مشكلة في DVD Writer DLالجديد أرجوا المساعدة يا أخوان

**الهداف** · 17-11-2004, 22:08

السلام عليكم

السوم اشتريت DVD Writer DL من نوع NEC's ND-3500A لكن واجهتني مشكلة في تركيب القطعة كنت مركب LG DVD Driver و LG CD Writer بعدين شغاليت معا 100%
نزلت LG CD Writer و ركبت بدالة NEC DVD Writer بعد ما ركبت DVD Writer أختفى كل شي يعني أختفى LG DVD Driver القديم الي مركب و ما طلع DVD Writer و حاولت
حاولت ادور للقطع الجديد ولا شي طلع المهم قلت خلني بركب القطعتين وحده و بعدين وحده ركبت DVD Driver طلع ان في قطعة جديده موصلة بالكمبيوتر و كل شي 100% يوم ركبت DVD Writer أختفى كل شي ال DVD Driver الي ركب اختفى من My Computerكل ما اسوي البحث عن قطعة جديده ما يطلع شي المهم عكست ركبت DVD Writer DL أول و فصلت DVD Driverطلع طبيعي و ركبت الدرايف لل DVD Writer و طلع في My Computer و أشتغل 100% بعدين ركبت DVD Driver أختفو الاثنين من جديد ما أعرف ليش يوم افصل واحد من الأثنين يشتغل الثاني ولا أقدر اركب الاثنين معا؟؟؟
ممكن أحد يساعدني لاني من صدق أحترت

**DDesigns** · 17-11-2004, 22:32

اخي العزيز ...

بعطيك طريقه سهله جدا جدا .

انت مو كانوا عندك شغالين دي في دي وسيدي رايتر بدون مشاكل ؟

طيب شيل الرايتر العادي وشوف من ورا فيه جمبر شوف هو محطوط على ايش Master ولا Slave ولا ايش ؟

وسوي نفس الطريقه على NEC وراح يشتغل ..

فيه نصيحه ثانيه لا تخلي الدي في دي رايتر اللي تنسخ فيه بنفس الكيبل اللي موصل فيه الهارد ديسك علشان ما يصير فيه بطيء .

**الهداف** · 17-11-2004, 22:40

شكرا أخي

حليت المشكلة لكن ما أعرف هل هو الحل الصحيح كانت السواقتين موضولات في وصلة واحد و موضوعة في المذربورد في مقبس أبيض و في جنب المقبس الابيض مقبس أسود نفس الحجم المهم ركبت وصلة أخرى في المقبس الأسورد و ركبتها في السيدي الثاني و أشتغل الاثنين 100% سيدي في الابيض و سيدي في الاسود هل هذه طريقة صحيحة ولا يمكن تسويلي مشاكل في النسخ ؟؟

ثاني شي حبيت أخبرك اني رحت للمحل الي دليتني علييه نوفا تيك بس ما حصلت عندهم NEC و دورت دورت في دبي بالموت حصلت محل قالي تعال باكر و بجييبلك اياه قتله انا من العين ما اقدر ارد لك بكره و اتصل اتصل نص ساعة و دبرلي واحد و اشتريتة ب 360 درهم و اشتريت سيديات DVD من متسوبيشي ....

المهم مشكووووووووور والله يعطييك الصحة و العافية

**DDesigns** · 18-11-2004, 00:04

اوبسسسسس انا اسف لاني غلطت ايه المحل ما عنده هو ياب لي اياه من برع مدري من وين بالضبط .

عموما مبروك عليك ..

انت شبكهم على كيفك اهم شيء الوصله السوداء او البيضاء مدري عنك يعني شوف الرايتر NEC ما يكون مشبوك مع نفس الهارد ديسك يعني قريبين من بعض علشان ما يعطيك مشاكل لما تنسخ بسرعه .

**طالب الخبرة** · 18-11-2004, 01:23

السلام عليكم ورحمة الله وبركاته...أما بعد

مبروووووك عليك أخوي الهداف الدي في دي رايتر..
وأنا كمان وصلني نفس الدي في دي رايتر على بريدي على ارامكس اليوم..
بروح آخذه بكرة

على فكرة يالغالي.. ايش تقصد بأقراص ميتسوبيشي؟؟
هل تقصد أقراص Taiyo Yudun؟ وكم سعرها وسرعتها؟

وننتظر ردك يالغالي
أخوووك طالب الخبرة

**DDesigns** · 18-11-2004, 01:45

اخوي طالب الخبره اسمح لي اتدخل ...

انا نصحت الهداف باقراص مصنوع من شركه Mitsubishi chemical لان هي تجي بالمرتبه الثانيه بعد Taiyo Yuden نظرا لان هذه النوعيه صعبه تحصلها هنا لازم نطلبها ..

ميتسوبيشي هي نفسها اقراص Verbatim DataLifePlus ..

والسعر حلو جدا ..

على فكره اخوي الهداف بكم اخذت السيديات ؟

**الهداف** · 18-11-2004, 10:21

لا الهاردسك عندي Sata موصل لحالة
سعر السيدي 4 دراهم للواحد DVD+R 4X أشتريت 10 ب 40 درهم كل 5 حبات معاً

أخي طالب الخبره من أي موقع أشتريت السيدي رايتر و كم كلف مع التوصيل