تجربتي مع X-Fi Titanium + Win7 64Bit

[hanybasha]

السلام عليكم ورحمة الله

الكارت Creative X-Fi Titanium
أمس اشتريت الكارد من شركة هاي إند بـ 700ج - والحمد لله (الذي لايحمد على مكروه سواه).

في البدايه أنا شاري الكارت لأعمال التسجيلات وفي نفس الوقت طبعا للجيمز والأفلام وغيرها من الميديا الصوتية - بكارتي المدمج الموجود في مزر P5Q-E كانت التسجيلات والبلايباك جيده لكن شرائي للتيتانيوم كانت بهدف الحصول على جوده ممتازه - خاصة بعد مدح الجميع لهذا الكارت.

لكن المشكله هو استخدامي لوندوز 7 نسخه 64بت - فالكارد مع هذه النسخه ليس به امكانيه ال Mic Boost وبالتالي الصوت عند التسجيل بالمايك يكون ضعيفا وطبعا عند تكبيره ببرامج الصوتيات المختصه تكبر معه الضوضاء المحيطه مما يستلزم عمل noise reduction التي تؤثر بشكل عام على جوده الصوت - هذه المشكله ليست موجوده مع الكارت المدمج فإمكانية Mic Boost كانت موجوده وجوده التسجيلات أعلى بكثير مقارنه بالتيتانيوم - وبالبحث في جوجل وجدت شكوى من العديد من مستخدمي الكارت لعدم وجود ال Mic Boost الشكاوي ترجع لتاريخ 2007 وحتى الآن!!! مما يعني أنه لا أمل في وجود حل من كرييتف - كان هناك حل من بعض المبرمجين لوندوز فيستا 64 بت عملو برنامج يعدل في الرجستري hacking يعني لكنه لا يعمل مع Win7 لاختلاف هيكل الرجستري.

الآن أمامي حلين اضطراريين إما تنزيل نظام تشغيل آخر مثل XP 32Bit بجوار وندوز 7 - بحيث استخدمه للتسجيلات - أو البقاء في وندوز 7 وتفعيل كارت الصوت المدمج واستخدامه في التسجيلات والاكتفاء بالتيتانيوم في البلاي باك.

المشكلة الثانية في جوده البلايباك - توقعت فرق هائل بينه وبين الكارت المدمج وصراحة لم أنبهر بالفارق فهو طفيف - ربما لأن نظام السماعات يعتبر متوسط المستوى بمعايير اليوم (Sound Works FPS1000 4.1) - ربما يظهر الفارق الكبير مع نظام صوتي من الفئات الاحترافيه !!

- الـ EAX لاتعمل وربما هذا من اسباب عدم احساسي بفارق كبير في جوده الصوت - هناك برنامج مرفق مع الكارت يسمى AlChemy يفترض أن يقوم بتشغيل ال EAX - عند تشغيل البرنامج يفترض أن يقوم بما يلي (كما هو مكتوب في الدوكيومنتيشن على النت) :
When launched, the Creative ALchemy application will search the system for supported DirectSound3D enabled games. All the games found will be listed in the left pane titled Installed Games
لكن استكمالا لعبقرية المنتج فوجئت به يظهر قائمة الألعاب خاليه - يعني أكثر من 20 لعبه حديثه منصبه على الجهاز هو من رأيه أن لايوجد أي منها تدعم دايركت ساوند 3دي - فقررت أن أبحث بنفسي في كل لعبه في خيارات الصوت ان كان يوجد خيار EAX وبعد بحث وجدت لعبه واحده The Witcher - الوحيده التي بها هذا الخيار في أكثر من 20 لعبة عندي منصبة - وفعلا بعد عده محاولات - وخطوات غير طبيعية - ظهر خيار EAX مفعل في اللعبة - لكن لم اسمع شيئا جديدا في اللعبه بعد تفعيله !! ربما يكون التفعيل وهمي أو ان اللعبه لا تستخدم هذه التقنيه بشكل واضح ... أو اني رجل مش سميع - مش قادر أحدد صراحه.

