افضل مكان لاداء اختبار ICDL

**موكا** · 08-12-2009, 04:09

السلام عليكم
انا بذاكر دلوقتى لاداء اختبار icdl:ah24: و عندى مجموعة اسئلة يارت تساعدونى:
1- انا مقيمة فالرياض ياريت حد مقيم هنا يرشحلى مكان اخد منه الشهادة و تكون الشهادة معتمدة و مصدقة بشكل صحيح
2- المفروض الشهادة تكون مصدقة منين و منين بالظبط عشان اكون عارفة
3- هل فى اشياء معينة اسال عليها و اتاكد من و جودها قبل اداء الاختبار؟عشان مندفعش فلوس عالفاضى:ah46:
4- دلوقتى انا دخلت عالموقع الرسمى للشهادة و لقيت ان فيه icdl عادى و فيه متقدم و بما انى اصلا مهندسة و عندى خبرة بالحاسب فهل ممكن اخد المتقدم فقط و يغنينى عن العادى فسوق العمل؟
ارجوكم سرعة الرد جزاكم الله عنى كل خير:o

**الأمير الطائر** · 08-12-2009, 12:39

و عليكم السلام ورحمه الله وبركاته

بالنسبة للسؤال الأخير بس اللي هقدر أرد عليه وباقي الأسئلة لباقي الأخوة وده بسبب اني مش مقيم بالسعودية

دلوقتى انا دخلت عالموقع الرسمى للشهادة و لقيت ان فيه icdl عادى و فيه متقدم و بما انى اصلا مهندسة و عندى خبرة بالحاسب فهل ممكن اخد المتقدم فقط و يغنينى عن العادى فسوق العمل؟

من شروط حصولك علي المستوي المتقدم لابد من وجود شهادة الـ ICDL العادية و لازم تراجعي الإمتحانات الموجودة هنا في القسم او الإنترنت و تتاكدي قبل ما تدخلي الامتحان الاصدار اللي هتمتحني عليه لأن دلوقتي بقي موجود الاصدار الخامس و اغلب المراكز لسه مبداتش فيه بتمتحن بالاصدار الرابع و في مراكز حاليا شغالة بالاصدار الجديد .

**موكا** · 09-12-2009, 00:15

الف شكر يا اميرنا على اهتمامك و يارب باقى الزملاء يردوا عليا جزاك الله عنى كل خير

**S.N.I.P.E.R** · 10-12-2009, 14:44

السلام عليكم و رحمة الله و بركاته

أختى الكريمه ممكن تمتحنى فى أى مركز معتمد من اليونيسكو و كلهم واحد

طيب تعرفى إزاى إذا كان المركز دا معتمد ؟ و إن الشهاده معتمده ؟ خليه يوريلك إسكيل كارد من عنده أولا الإسكيل كارد بيكون صفحه كبيره فى إسمك و رقم بطاقتك تليفونك و سبعة أماكن خاصه بالسبعة إمتحانات علشان كل إمتحان تخلصيه يكتبلك قدامه إنك إجتازتيه

ثانيا فى أعلى الشهاده بيكون فى رقم متسلسل محفور فى الشهاده لازم يكون جنب الرقم دا كلمة un و هى إختصار ليونسكو

أما المراكز الغير معتمده بتعطى شهادات عاديه زى شهادات التقدير كدا و بيكون مكتوب عليها شهادة تأهيل لإمتحانات ال icdl .

**موكا** · 10-12-2009, 22:52

شكرا لاهتمامك نورتنى كتير جزاك الله عنى كل خير

**helal_10g** · 12-12-2009, 06:03

الأخت العزيزة ممكن تذكرى من هذا الرابط و موجود فيه كل الإمتحانات الحالية للإصدار الرابع من icdl
https://www.arabhardware.net/forum/s...d.php?t=137512

**موكا** · 12-12-2009, 07:30

السلام عليك اخى هلال
والله انت انقذتنى من الدح فالكتب:ah1::ah46: ربنا يكرمك و يوفقك ياااارب و تاخد كل الشهادات الدولية اللى نفسك فيها امين يارب
متشكرة اوى و ربنا يجعل كل حرف نتعلمه فميزان حسناتك ياارب
و السلام عليكم

**JUBA** · 05-01-2010, 07:26

الوضع في دول الخليج مختلف

الشركة الراعية لشهادة ICDL تبدء بي GCC وهو اختصار الخليج العربي

ثانيا قومي بالدخول على الموقع التالي https://www.icdlsaudi.org/icdlsaudi_en.nsf/link/AC.html واختاري مكان اقامتك وسوف يظهر لك الاماكن المعتمدة

ثالثا لم يعد هناك شيء اسمه Skill Card اصبحت E-cardوهي بطاقة الكترونية

الإختبارات في الخليج العربي مختلفة كليا عن اختبارات مصر

قومي بشراء بطاقة تدريب من اي مركز معتمد من ICDL GCC وقومي بالتدريب على الإختبارات التدريبية الموجودة