تطويره ب3000 جنيه لسنه بكتير

**Don Khozzam** · 01-01-2010, 01:37

السلام عليكم يا رجاله,

انا جهازى الحالى بالمواصفات التاليه
Gigabyte GA-EP31-DS3L v1
Core 2 Duo E7300, 2666 MHz
2x2gb Micron DDR2 800MHz
ASUS EN8600GT MAGIC 512MB

دلوقتى انا عاوز اطور كارت الشاشه لعمنا الحاج 5770 و البروسيسور للباشا الاستاذ الدكتور 9550
الحاجه الكيسه بتاعتى كيسه تجارية اسمها Jumbo و هى اكبر كيسه هنا فى طنطا و من بره شكلها الشكل التقليدى بتاع البBMW و انا شايف انها محترمه باستثناء طبعا الازعاج بتاع المراوح المعفنه التجاريه برضو اللى متركبه فى الباب و المؤخره بتعتها فعاوز برضو اجيب كام مروحه محترمين و اركبهم بدالهم, واحدة 12 سنتى للمؤخره و التانيه صغيره للباب و ممكن اركب برضو واحده ادام عند الزنزانه بتاعت الهاردات يعنى الكيسه شغاله رغم انها مش ماركة
انا عندى باور 500 وات لكن برضو تجارى بس شكله شيك و فيه مروحتين و لونه اسود بس انا عاوز اجيب باور 500+ يكون فيه حماية ضد تيارات الكهربه المنيله بستين نيله عندنا هنا فى طنطا رغم انى ساكن فى انضف حته فى طنطا الا ان الكهربا زى الزفت و كل شويه تقطع و حاجه تقرف , عارف انى احسنلى اجيب UPS لكن ربما مستقبليا لان الميزانية محدوده دلوقتى..

المهم
انا الميزانيه اللى معايا للتطوير هى 3000 جنيه منغير قرش زياده
المفروض انهم يكفو الجماعه دول
Q9550 2.83GHz 12MB Cache
Gigabyte ATI HD 5770 1GB DDR5
و باور 500+ محترم يشيل الهيصه دى كلها مع العلم انى بستعمل هاردين و ديفيديهين و حوالى 5 مراوح متعددة الاحجام فهل 500 وات كفايه ولا لا؟

الجهاز دا هستعمله سنه كمان بس و بعدين هجيب جهاز جديد بإذن الله.

دلوقتى انا عاوز اعرف اجيب الحاجه اللى انا عاوزها دى منين بالظبط فى مصر و هل ال3000 جنيه تكفى و توفى ولا لا... و لو فيه اوبشن لبورده فى الميزانية دى انا كلى اذان صاغيه.. بس المهم انها تدعم الرام المايكرون بتوعى..

و الف شكر ..

**eslamhamdy** · 01-01-2010, 08:06

بسم الله
مكان الشراء ماكسميم هارد و ير
اسعار الاشياء كالاتى
البروسيور 1530
الكرت 1150
البارو سبلاى و اعتقد ان 500 كافى 380
الاجمالى 3060

**masklove** · 01-01-2010, 08:55

SAPPHIRE HD 5770 1GB GDDR5 = 1120 EGP
Cooler master Elite 333 = 275 EGP
OCZ StealthXStream 500W = 380 EGP
Intel Core2Quad Q9400 2.66GHz / 6MB cache / 1333 bus = 1120 EGP
__________________________________________________ __________
2895 EGP
بص مدام كده كده هتغيره بعد سنه هات التجميعة دي
لأن الكيسة هتنفعك بعد كده مع الجهاز + البور
البروسيسور Q9400 قوي جدا جدا وهيقضي معاك اكثر من سنه واداءه ممتاز وهيوفر لك 400 جنيه مقابل فرق اداء مش كبير بينه وبين 9550

**Don Khozzam** · 01-01-2010, 09:40

طيب تمام جدا كدا, فيه حوار تانى كدا بفكر فيه لو ممشيش يبقى هتوكل على الله و اعمل التطويره دى.

الف شكر ليكم جميعا.

**the gamer man** · 02-01-2010, 17:21

وهو حضرتك المواصفات دى عايزها تعد معاك سنة بس؟؟
حضرتك بتطور لمجرد التطوير ولا بتسخدمهم؟؟

**Don Khozzam** · 02-01-2010, 22:14

انا بعد سنه و شهرين بالظبط ان شاء الله هجيب جهاز جديد بميزانية لا تقل عن 10000 جنيه , بس حتى ذلك الوقت عاوز حاجه تصبرنى..

انا بستخدم جهازى للجيمز..

لو عندك تعليق على التدحيثه ياريت تقولى قبل ما اعملها.. انا الصراحه بدات اتردد فى موضوع التطويره لكن الصراحه انا معدتش طايق كارت الشاشه بتاعى.. رمى كل المتعه اللى فى لعبة Mass Effect فى الزباله..

**masklove** · 04-01-2010, 02:37

انا بعد سنه و شهرين بالظبط ان شاء الله هجيب جهاز جديد بميزانية لا تقل عن 10000 جنيه , بس حتى ذلك الوقت عاوز حاجه تصبرنى..

التجميعة اللي انا كتبتها لحضرتك كافية اكثر من سنه وشهرين
لو فعلا هتغير بعد سنه بلاش تغيير البروسيسور وفر ثمنه الــ E7300 مازال قادر علي العمل جيدا وكل ما تحتاجه هو البور + كارت الشاشة
SAPPHIRE HD 5770 1GB GDDR5 = 1120 EGP
Cooler master Elite 333 = 275 EGP
OCZ StealthXStream 500W = 380 EGP
_______________________________________
1775 EGP
وبجد لا انصحك بتغيير البروسيسور مادمت تنوي التحديث بعد سنه

**Don Khozzam** · 04-01-2010, 04:33

الصراحه انا بعد ردى الاخير قعدت قعدة صفا كدا مع الحاج جوجل اعمل ريسرش و فعلا اقتنعت انى مجبش الواد كواد و اخلينى مع ماونتن ديو

انا رسيت الحمدلله على ال5770 و الباور ال500, اما الكيسه فلسه مش متأكد منها , انا كيستى صحيح تجارية و صينى لكن كبيره و اسمها Jumbo لو تعرفها و غالبا ممكن تلاقيها عند محلات الكومبيوتر اللى فى الشوارع مش المولات و شايف انها تقدر تكفينى لحد ما اجيب الجهاز الجديد لان كمان بيركب فيها 3 مراوح بينما ال333 بيركب فيها اتنين بس

انا لو جبت الكارت و الباور ااقدر اجيب معاهم السب اللى انا بموت عليه اللى هو t6200 اما لو جبت الكيسه يبقى هضطر To kiss T6200 Good bye