انا فااااااااشل

**محمود قايض** · 12-12-2009, 01:50

ياجماعه انا باخد كورس ccna في نيو هريزون في اسكندريه بس مش فاهم مش عارف ليه والعمليه معقده ومصطلحات كتير ومش عارف اعمل ايه ياريت حد يساعدني انا زهقت ونزلت الفيديوهات كلها اللي هنا بس مش نفس اللي بيديه المهندس اللي ف يالسنتر ياريت حد يساعدني

mahmoudkayed87@yahoo.com

**one-zero** · 12-12-2009, 02:24

اسئل المهندس او المهندسه في ما لا تفهم وسيجبك

**doodi151** · 12-12-2009, 02:38

ياخى انت حاسس انك مش فاهم نصيحتى لك ابدا من الاول

**hammooneel** · 12-12-2009, 03:35

نصيحتي ليك ابدا من الاول ذاكر بهدوء الاساسيات +N مع الكورس واستعين بالله وان شاء الله ربنا يكرمك

**Creed** · 12-12-2009, 03:46

اخي ما تضغط حالك ... مش كل الناس تفهم نفس الشي .. كلنا بدينا من الصفر وشوي تعوقنا ..
والله ما بكذب عليك انا قريت ال CCNA 4 مرات ولما جيت اتعلم CCNP شاهدت كل حلقات الفيديو بتاعت الاستاذ محمد وما بخجل لاني عدت كمان مره بل بالعكس تعلمت كثير شغلات..

**e_amr** · 12-12-2009, 07:58

حاول تحدد ايه الى مش فاهمة بالظبط
هل نقطة ضعفك الانجليزي ولا مصطلحات المنهج ولا الشبكات عامة
في انتظار ردك أخي

**GHOSTEID0** · 12-12-2009, 10:26

يا اخى كلمة فشل دى شيلها من قاموسك خالص
لانه الانسان الفاشل هو الانسان الذى لا يسعى الى التقدم و الى العمل و يظل كما هو على نفس حالته

اما انت فانتا حاولت و لم توفق

اكتب هنا المواضيع اللى مش فاهيمها و ان شاء الله تلاقى اجابه واضحه جدا

**waleedallam** · 12-12-2009, 10:33

انت فى الاول ولا دخلت جامد فى المنهج لانى ترتيب دراسه ال ccna اكاديمى مختلف عن شرح المهندس محمد بس هيجى عليك وقت تلاقى المعلومات كلها مترابطه ومتشابكه ومفيش بينها تعارض انت بس اصبر على نفسك وحاول تتعب شويه لانى المدرس مهما كان واكرر مهما كان مش هيديلك كل حاجه فى المنهج واتكل على الله وكمل اللى انت فيه ومترجعش تانى لنتورك بلس ولا غيرة انت خلاص دخلت فى المعمعه حاول بقى تسد وتبقى دكر وذاكر واجتهد ولكل مجتهد نصيب وبلاش روح الياس دى يا اخى

**internetworld** · 12-12-2009, 10:42

اجتهد وكرر المحاوله وحاول تطبق عملى لوحدك واللى مش فاهمه اسال المهندس اللى بيشرحلك دا حقك خليه يعيد من تانى النقط اللى انت مش فاهمها ومش تياس خليك نفسك طووووووووووووووووووووويل
وربنا يوفقك

**saun__paul** · 12-12-2009, 10:58

يا جماعه انا تقريبا نفس حاله صاحب الموضوع باخد دلوقتي نفس الكورس بس انا في نص المنهج دلوقتي فاهم بنسبه 70% يعني محتاج مذاكره بس المره اللي جايه عندنا حاجه ف testking زي مراجعه وكدا قريب مره الانجليزي طبعا ضايقني رحت سايب المذاكره وقلت مش هذاكر انجليزي ...طبعا انا عارف اني لازم اذاكر انجليزي لان الامتحان بالانجليزي..بس في مشكله .... انا مش بعرف اقسم الشبكه ip
يعني عندي 2 راوتر مش بعرف ادي ل كل راوتر ip علشان اعمل شبكه داخليه بين الاجهزه
ياريت حد يساعدني علي فهم النقطه دي لاني حاولت كتير وعمال احاول ومش هييأس لغاايه ما اتعل...ارجو اني مكونشي طولت ولكم جزيل الشكر

