفتحة علشان تعرف تدخل.
2-:نيجى بقة للجزء التانى الى هوة انك عاوز تدخل Remote Desktop على صاحبك:
بص ياباشا طالما هوة مش معاك فى نفس الشبكة يبقة هتعمل الاتى :
اول حاجة طبعا هتشغل عندة خدمة Remote Desktop عادى زى اى جهاز .
الخطوة الزيادة بقة انك هتفتح بورت برقم بورت ال Remote Desktop على المودم بتاع صاحبك او الى احنا بنقول علية مجازا على الروتر بتاعة .
رقم بورت Remote Desktop هوة 3389 وهتفتحة مرة TCP ومرة UDP وطبعا هتكتب فى خانة ال IP هتكتب ال IP بتاع جهاز صاحبك .
وطبعا هتخلى صاحبك يجبلك ال Real IP بتاعة من خلال موقع مثلا زى WWW.Showmyip.com
ودة الى هتكتبة عندك فى المربع بتاع Remote Desktop فطبعا ال IP دة هيدخلك على جهاز صحبك على طول لانك وانتا بتفتح البورت فى المودم قلتلة انا بفتح بورت رقم كذا ولما حد يجى يدخل من برة تدخلة على الجهاز الى ال IP بتاعة كذا الى هوة بتاع صاحبك..
طبعا احنا متفقين بان الى بيدخل Remotly على حد بيبقة علشان يساعدة فاعتقد ان صاحبك مش هيقدر يفتح بورت ويعمل الافلامات دى كلها فبالتالى انا ارشحلك الطريقة الاولى وهيا الاسهل جدا فى التعامل كل الى على صحبك هيسطب البرنامج ويبعتلك ال ID الى ظهرلة فى البرنامج ويعرفك الباسورد الى دخلة وهوة بيبسطب .
ودة موضوع كنت برد فية على اخ فاضل وكنت بوضحلة موضوع ال Remote Desktop ازاى بتفصيل اكثر
https://www.arabhardware.net/forum/showthread.php?t=113459
.اتمنى اكون قدرت اساعدك
السلام عليكم
احب اشكر كلا من medo11220022 والاخ الجميل fares_elahlam19
شكرا بجد ليكم على اهتمامكم بسؤالى ربنا يكرمكم بجد ويبارك فيكم ويحافظ عليكم
كل شكر وتقدير على تعبكم
شكراااااااا
احنا مش عايزن شكر المهم تكون بس استفدت واجابتنا حلتلك المشكلة
ام بالنسبة للأخ medo11220022 فأنا قفلت الفاير وير ولكن برطو لم يفتح الماسنجر
والاوت لوك لم يفتح
أنا عارف ازاى اعمل Create بس أنا عايز استخدم هذه الخاصية من الماسنجر هوتميل او على الأٌقل من الاوت لوك
شكرا لتعبك .........
أم
الأخfares_elahlam19
فشكرا على الإفادة الجميل
بس معنى كلامك إن Remote Desktop لا يفتح من IP خارجى ولكن IP
داخلى فى شبكة داخلية فقط
إلاطبعا عن طريق البورت
شكرا جزيلا
شكراا يا جماعة
الحمد الله عرفت الحل لــــــــ
Remote Assistance
و
Remote Desktop
شكرا يا جماعة على مجهودكم
اللهم انصر المسلمين المستضعفين فى كل ارض ومكاناللهم ارزقنا الاخلاصاللهم ارزقنا لذة النظر الى وجهك الكريمكلمة الله (لفظ الجلالة) بالهاء وليس بالتاء المربوطةجملة ان شاء الله فى مسافة بين (ان) و (شاء)
المفضلات