أعتقد الريد هات
ايهما يفضل دراسته للعاملين بمجال ال networks and security
البعض نصحني بدراسة redhat
والبعض unix من sun فارجو المشورة
أعتقد الريد هات
www.cbtme.com
CCSP GROUP
https://www.arabhardware.net/forum/s...d.php?t=152895
أول موقع عربي يقدم
فيديوهات تعليمية لشهادات مايكروسوفت وسيسكو
واللغه الانجليزيه والشرح باللغة العربيه
حمل كتيب يشرح منتجات الشركه
https://www.cbtme.com/freevideos/cbtmebook.rar
للتواصل على الهوت ميل ماسنجر
أوالياهو ماسنجر طوال اليوم استخدم الهويه التاليه
cbtme@live.com
جزاك الله خيرا اخي الفاضل علي نصيحتك وعلي سرعة ردك
جنو/لينوكس بشكل عام اسرع تطورا من اى نظام تشغيل يعتمد على نواة شبيهة ليونكس (AIX , Solaris , Freebsd , openbsd) وغيره لذلك سرعة التطور ستفيد اى شخص مهتم بانظمة الشبكات والحماية فى الحصول على اموروميزات جديدة باستمرار لذا اعتقد الغلبة فى الايام القادمه له على حساب تلك الانظمة ، ويكفى ان غالبية انظمة ال super computers على مستوى العالم تقريبا حوالى 80 فى المئة من خمس مائة جهاز منها تدار بواسطة جنو/لينوكس وتوجد الان بعض توزيعات لينوكس التى تنافس انظمة التشغيل الخاصة بسيسكو مثل vyatta
حضرتك نظام لينكس هو مشهور لانه الاكثر سهوله والاقدر على التعامل مع المستخدمين المنزليين ونفس الوقت هو موجه للمبرمجين والمطورين واشهر شركات اللينكس وأقواها RED HAT دي بقا لو عايز تتعلم لينكس دي اعتبرها كانها ويندوز سيرفر مع الفرق الكبير الجوهري بينهم لان اللينكس مفتوح المصدر يعني اي حد يقدر يعمل منه النظام المخصص للاحتياج المناسب للشبكة
اما بالنسبة لنظام Solaris الي حضرتك قلت عليه unix from sun ده اسمه sun solaris وهو عموما اصلا الينكس والSun solaris هما الاتنين مبنيين كبداية على نواة unix يعني كلهم اسمهم UNIX LIKE Operating system
طيب بغض النظر عن الكلام الكتير ده
انا عايز حضرتك يوصل لك صورة مهمة بس
كونك تبتدي بالسولاريس ده يعتبر زي الي حب يطلع الجبل فقال انا هطلع الجبل من قمته
لان السولاريس ده اصعب نظام تشغيل في التعامل معاه بجدارة وهو أقوى نظام تشغيل ف السوق في عالم الشبكات والأمن
ده بيجيبه دايما الشركات الجباره اوي الي عايزين سيرفر يشتغل شهور وممكن سنين من غير ميتعمل له رستارت
من الاخر كدا اقوى نظام تشغيل واصعب نظام واغلى نظام في السوق انا ارشحه لان يكون Sun solaris وده على فكرة لو حضرتك دورت على املنتديات العربي اصلا مش هتلاقي عنه ملومات كتير فكيف تريد ان تبتدي مشوار بيه؟
وللتنويه كمان الكورس بتاعه اخر مره سالت فيها عليه الكورس الكامل تمنه 12 الف جنيه مصري
بغض النظر عن صعوبته وانه تقيل بجد
انا ارشح لك اخي الكريم تبتدي باللينكس وده نصيحه قويه مني لان بلاش تبتدي من السكة الي تعقدك
لما تتقن اللينكس هتقدر بسهوله ان شاء الله تنتقل للسولاريس
على فكرة اللينكس نفسه لما تدخله اصلا وتتعلمه هتحس انك مميز عن كل العالم الخارجي حتى لو كان مهندسين سيسكو وواخدين CCIE برده هتحس انك مميز عنهم لان الانظمه المفتوحة المصدر دي دنيا تانيه
وهي تجربه تستحق ان تخوضها لو كنت تبحث عن المعرفه الواسعة
ابتدي باللينكس على بركة الله
ولتكن بدايتك من هذا المنتدى
WWW.LINUXAC.org
وده منتدى عربي عظيم في اللينكس
وانا اسف على وضع الرابط انا حاطه للاستفادة فقط
بالتوفيق اخي الكريم
جزاك الله خيرا اخي الفاضل Nourel2mar وفعلان انا متفق مع حضرتك تماما وجزاك الله خيرا علي هذا الشرح المميز والبسيط جعله الله في ميزان حسناتك وايضا شكرا علي وقت حضرتك
