السلام عليكم ..
انا ان شاء الله ناوي اشتري لاب توب ..
عجبني جدا الماك بوك الوايت .. سعره هنا فى مصر 7200 جنيه و لكني هجيبه من السعودية ب6200 جنيه ..
و وجدت ان في لاب توب ديل ستوديو بنفس المواصفات و سعره 4800 جنيه ..
فياريت تساعدوني فى الاختيار .. لو مكاني تختار ايه ؟؟
انا حاسس ان فرق السعر هو عشان خامات افضل و quality اعلى ..
منتظر ارآئكم بفارغ الصبر ..
الماك بوك حاجة و الايستوديو حاجة تانية
الأول يعمل بنظام ماك من أبل و مصنع داخل مصانع أبل نفسها عشان كدة بيتميز بالسلاسة و التناغم بين أجزائه
أما الثانى فيعمل بنظام ويندوز من مايكروسوفت و مصنع بشركة ديل
و بوجه عام أبل شركة عملاقة و منتتجاتها متميزة جدا و لكن يجب أن تعلم أن نظام التشغيل مختلف عن ويندوز المعتاد فهو نظام ماك و لو ناوى تجيب ماك بوك يبقى لازم تجربه عند حد الأول عشان تشوف هترتاح مع النظام و للا لأ
أما لو هتجيب جهاز ويندوز يبقى أنصحك تجيب سوتى أو توشيبا
و لا تنس صلاة الاستخارة
و فى هنا قسم لأجهزة ماك فى منتدى أنظمة التشغيل ممكن تقرا فيه عن النظام
متشكر جدا يا دكتور محمد ..
انا الحقيقة فعلا جربته و عجبني جدا .. و عرفت افهمه بسرعة ..
و لذلك انا بحاول اخد القرار الاخير ..
مادام عجبك و فهمته يبقى اتوكل على الله و اشتريه طبعا بعد صلاة الاستخارة
و ياريت تاخد برضه لفة فى قسم الماك هنا فى المنتدى
ضوابط المشاركة
المفضلات