استفسار بخصوص بور سبلاى

[cmas]

السلام عليكم :
احب اشكر اعضاء المنتدى على هذا المجهود الرائع والاعضاء المحترمين الى متواجدين فيه...

ان شاء الله انا نويت اشترى هذه القطع
معالج amd phenom 4x (955-965
بورده msi 790gx-g65
مع رام 2 جيجا
سوالى هنا مختص بالبورسبلاى
انا كان عندى بورسبلاى 450 وات بس الله يرحمه
وجيبت بور سبلاى 250 وات مكتوب عاليه ata250w معرفش ده ماركة ولا اه بس جيبته علشان الكمبيوتر يشتغل ويمشى الحال واهو ماشى كان عمال 60 جنيه
المهم هل البور سبلاى ده هينفع يشتغل مع القطع الى فوق ( الى عايز اشتريها ) لفترة قصيرة لا تتعدى شهر
كحل موقت لانى اريد ان استفيد بفلوس البورسبلاى فى اشياء اخرى
ولو ماينفعش خالص يبقى هشترى بور سبلاى
فياريت حد يقترح على بور سبلاى متوافق مع هذه الامكانيات ويكون سعره معقووووووول ؟ :ah14:

[sir.7atem]

مش ينفع خالص الباور ده اقل واجب للبروسيسور 965 باور سبلاي 500 ده لو عاوز كارد شاشه خارجي
لو علي البلت ان يبقي كويس عليه 450
و افضل باور سبلاي حاليا في مصر OCZ StealthXStream 500W السعر 380 جنيه
ابعد عن الهيك ده باوري مش حلو زي ده خالص
بس نصيحه مع البروسيسور ده لازم التهويه في الكيسه تكون تمام اوييييييييي لانه في الخمول مع التهويه الجيده جدا بيكون درجة حرارته 42 الي 40
ده عن تجربه شخصيه بس سرعه ممتازه لا يعيبه الا استهلاك الكهرباء و الحراره
اما البروسيسور التاني مش اعرف عنه شي و الماذر بورد تحفه عندي الموديل جميله جدا و كارد الصوت ممتاز و الفيجا البلت ان جميله بس مع شاشة 17 اكتر من كده مش هتقدر تاخد منها صوره ممتاز هيقل ادائها
تحياتي و تمنياتي بالتوفيق

[masklove]

eXtreme Power Plus 350W = 160 EGP
لو زعلان قوي من HEC هات البور ده برده كويس جدا
علي فكرة لو هتقضي بالكارت الداخلي دلوقتي مش هتحتاج اكثر من 350 وات اصلي كويس جدا كده

[cmas]

[

QUOTE=sir.7atem;1194464]مش ينفع خالص الباور ده اقل واجب للبروسيسور 965 باور سبلاي 500 ده لو عاوز كارد شاشه خارجي[

طبعا عاوز اكيد بس مش دلوقتى قدام ان شاء الله

افضل باور سبلاي حاليا في مصر OCZ StealthXStream 500W السعر 380 جنيه
ابعد عن الهيك ده باوري مش حلو زي ده خالص

اه سبب انه مش حلو ؟

بس نصيحه مع البروسيسور ده لازم التهويه في الكيسه تكون تمام اوييييييييي لانه في الخمول مع التهويه الجيده جدا بيكون درجة حرارته 42 الي 40

انا الكيسة الى عندى jumbo طبعا هتتغير فلو كدة ممكن كيسة يكون البور سبلاى فيها كويس ويشغل القطع كوضع موقت على مانجيب بورسبلاى محترم لان لو كيسه وبور محترم الميزانية كدة باظت والفلوس طارت

الماذر بورد تحفه عندي الموديل جميله جدا و كارت الصوت ممتاز و الفيجا البلت ان جميله بس مع شاشة 17 اكتر من كده مش هتقدر تاخد منها صوره ممتاز هيقل ادائها

بما ان حضرتك بتستخد نوع المازر ده فى ناس يامه شكرت فيها مع تجربه ايضا
بس كان ليا سوال هنا طبعا البوردة ال msi 790gx-g65 اسرع فى الاداء من البوردة gigabyte GA MA785gt-ud3h (معالج جرافيك مدمج من سلسلة Radeon HD4200 من ATI) (يدعم تقنية DX10.1)هل الكارت المدمج الى مع البوردة ال msi أفضل من الكارت المدمج الى مع ال gigabyte ام الجيجابيت افضل ؟


وعندى كارت صوت creative sound blaster live 24 bit sb0410 هل هيكون افضل من كارت الصوت المدمج الى مع البوردة ام سيكون كارت الصوت المدمج افضل ؟ يعنى كل مالبوردة مستواها بقى عالى بيكون كارت الصوت المدمج عالى لانى قرأت موضوع بيقول ان مش شرط ان البوردة لما تكون عالية يكون كارت الصوت المدمج بها يكون كويس بل بالعكس بيكون مستواه ردىء

تحياتي و تمنياتي بالتوفيق

شكرا لردك يا غالى وكترت عاليك فى الاسئلة

eXtreme Power Plus 350W = 160 EGP
لو زعلان قوي من HEC هات البور ده برده كويس جدا
علي فكرة لو هتقضي بالكارت الداخلي دلوقتي مش هتحتاج اكثر من 350 وات اصلي كويس جدا كده

انت شايف ان ال HEC كويس لان انا شايف عاليه اختلاف ناس بتقول كويس وناس بتقول مش كويس
وألف شكر ليك يا نجم

[cmas]

ياريت لو حد يرفع يجاوبنى على الاسئلة ديه

[ALL4US]

زى ما قالك الاستاذ masklove
طول ما مفيش كارت شاشه فالeXtreme Power Plus 350W ممتاز جدا لجهازك ..
ال hec انت وحظك فى ناس شغال معاها تمام وبيشكروا فيه كمان وفيه ناس عندها الباور اتحرق.. فالافضل انك تبتعد عنه للاحتياط..