اللي عندها Cable Internet في البيت يدخل ..!!!

**DDesigns** · 25-10-2004, 21:44

السلام عليكم

اخواني انا عندي في البيت DSL بسرعه 512 ..

المهم في امريكا هناك طريقه غير قانونيه تستطيع من خلالها اذا امتلكت كيبل مودم حق الانترنيت بان تعمل هاكينج للمودم مثل موتريلا او 3Com ومن خلاله يصبح عندك الداون لود طيارهههههههههههه .

صديقي عمل هذه الطريقه والداون لود عنده 1200 كيلو في الثانيه و الاب لود 300 كيلو في الثانيه ..

طبعا عنده مودم ثري كوم .

هل تصدقون خلال شهر قام بتنزيل 400 جيجا حتى ان الشركه قطعه النيت عنه لانه قد سحب كل الباندويدث الموجود في منطقته .. ولكن استطاع ان يغفلهم .

عموما هو نصحني في الكيبل وقال لي انه افضل بكثير من DSL لانه يستخدم كواكسيل اوبتيكال وليس اسلاك نحاسيه ..

فا يا ليت اللي عنده يقول لي علشان نجرب له الطريقه لو اشتغلت .

لان خلاص بكنسل DSL واخذ لي كيبل .

يا ليت الاخوه الاماراتين يفيدونا اكثر .

شكرا ......

**Khattab** · 25-10-2004, 23:08

وعليكم السلام :

الكيبل موجود في الإمارات ؟

غريب !

لأن تقنية DSL و تقنية Hybrid Cable بديلتان عن Dialup ، ولذلك تجد أن في أمريكا ينتشر الكيبل بينما في أوربا ينتشر DSL.

**DDesigns** · 26-10-2004, 00:24

شدعوه اخوي خطاب الكيبل موجود عندنا في السعوديه بعد اللي هو الخطوط المأجره غالبا في المقاهي يسمونها Leased line ..

لحظه شباب ليكون الكيبل اللي في امريكا الكواكسل غير عن اللي عندنا هنا في الامارات او السعوديه !!! مو كلهم يستخدمون اسلاك RJ45 !

**Khattab** · 26-10-2004, 01:02

السلام عليكم :

الكيبل في أمريكا يستخدم كيبل قنوات التلفزيون (Coaxial Cable) وليس UTP* .

أما Leased Line هذي تختلف ، وهي والله أعلم خط هاتف.

-----
* هذا اسم الكيبل أما RJ45 فهو اسم الرأس الذي يدخل في بطاقة الشبكة

**DDesigns** · 26-10-2004, 11:59

اهلا اخوي خطاب ..

متاكد من كلامك !!!! يعني ما فيه عندنا كواكسيل !!

نعم اعلم ان RJ45 هي الرأس ولكن خانني التعبير هههههههه .

**DDesigns** · 26-10-2004, 13:38

اخوي خطاب ..

انا اتصلت على شركه الاتصالات وقلت لهم ايش التقنيه الللي عندكم حق الكيبل وهو قال لي اننا نستخدم كواكسل يعني نفس امريكا ..

سعر التركيب 200 درهم ولكن لو شريت المودم من عندهم يكون ببلاش ..

تمام تمام خله يخلص اشتراكي وبروح اسوي الحركه ان شاء الله تنفع .....

**Om51** · 26-10-2004, 13:38

استاذ Design , ممكن توضيح تراني ما فهمت شيء

(هل تصدقون خلال شهر قام بتنزيل 400 جيجا حتى ان الشركه قطعه النيت عنه لانه قد سحب كل الباندويدث الموجود في منطقته .. ولكن استطاع ان يغفلهم )
حلوة هذي :D , أمر أكيد , لو التنزيل عندك 1 ميجا \ الثانية عاد بنزل النت كلها والله يخلف على الشركة المزودة

**أسامة** · 26-10-2004, 18:18

ملاحظـة جانبيـة : cable يستخدم coaxial ، اما الـ leased line فهم مسمى غير دقيق ، إن اطلق هذا المسمـى علـى خطوط t1 مثلا ، وهي التقنيـة الموجودة في الإمارات فإن الخطوط المستخدمة في هذه الحالـة هي serial cable

**DDesigns** · 26-10-2004, 21:48

ههههههه اخوي OM51 والله ما ادري هذا اللي حصل ..

اخوي أسامه !!!!!

ممكن توضح لي !

انا ابي اعرف نظام الاتصالات في الكيبل عندنا هل هو كواكسل نفس امريكا !!!!!!

انا كلمتهم وهم قالوا نعم .. وايضا انا اعتقد انه صحيح لانك تقدر تطلب قنوات eVision عن طريق هذا الكيبل الخاص في النيت وهو نفس الحاصل في امريكا ..

كيف يعني سيريال كيبل !

يا ليت لو توضح لي قبل ما افصل خدمه DSL واخذ لي كيبل ..

تحياتي ......