- وآخر المشاكل - عند استخدام برنامج Creative Auto Updater - يظهر لي رساله تفيد بعدم وجود منتج كريتف في جهازي أساساً !! وبالتالي لا يعمل التحديث - وأقوم به manually - وهذه المشكله بالبحث وجدت العديد يشتكي منها وقد ردت شركة كريتف أنها تعلم المشكله وجاري بحث كيفية حلها !!

- الكويس إن الصوت إرتفاعه أعلى بشكل واضح برغم خفض الفوليوم مقارنة بالكارت المدمج - كذلك الـ Bass أعمق وأقوي.

التقييمات من وجهة نظري:
جوده التسجيلات مع كارتي المدمج لمزر P5Q-E هي: 7 من 10
جوده تسجيلات التيتانيوم: 5 من 10

جوده البلايباك لكارتي المدمج لمزر P5Q-E هي: 7 من 10
جودة بلايباك التيتانيوم: 8 من 10

التقييم ده بالتأكيد حيختلف لصالح التيتانيوم لو نظام التشغيل 32 بت وخصوصا لو كان XP وبالتالي مش حيكون فيه مشاكل + لو فيه نظام سماعات إحترافي.

أخيرا أرجو إني أكون غلطان ويكون فيه حلول للمشاكل دي - خصوصا إن كل المراجعات في المنتدى هنا تعبر عن الانبهار بمستوى الكارت وإن على رأي روتانا "مع تيتانيوم مش حتقدر تصدق ودانك" :ah24:

تحياتي ...

[HD5870X2]

لا حول ولا قوة الا بالله !

شركة Creative من أسوأ الشركات في العالم في دعمها الفني والسوفتوير والتعريفات

الغريب والعجيب في الأمر انني كنت أتناقش حول نفس الموضوع على منتدى أجنبي وذكرت انني لم تواجهني أية مشاكل مع ال Audigy 2 ZS منذ عام 2003 مع XP و Vista و 7 ولم تحدث مشاكل أيضاً مع كروت سابقة منذ عام 1999 ولكن في نفس الوقت أنا واثق من وجود مشاكل مع آلاف المستخدمين !

رابط الموضوع في المنتدى الأجنبي :

https://www.rage3d.com/board/showthr...3957392&page=2

ثم انني اسمع كل يوم عن خاصية موجودة عندي في ال Audigy 2 ZS وليست موجودة في ال X-Fi Titanium PCIe مثل ال DD/DTS Built In Decoder والآن مع ال Mic Boost حيث انه يعمل عندي مع Windos 7 64bit !!!!!!!!!!!!

[mustafa811]

لا حول ولا قوة الا بالله !

شركة Creative من أسوأ الشركات في العالم في دعمها الفني والسوفتوير والتعريفات

كلام مايختلفش عليه اتنين و خصوصا في كروت الصوت و خصوصا مع
انظمة التشغيل الحديثة !!!!

و على فكره في كروت بتعالج الصوت عن طريق الهاردوير و اخري عن طريق
السوفتوير .....

[semsem7777]

مينا ممكن الدرايفر اللي انت منزله للويندوز 7 ضروري
عشان صاحبي عنده الكرت ومحتاسين فيه

[3m.Ahmed]

Audigy 2 ZS عندي من غير دعم الشاب البرازيلي دانيال بالدريفرات كان زمانه ملقي في سلة المهملات
حاول تجربة برنامج Virtual Machine و استخدم ويندوز من اصدار سابق لحل مشكلة المايك
لم اجرب الطريقة قبل ذلك لكن ان شاء الله تنجح

[hanybasha]

حاول تجربة برنامج Virtual Machine و استخدم ويندوز من اصدار سابق لحل مشكلة المايك
لم اجرب الطريقة قبل ذلك لكن ان شاء الله تنجح

ان شاء الله أجربه وربنا يسهل - لأن موضوع المايك فعلا أهم حاجه محتاجها دلوقت.