تصحيح بسيط ، نظام صن سولاريس مبنى على نواة مختلفة تماما عن نواة جنو/لينوكس لكن فى النهاية كلاهما يحقق معايير POSIX ﻷنظمة التشغيل بشكل كامل أو بشكل أغلبه متوافق، أما عن موضوع الصعوبة فالأمر نسبى للغاية يختلف من شخص لآخر ، ما جعل انظمة يونكس أصعب استخداما هى صعوبة تطورها من قبل المجتمع المشارك بسبب الرخص التى تتقيد بها ، صن سولاريس حتى فترة سابقة لم يكن نظام مفتوح المصدر ونظرا للتطور الهائل لجنو/لينوكس وسحبه البساط من تحت أرجل الجميع فتحت صن أغلب الكود المصدرى الخاص بالنظام تحت إسم open solaris ، فهو مكون من نواة سولاريس بالإضافة إلى تطبيقات gnu مع مساهمات المجتمع المشاركاما بالنسبة لنظام Solaris الي حضرتك قلت عليه unix from sun ده اسمه sun solaris وهو عموما اصلا الينكس والSun solaris هما الاتنين مبنيين كبداية على نواة unix يعني كلهم اسمهم UNIX LIKE Operating system
أما بالنسبة للحماية أغلب الشركات تتجه الآن إلى الإعتماد على نواة جنو/لينوكس فى بناء انظمة الحماية الخاصة بها ، فنسبة دخول جنو/لينوكس إلى سوق الشركات التجارية فى تزايد مستمر ومن الممكن الرجوع إلى تقارير منظمة IDC عن جنو/لينوكس بخصوص هذا الشان
عندك حق أنا كنت أقصد ان هما الاتنين Unix-Like حابب اوصل للراجل ان الاتنين في طريقه التعامل معهم بالنسبة لل Administrator بتكون متشابهة لحد كبير نظرا لانهم كلهم واخدين من أسلوب اليونيكس فهو مع ان اللينكس الي طور الKernel الخاصه بيه Linus Torvalds وعمل كرنل خاصة وsun بنت نظامها بداية على نواة unix بس هما النظامين شغالين بأسلوب متاشبه لأن الهدف من مشروع جنو في الأول كان بناء تطبيقات تشتغل على unix platform بس تكون كلها Free ومفيهاش كود من اليونكس لانه كان تجاري الظاهر ان richard stallman بيحب يراعي شعور الناس الي معاهاش فلوس :D علشان كدا كل الانظمة دي مصنفة تحت نوع unix like
بس انا شايف ان عملية كون السولاريس سهل لواحد حابب يبتدي دراسة معتقدش انها هتكون صحيحه
لأن السولاريس زي مانت قلت بالظبط هو نظام تجاري زيه زي ميكروسوفت وكمان المشكلة ان ميكروسوفت موجهه النظام بتاعها للhome users انما sun مالهاش دعوة بالناس دول sun كل تطبيقاتها اتوجهت للEnterprise market والشركات الكبيرة مش مستعدة تدفع فلوس في نظام تشغيل واحتمال انه يخلي السيستم كله يقع لمدة عشر دقايق فأغلبهم بيدوروا على الحاجة التجارية على الأقل علشان يكون في Technical Support مضمون مش هاخد النظام ومعرفش اكلم مين يصلحه بعد كدا وطبعًا شركة sun لها اسم كبير جدا علشان كدا كله بيتعامل معاها وهو متطمن
بس بشكل عام علشان الناس الي حابة تدخل في سكة الUnix-Like OS بداية الطريق الأفضل هي اللينكس لأنه هو الأكثر دعما والي هنلاقي شركات بتشرحه وناس بتشرحه وكمان هو مدخل كويس أوي لكل العائلة على بعض كدا ده حتى في شركات كبيرة جدا اتعاملت مع أنظمة اللينكس مؤخرا وعندك مثلا أوراكل الي هي حوت في السوق الوقتي عامله نظام لينكس اسمه UnBreakable Linux وعندك زي ما أخونا قال نظام Open solaris ده كمان واخد من تطبيقات جنو ويعتبر نظام وسط بين سولاريس واللينكس
يعني الي يتعلم لينكس كويس يكون فتح لنفسه بوابة على Linux , BSD , Solaris ودول من أهم الانظمة في السوق
أما منتج شركة SUN قليل لما هتلاقي له شرح ولو حد لاقي له منتدى عربي بيتكلم عنه هيكون راجل محظوظ جدا
فانت هتضطر انك تتعلمه بأقل موارد تعليم وأعلى سعر تدريب بس هو هيوفر لك شغل في شركات كبيره بجد
يعني هو بجد ياجماعة الي حابب يكون System Engineer محترم وله وزنه لازم يتعامل مع الأنظمه دي
أولا تبتدي باللينكس وتاخد وقتك معاه كدا سنتين تلاته
وبعد كدا تتعامل مع BSD , Solaris لانهم أقرب حاجه لبعض يعني وكان السولاريس في مراحل تطويره مبني على BSD
بعد ميكون عندك خبره في التعامل مع التلات انظمة دول انت كدا سمي نفسك راجل مميز في عالم أنظمة التشغيل
بس أنا عندي سؤال وجيه
هو إيه الي جاب التوبيك ده جوا قسم شهادات سيسكو؟ :D
هو إيه الي جاب التوبيك ده جوا قسم شهادات سيسكو؟ :D
لان السؤال كان ماذا يفضل دراسته للمهتمين بمجال network لذا كان الافضل من وجهة نظري ان اضعه هنا لان الاخوة الافاضل هنا علي علم اكتر بهذا المجال
طيب أرجو أن تكون استفدت ووجدت ماتريد
ولو محتاج معلومات زيادة أو مساعدة نحن في الخدمة
المفضلات