سؤال عن logitech z-5500

[bebo2005]

السلام عليكم

أنا عندي استفسار بخصوص سماعات LOGITECH Z-5500 5.1
أنا عايز أعرف هيه متواجده فين في مصر و سعرها في حدود كام ؟ وبرضة كارت الصوت المناسب ليها إية؟!!

[wella1000]

مش موجودة كانت عند كومبيو مي وخلصت ومن فترة كبيرة وكانت بي 2500 جينه
مافيش غير السماعات بتاعت كراتيف اللي أنا حططها في توقعي بس ودي أنضف سماعات ممكن تلاقيها في مصر

[bebo2005]

مش موجودة كانت عند كومبيو مي وخلصت ومن فترة كبيرة وكانت بي 2500 جينه
مافيش غير السماعات بتاعت كراتيف اللي أنا حططها في توقعي بس ودي أنضف سماعات ممكن تلاقيها في مصر

شكرا ياباشا على الرد و الإهتمام و كنت أتمنى إني الاقي الصب ده هنا في مصر

[Mshazly2003]

انا كلمت وكيل لوجيتك في مصر قاللي ان الشركه مش هتنزل السماعه ده بالذات في الشرق الاوسط
اخر مازهقت جبت creative gigaworks s750

[عاشق الولهان]

مشكور ورد

[| raZor |]

انا كلمت وكيل لوجيتك في مصر قاللي ان الشركه مش هتنزل السماعه ده بالذات في الشرق الاوسط
اخر مازهقت جبت creative gigaworks s750

عذراً ولكن هل لي أن أعرف من أين اشتريت هذا النظام؟ والسعر من فضلك؟
وهل كان ذلك منذ وقت قريب؟

[bebo2005]

انا كلمت وكيل لوجيتك في مصر قاللي ان الشركه مش هتنزل السماعه ده بالذات في الشرق الاوسط
اخر مازهقت جبت creative gigaworks s750

ألف شكر ياباشا على ردك و النظام بتاعك جبته منين و بكام؟
وشكرا مره أخرى

[Mshazly2003]

انا اشتريت الgigaworks s750 من شركة MEST احد موزع شركة مترا
بس تقريبا كانت أخر واحده عندهم
ب 2500 جنيه من اسبوعين
تليفون شركه 19425 mest للي عاوز يسال

طبعا السماعات مالهاش لازمها الا بكرت صوت محترم
عندهم creative xfi titanum fadility
بس انا اشتريت creative xfi titanum fadility من بره والصراحه الصوت فرق جامد مع الكارت ده

[badawy007]

انا برده النظام ده هيجننى Logitech Z-5500 بس مفيش اى امل نشوفه فى مصر :confused:

[M Z]

واضح ياشباب ان مافيش فايده في سوقنا المصري " الأطرش " .. ايوه اطرش للأسف !!

لما يبقى عندنا احدث ( كروت / موبوهات / بروسيسورات / رامات / شاشات / هاردات / مشتتات )
زينا زي معظم الاسواق في الدول المحترمه .. ولسه الجزئيه دي مش قادر استوعب ليه مافيش حد عالجها
يبقى سوق اطرش ولا لأ .. ماهو اكيد العيب مش فينا احنا كـ Users !

واللي يشل ويرفع الضغط فعلا إننا عندنا في اسواقنا كروت صوت إحترافيه محترمه فعلا اثمان بعض منها بيوصل ارقام محترمه
طيب وجايبين كروت الصوت الإحترافيه ليه ياناس ياهو لما احنا اساسا ماعندناش حاجه " عِدله " نسمعها !!
حاجه تغيظ فعلا .. مافيش فلوس ولا الناس مش بتعرف تسمع ؟ .. لا فيه فلوس الحمد لله وفيه سمّيعه

فين اللوجيتيك Z-5500 اللي موجود في الصين والهند ومش موجود في مصر .. وآل ايه التوكيل بيقول مش هايجيبه تاني !
فين الفئات العاليه من كرياتيف .. فين الصبات المُرعبه من Genius .. فين وفين وفين
فكروني بفيلم جعلتني مجرما " الغسالات مابتتبعش ليه الناس بطلت تنضف " الصبات مابتتبعش ليه الناس بطلت تسمع :D


عموما انا كمان كنت مُنتظر العملاق ده .. بس للأسف واضح ان التوكيل صرف نظر
يبقى الحل الامثل والافضل والاضخم على الإطلاق هو افضل واعلى نظام صوتي في مصر Creative GigaWorks S750
لإنه يعتبر حاليا اعلى صب للحاسب موجود في مصر ويمكن هو الحاجه الوحيده اللي تقارن بالـ Z-5500
وعلى فكره هو موجود فعلا في مصر وانا كنت صورته لما عملت تقرير مُصور من المول في المشاركه دي - مـــن هـنـــا -



وسعره زي ماهو مُوضح .. وده كمان لينك للمقارنه بينه وبين Logitech Z 5500 :

Creative GigaWorks S750 VS Logitech Z 5500

طبعا الارقام بتتكلم وهاترك لكم التعليق .. وطاب مساؤكم

[badawy007]

كلامك مقنع استاذ mz يعنى مفيش امل اشوفه اللى لو شحنته من امريكا وطبغا كده هيتكلف ضعف تمنه:mad:

[Mshazly2003]

انا بس عاوز اقول حاجه تضحك
الكرتونه بتاعت الصب الي في الصوره هي دي الي اشترتها
لانه كاتب انه لقاها في الأسيوطي مول وانا جايبها من هناك
بس الي اتأكد منه ان ده الكرتونه بالذات بتاعتي ان عند نص كلمه كرييتف عندي الون الأصفر باهت
وده نتيجه اللمبه الي موجوده جنبها
والشركه مكنش عندهم غير الكرتونه ده

[bebo2005]

شكرا يا جماعه على تفاعكلم في الموضوع و الواضح إن في ناس كتير كانت عايزة لل z-5500 :D

[M Z]

انا بس عاوز اقول حاجه تضحك
الكرتونه بتاعت الصب الي في الصوره هي دي الي اشترتها
لانه كاتب انه لقاها في الأسيوطي مول وانا جايبها من هناك
بس الي اتأكد منه ان ده الكرتونه بالذات بتاعتي ان عند نص كلمه كرييتف عندي الون الأصفر باهت
وده نتيجه اللمبه الي موجوده جنبها
والشركه مكنش عندهم غير الكرتونه ده

لوووووووووول من هنا لغاية مصر ماتاخد كاس العالم :D
الكرتونه دي انا باشوفها بقالي سنين
اثريه فعلا .. تقريباً هي كانت موجوده في الارض اللي اتبنى عليها المول وبعدين بنوا المول فوقها :D

مبروك يامعلم .. انت عندك اسد فعلا ما شاء الله ولا حول ولا قوة الا بالله
خد بالك منه احسن زعله مش حلو

المهم ربنا يستر ويكون عندهم غيرو احسن ده لو طلع اخر واحد هاتبقى مشكله بجد
لإن ده كان اخر امل ليها في اي حاجه تنافس التنين Z-5500
ياريت ياجميل لو عرفت تتأكد من الموضوع ده تقولنا

[mosmad]

اخوانى انا اشتريت من يومان طقم سماعات لوجتيك z4 وده احسن حاجة فى السوق وسعرة + مصاريف الشحن 570جنية
وانا اشتريتة من الموقع ده https://www.e3050.com/Default.aspx و هو طقم 2.1 ممتاز جدا