['aMido]

انا عندى مشكله رهيبه كمان مع الكرت
لما بحاول اشغل عليه FLAC على سماعات T6200 بيديينى وش رهيب بيبقى الصوت وحش جداً

[hanybasha]

Audigy 2 ZS عندي من غير دعم الشاب البرازيلي دانيال بالدريفرات كان زمانه ملقي في سلة المهملات
حاول تجربة برنامج Virtual Machine و استخدم ويندوز من اصدار سابق لحل مشكلة المايك
لم اجرب الطريقة قبل ذلك لكن ان شاء الله تنجح

جربت Windows Virtual PC ونصبت فيه XP لكن محلش المشكله لأنه بيستخدم Emulated sound card - SB16 وملوش علاقه بالكارت الحقيقي الموجود بالجهاز.

[gouba]

الكلام دوة مش صحيح انا عندي كرت قديم من كريتف والي هو sound blaster audigy

والكرت اتعرف لما نزلت الوندوز من الابديت وشغال تمام والساوند بوستر للمايك شغال وكمان نزلت لوحة التحكم للفيزتا لان الاصدار الي عندي قديم

بس الشركة نزلت التحديثات الاخيرة علي موقعها وانا نزلتها وشغال بيها زي الفل

ودوة الرابط وفية اخر التعريفات بال 7 رغم انه قديم

الرابط

[gameel-HD]

الأخ gouba
بالنسبة للكرت انا عندى نفس الكارت بتاعك ونفس التعريف لكن لما بسطبه من setup.exe مش بيرضى يسطب بلجأ انى اسطبه من device manager وفى ساعات مشكله بتاقبلنى ان السماعات الأربعه اوقات بيشتغله واوقات لأ اضطر ارجع السماعات 2.1 وبعد كده ارجعهم 4.1
عندك نفس المشاكل ولو لأ ياريت تقولى على الحل

[GX2]

وعليكم السلام ورحمة الله و بركاته

نزل اخر تعريف من موقع الشركه

الرابط
https://support.creative.com/Product...s.aspx?catid=1
وان شاءالله يكون شغال معاك

انا كرتي
X-Fi XtremeGamer Fatal1ty Pro Series

وشغال عندي
نظام التشغيل win 7 64-bit

[gouba]

الأخ gouba
بالنسبة للكرت انا عندى نفس الكارت بتاعك ونفس التعريف لكن لما بسطبه من setup.exe مش بيرضى يسطب بلجأ انى اسطبه من device manager وفى ساعات مشكله بتاقبلنى ان السماعات الأربعه اوقات بيشتغله واوقات لأ اضطر ارجع السماعات 2.1 وبعد كده ارجعهم 4.1
عندك نفس المشاكل ولو لأ ياريت تقولى على الحل

اخي انا منزل وندوز 7 وعملت ابديت والتعريف نزل من ميكرسوفت كامل والتعريفات الي علي موقع الشركة ما نفعتش

وانا مسجل ع الموقع وعامل رجيستر باسم جهازي علي موقع الشركة وطلبت منهم التعريف

وانا نزلت البرنامج التحكم الي كان شغال مع الفيزتا ويبقي كده كلة شغال وال 7 شغالين تمام

ودية اثبات الكلام من جهازي وجاصية البوستر للمكرفون شغالة تمام


[IMG]file:///C:/Users/ADMINI%7E1/AppData/Local/Temp/moz-screenshot.png[/IMG][IMG]file:///C:/Users/ADMINI%7E1/AppData/Local/Temp/moz-screenshot-1.png[/IMG]

[gameel-HD]

شكرا جدا جدا جدا على اهتمامك بس ممكن بس لو سمحت اعرف لينك برنامج التحكم وشكرا قوى ليك بجد

[gouba]

شكرا جدا جدا جدا على اهتمامك بس ممكن بس لو سمحت اعرف لينك برنامج التحكم وشكرا قوى ليك بجد

برنامج التحكم من الاسطوانة الاصلية

ولو مش عندك استني لما ارجع لاني عندي امتحان الصبح وانا باذن الله ارفعلك البرنامج بس انت اهم حاجه اعمل ابديت للتعرف من ع النت عشان يشتغل بكل مميزاتة

[gameel-HD]

اكون شاكر جدا اه الحمد لله التعريف خلاص لكن بدون برنامج تحكم وربنا يوفقك ان شاء الله