بسم الله الرحمن الرحيم

الحمد لله اشتريت من يومين شاشة 2494hs
و من ساعتها و انا باختبرها اختبار قاسى لم ينتهى حتى الان
بس قلت اعمل تقرير عنها للى مهتم بالشاشة الرائعة دى

اولا المواصفات الفنية :

Name Samsung SyncMaster 2494HS Black
Description Flat-panel (TFT), 23.6inch, max resolution 1920x1080 pixels, built-in speakers: Yes, 6.2 kg
Monitor Type PC Monitor
Screen type Flat-panel (TFT)
Screen size 23.6Inch
Widescreen Yes
Technology TN
Touch Screen No
Dot pitch 0.27676 mm
Maximum resolution 1920x1080 pixels pixels
Frequency at max. resolution 60 Hz
Color depth 16.7 million
Pixel response time (rise+fall) 5 total, ms
Contrast 1000:1
Dynamic contrast 1:50000
Brightness 300 nit (cd/m2)
Horizontal viewing angle 170 degrees
Vertical viewing angle 160 degrees
DVI/VGA Input DVI/VGA
Number of Inputs Triple
Video connections D-sub, DVI, HDMI
Color Black
Built-in Speakers Yes
TCO 95/99/03/06 TCO '03
Power consumption 48 Watt
Miscellaneous
Dimensions (including stand, WxHxD) 57.2x42.0x22.7 cm cm
Weight 6.2 kg




ثانيا ال هاردوير بتاع الشاشة :

الشاشة 23.6 انش

نوع التقفيل بتاعها matted black
وده فى راى احسن من ال glossy black finish
لانه يقلل عكس الاضاءة على الشاشة





تقدر تشغل الشاشة فى النور زى ما بتشغلها فى الظلام بفضل ال dynamic contrast العالى



نيجى لفتحات التوصيل
فيها من كل نوع حاجة vga , dvi-d , hdmi
و فيها audio in & out
معاها كبل vga و كبل dvi



السماعات اللى فيها مش باينة و متوجهة للاسفل بس صوتها كويس بالنسبة للفئة بتاعتها




اوحش جزء فى الهاردوير هو الزراير بتاعتها
ليه ؟ لانها زراير تعمل باللمس و وموجودة اسفل الشاشة
ماتقدرش تشوفها خالص فى الظلام و بالتالى ما تقدرش تعدل اى حاجة
و بالمناسبة انا باحتاج اقلب بين ال modes كتير
لان فيها game , movie , text , internet , dynamic modes
و تقدر تغيرها بزرار واحد بس لازم تكون شايفه الاول
انا بلمس ايدى و بالحظ اذا لمست الزراير
زرايرها كالاتى power, auto , source , up , down . menu
زرار auto بيعدل الخيارات تلقائيا
زرار source بيقلب بين الثلاث وصلات يعنى لو موصل اكثر من جهاز على الوصلات تقدر تقلب بينهم
زرار up يعلى الصوت و بعدها تضغط زرار down عشان توطى
زرار down لو ضغطه الاول يتحكم فى ال modes




 قاعدة الشاشة بسيطة جدا و ثابتة كويس جدا
الشاشة تقدر تلف حول نفسها 350 درجة
لان القاعدة جزئين واحد ثابت على المنضدة بقطع مطاط و الثانى بيتحرك فوقه
و تقدر تتجه للخلف 25 و للامام 5 درجة
و بصراحة واجهتنى مشكلة فى الاول فى موضوع الخلف و الامام
لان الحامل كان قافش جدا و مش راضى يتحرك وكان لازم اضغط عليه جامد جدا عشان يبدأ يتحرك
لدرجة انى كنت خايف على الشاشة انها تتكسر
و طبعا تقدر تركبها على الحائط بس لازم تشترى الstand بنفسك






ثالثا جودة الصورة :
جودة الصورة رهيبة جدا hd
انا نقلت من crt dell 19"
بصراحة فى فرق رهيب
الصور حجمها رهيب
الوانها مظبوطة
وضوحها عالى جدا
ال modes اللى فى الشاشة رائعة
جربتها على فلم 720p
صورة اكتر من رائعة
اما على الالعاب فده عالم تانى
شايف كل التفاصيل بسبب حجم الشاشة
سرعة الاستجابة كويسة 5Ms
لو عندك كارت شاشة كويس يبقى محدش قدك




رابعا ال software :
مع الشاشة اسطوانة فيها برامج
لتقسيم الشاشة لاكثر من جزء و ده كويس لان حجمها كبير فتسمحلك انك تشوف صفحتين بكل التفاصيل
و برنامج autorotation ده مش حتستعملة على الشاشة دى لانه معمول لموديل 2494hm اللى يقدر
يخلى الشاشة فى وضع portrait
و برامج لتظبيط الالوان


خامسا العيوب :
قلت فوق عيب الزراير
و ممكن يطلع من حظك الشاشة فيها dead pixel
زى ما طلع عندى
بس انا عملت موضوع عن التعامل معاها
كيف تتعامل مع ال dead pixel
و هى صغيرة جدا مش حتلاحظها الا فى ظروف معينة
و ممكن تواحه صعوبة فى تمييل الشاشة للامام و للخلف بس مع الوقت بتشتغل عادى

سادسا الراى النهائى :
راى ان شاشة "full hd 1:50000 5ms 23.6
و جودة تصنيع من سامسونج و ضمان ثلاث سنوات
بالسعر الرخيص ده 1150 جنيه مصرى
اعتقد ان دى صفقة ممتازة
و انا اكيد مبسوط جدا من الشاشة من جميع النواحى

و السلام عليكم و رحمة الله و بركاته