**ahab** · 12-12-2009, 11:25

المشاركة الأصلية كتبت بواسطة saun__paul

يا جماعه انا تقريبا نفس حاله صاحب الموضوع باخد دلوقتي نفس الكورس بس انا في نص المنهج دلوقتي فاهم بنسبه 70% يعني محتاج مذاكره بس المره اللي جايه عندنا حاجه ف testking زي مراجعه وكدا قريب مره الانجليزي طبعا ضايقني رحت سايب المذاكره وقلت مش هذاكر انجليزي ...طبعا انا عارف اني لازم اذاكر انجليزي لان الامتحان بالانجليزي..بس في مشكله .... انا مش بعرف اقسم الشبكه ip
يعني عندي 2 راوتر مش بعرف ادي ل كل راوتر ip علشان اعمل شبكه داخليه بين الاجهزه
ياريت حد يساعدني علي فهم النقطه دي لاني حاولت كتير وعمال احاول ومش هييأس لغاايه ما اتعل...ارجو اني مكونشي طولت ولكم جزيل الشكر

شوف الرابط ده
https://www.4shared.com/file/5225486...0/_online.html

فيه شرح بسيط لكيفية اختيارك لل subnet على أساس عدد الأجهزة

وإذا لم تفهم منه شيء

ارفع رسمة للي انت عايز تعمله وأنا أوضحلك ازاي تكتب الأيبيهات

**GHOSTEID0** · 12-12-2009, 11:37

المشاركة الأصلية كتبت بواسطة saun__paul

يا جماعه انا تقريبا نفس حاله صاحب الموضوع باخد دلوقتي نفس الكورس بس انا في نص المنهج دلوقتي فاهم بنسبه 70% يعني محتاج مذاكره بس المره اللي جايه عندنا حاجه ف testking زي مراجعه وكدا قريب مره الانجليزي طبعا ضايقني رحت سايب المذاكره وقلت مش هذاكر انجليزي ...طبعا انا عارف اني لازم اذاكر انجليزي لان الامتحان بالانجليزي..بس في مشكله .... انا مش بعرف اقسم الشبكه ip
يعني عندي 2 راوتر مش بعرف ادي ل كل راوتر ip علشان اعمل شبكه داخليه بين الاجهزه
ياريت حد يساعدني علي فهم النقطه دي لاني حاولت كتير وعمال احاول ومش هييأس لغاايه ما اتعل...ارجو اني مكونشي طولت ولكم جزيل الشكر

بالنسبه للانجليزى انتا مش لازم تذاكر القواعد و غيره
انتا اهم حاجه تعرف المصطلحات كويس جدا و تكون قادر على ترجمة الجمله
يعنى هتتعب شويه
انا عايزك تعمل ايه : تجيب كشكول و ى مصطلح او كلمه تلاقيها فى امتحان التست كنج او غيره دونها علطول و راجع على الكشكول كل مره

............... و بالنسبه لتقسيم الشبكه خد الكتاب ده و اطبعه و ذاكره كويس و لو فيه اى حاجه قولها

https://www.arabhardware.net/forum/s...d.php?t=146741

.............. و بالسبه لاعطاء ip للروتر

هتدخل على الروتر الاول

r1(conf t)#interface fastethernet 0/0

دى معناها ان الروتر عنده انترفيس 0/0 انا هدخله علشان اديله ايى بى

ip address 10.0.0.1 255.0.0.0

انا كده اديت ايبى للانتريس و كمان اديته سب نت ماسك

#####################################

و نفس الحكايه تدخل على الروتر التانى و تديله ايبى مثلا 11.0.0.1

لو فيه اى حاجه مش مفهومه قول و ان شاء الله تجد الاجابه

**dooby__** · 12-12-2009, 11:48

اذا ما عندكش اساس في الشبكات
لازم تاخد كورس N+ في الاول

**__eRa__** · 12-12-2009, 12:25

من يجد صعوبة في الدراسة وحده فقد تنفع معه الدراسة في مجموعة. أدعوكم للاشتراك في تجمع دراسة ال CCNA . هنا: https://www.arabhardware.net/forum/s...d.php?t=147860
البداية يوم 21 ديسمبر إن شاء الله.

**محمود قايض** · 12-12-2009, 21:43

والله انا اشتغلت سنتين في الشبكات لكن مش على اجهزة سيسكو عند موزع لشكره تي ايه داتا وغير اني خريج معهد حاسب الي وخدت كذا كورس قبل كده لكن المشكله في المصطلحات هو بيقول كلام كتير وكده وانا بتحرج اسئل لما الاقي الكل فاهم وانا شكلي هيبقى وحش المشكله في انه بيتكلم انجليزي كتير وبيشرحلنا على انه كل اليل قاعدين عباقره مش مثلا يقدر انه في ناس ممكن تكون مش فاهمه مش كله خريج هندسه اتصالات يعني المفروض كان يشرحلنا ويديلنا كل جزء بتيجي عليه اسئله ازاي ولكن انا المفروض ليا اعاده مجانا لو كانت نسبة حضوري ميه في الميه وان شاء الله هكمل معاه لحد الاخر وبعد كده اعيد بقه واشوف محاضر تاني بس ياريت دعواتكم انه ربنا يسهلي ويوفقني