رساله تحذيريه قويه وغريبه !!

**no-way** · 05-11-2004, 18:23

السلام عليكم ...

اشتركت في هالمنتدى لانه شفت الصراحه انه فيه ناس متميزين وعندهم خلفيه كبيره عن كل شي وهذا خلاني ابعد نظري عن كل المنتديات وايي واسجل عندكم يمكن الاقي حل حق مشكلتي :confused:

كل ما افتح برنامج يشتغل وياي وفجأه تطلع لي هالنافذه ويتسكر البرنامج او اللعبه او الميديا بلاير او اي شي انا مبطله ومرات قبل لا ينفتح البرنامج تطلع لي ياريت توضحون لي شنو السبب لانه مو قادر اسوي شي :eek:

واذا ضغطت على كليك هير اللي بالازرق يطلع لي

والويندوز ميديا بلاير بعد مرات اشغل فيه اغاني او افلام يعلق ويطلع لي بعدها

ونفس الحكايه ؟؟ يمكن في ملف ناقص او شي مادري ياريت تقولون لي حل باسرع وقت؟
ومافي بجهازي اي فايرس الحمدلله مسوي له سكان ببرنامج نورتون + the cleaner + انتي تروجان .. يعني غلان القى فايرس او شي من هالسوالف

وما استخدم برامج هكر يعني جهازي نظيف فياترى من شنو هالرسايل ؟؟

**Mubarak** · 05-11-2004, 18:53

في مثل هذه الحالة سيكون الجهاز بحاجة لترقية في الأمور التالية:
Direct X ومن الممكن تنزيله من https://www.microsoft.com/directx
الويندوز ، بعد الاتصال بالنت يتم اختيار Windows Updates من START.

ولكن هذا بشرط أن يكون الويندوز نسخة أصلية وليست مقرصنة

**no-way** · 05-11-2004, 19:09

عندي ديريكت اكس على جهازي ومنزله ( النسخه 9 )
وللعلم عندي ويندوز اكس بي ( بينتيوم 4 ) ( 265 الرام ) وكرت الشاشه 64

وجربت انه ازيله من الجهاز واركبه مره ثانيه لكن مازالت المشكله !!

**Om51** · 05-11-2004, 20:36

نحتاج لمعلومات أكثر
مثلا في العديد من الألعاب والبرامج تواجه هذه المشكلة ؟
ايش موديل المذربورد وكرت الشاشة ؟ حتى نوفر أحدث تعريف لكرت الشاشة والصوت . ( بإمكانك تستخدم برنامج EVERST
https://www.lavalys.hu/downloads/everesthome151.exe
نزله وخذلنا صور من قسم Summary )
كذلك المشكلة حديثة ولا من زمان ؟
والويندوز عندك هل هو ServicePack1 أو 2 أو بدون الاثنين ؟

**no-way** · 05-11-2004, 21:05

عندي الرزمه الثانيه من تحديثات الامان .. وهالمشكله صارت لي من فتره مو من زمان ..
واعاني منها مع الالعاب والبرامج ..

**Om51** · 05-11-2004, 21:29

طيب الصور هذي أضافت بعض الفائدة .
أولا السيرفس باك 2 عندك اصدراة غير رسمية , وبالتأكيد يوجد معها العديد من المشاكل , لازم تحصل على النهائية منها . النهائية منها ستجد مكتوب ServicePack2 بدون رقم جنبها وذلك في خصائص النظام .

كذلك كرت الشاشة نزل تعريفه من ATI
https://www2.ati.com/drivers/wxp-w2k...9a-018115C.exe
هذا التعريف الرئيبسي , نزل بعد الكنترول بانل
https://www2.ati.com/drivers/control...9a-018115C.exe

بالمناسبة , الجهاز لابتوب ؟ وأي رقاقات يستخدم ؟ ( استخدم CPU-Z , نزله من www.CPUID.com ستجد في الصفحة الثانية Chipset )

**no-way** · 06-11-2004, 01:38

هذي النتايج مالت البرنامج .. واستخدم لابتوب كومباك بريسايرو 2500 ..
ومشكله الشاشه الزرقه لين الحين مع انه سويت سكان بكل برامج الفايرسات والباكدورات والتروجنات ماكو حل

وقالو لي نسخه السيرفس باك مو اصليه ؟؟ انا منزلها من سي دي مجلة بي سي مجازين معقوله ما يحطون شي زين ؟؟

- - - -- - - -- - - - - - -- --- - --

- -- -- --- -- --- ----- -- - - -

- - - - - -- - - - - - - - - - - - -

- - -- - - -- - - - - --

**no-way** · 06-11-2004, 01:43

صورة انورتون اللي فوق مو تبعي تبع واحد انا حاطها بالغلط من موقع تنزيل الصور اسف

**Om51** · 06-11-2004, 10:43

طيب انت فرمت الجهاز من قبل ؟ إذا فرمته فتحتاج لAGP Driver , هذا شيء أساسي سواءا حل المشكلة أو لا .
https://www2.ati.com/drivers/igp-gart-1009-1.exe

بعدين لاحظ الSP2 عندك Build 2096 , النسخة النهائية منها معروف أنه Build 2180 ولا يكتب الرقم جنبها .

أقترح :
تنزل تعريف الAGP وتثبته ثم تعايف كرت الشاشة الي وضعتهم لك في رد سابق .
أوقف كل البرامج الي تشتغل في Taskbar ( الي تشتغل مع بدء الويندوز ) .
ثبت SP2 نسخة نهائية لأن التجريبية بها العديد من المشاكل .

لو ما نفع هذا كله فأقترح تفرمت الجهاز , تركب WinXP SP1 , ثبت التعاريف الي أشرت لها من قبل , ركب أهم البرامج وأحدث اصدارات لها ونتمنى تنحل المشكلة .

**Mubarak** · 06-11-2004, 14:03

غالبا اجهزة كومباك تأتي بقرص صلب مقسم ، يمكنك عمل فورمات للأول والثاني تجعل فيه آخر التعريفات ، تقوم بتنزيلها من موقع الشركة نفسه.

الأمر الآخر نقول نعم أن نسخة SP2 من المجلة قد تكون فيها مشكلة ، لأن شركة مايكروسوفت نفسها أعلنت أن اول إصدار رسمي ظهر كان فيه مشاكل