**Khattab** · 26-10-2004, 22:20

السلام عليكم :

عندنا! ... ما قد سمعت ان عندنا كيبل!

أما اللي في الإمارات .. فإذا كان يستخدم للقنوات التلفزيونية فأتوقع يكون Coaxial .

**DDesigns** · 27-10-2004, 00:22

ايوه اخوي الخطاب ..

لا اللي عندنا غير يمكن ما فيه خدمه التلفزيون .. وشكله مو كواكسل .

والله مدري انقلب رأسي .

طيب اتصل على الاتصالات في السعوديه واستفسر انا اتصلت وعرفت الاجابه .

**alshalawy** · 27-10-2004, 01:36

السلام عليكم اخواني الافاضل

حبيت فقط اوضح بعض النقاط

في السعودية ماعندنا خدمة الكيبل للنت , لكن بامريكا يستخدمون الكيبل لخدمة شاملة مثل النقل التلفزيوني والنت ويكون النقل التلفزيوني شامل لعدة قنوات حسب الاشتراك

بانسبة للكيبل هو عبارة عن كوكسيل حتى انه في الشبكات القديمة نسبيا يستخدون كيبل الكوكسيل ومنه نوعين نحيف وتخين thin , thick

الكيبل التخين ياخذ مسافة اكبر في التوصيل من النحيل

اما بالنسبة للخطوط المستأجرة leased line فهي سريعة , ومنها كما قال الاخ t1 , t3
وفي بعض دول اوروبا وفي مصر ايضا يستخدون نوع اخر يسمى E1

والفرق بينها في السرعة وهي عادة فوق 54 ميغا وتستخدم في المنشآت ولمزودي خدمة النت
وتستخدم فيها خطوط x.25 او frame relay وهي الاحدث والاسرع

وتستخدم الالياف البصرية كعمود فقري في الشبكات السريعة بين المدن مثلا او داخل منشأة كبيرة

كذلك يستخدم الميكرويف للمسافات الكبيرة او الاقمار الصناعية للربط بين المناطق الجغرافية الكبيرة

وعلى فكرة يمكن للمستخدم الاتصال على الاتصالات لمعرفة اجور الاتصال المستاجر وخدمة الفريم frame relay وكذلك السرعات المتاحة عندهم

**Mohammed** · 27-10-2004, 07:44

هلا اخ ديزاين هنا بالسعوديه اعلى خدمه للمستخدم المنزلي ADSL 256
فى شركه مثل اول نت عندهم 384 كيلوبت لكن غير مصرحه من الاتصالات نفسها !!! اتوقع الطريقه فيها شي
هذا للمعلوميه

اما الامارات فلا علم لى عنها

**blackfox** · 27-10-2004, 19:09

انا اعرف صديق لي يدرس بامريكا سالته عن اشتراكه قالي كيبل بعد ماسالته جم سوال تبين انه يستخدم راس ال RJ-45 الي اعتقد يركب بكرت الشبكه

غريبه بالفعل اخي
DDesigns

لأنه هذي سرعه حتى بفلوس صعب تيبها خصوصا الابلود طاق على ال 300

وهم لأنه شي ثاني

امريكا الان لديها شركه وحده فتحت خطوط ال fiber optic للمستخدمين طبعا اعتقد السرعات كبيره لاكن اكبر سرعه تفرق عن سرعت صديقك ب 2 ميقا تقريبا او 1 يعني سرعت رفيجك تعتبر انجاز لوول

ليكون قصده ميقات بت مو بايت

لأنه الشركه عندهم Monitor traffic
ومومعقوله مو جاكينه الا اذا كانو الناس الي يشتغلون بالشركه من الريف

والله محظوظ

واعتقد في برامج تتحكم باباندويث وغيره

شنو قصدك هاكنغ للمودم ؟

هل يعني برنامج او درايفر معدل او شنو بالضبط؟

بحثت بمواقع الانترنت عن الكيبل انترنت طلع لي انه يستخدم
Coaxial Cable مال التلفزيون ؟
يعني صار لخبطه بنوعين الحين ماندري شنو الكيبل

اوكي لنفرض انه Coaxial Cable وين راح يركب ؟

هل له يعني مودم خاص

لأنه اذا كان RJ-45 فاكيد مايحتاج مودم

اتمنى بالكويت في هالخدمه لاكن مااعتقد لأنه مامر علي كيبل مودم ولا شفت شكله اساسا بالسوق

اخي
alshalawy

كيف يتم تركيب frame relay هل يعني مسموح له بالسعوديه تركيبه عند المستخدمين العادين لأنه سمعت بدولنا انه ممنوع الا للشركات وسعره خيالي

يا اخوان عندي سوال توني عرفته منكم

الشركه المزوده يعني الباندويث اهم يحسب عليهم ويدفعونه اوكي

اذا اهم شركه مزوده فحق منو يدفعون الباندويث هل في شركه ام بالعالم ولا شنو ؟