ربنا يعينك ان شاء الله
حاولتدور على شركة تعمل فى مجال الشبكات وشتغل كمبتدىء ب الشهادة network+ وهتاخد على ما اظن الراتب الى انت محتاجة وهتاخد خبرة (دى وجهة نظر
اولا انا من متابعي المنتدي الرائع دا واستفدت منه كتيييييييييير رغم اني لسه عامل اشتراك حالا بس جزاكم الله كل خير وجعله يارب في ميزان حسناتكم
ثانيا انا مؤمن جدا بان الرزق بيد الله ... "وفي السماء رزقكم وما توعدون "
ادخل ف الموضوع
انا شاب مصري ف سنه 4 تجاره حاليا وعندي 22 سنه ومن فتره انهيت نتورك بلس مش عشان كارير او كده لأ دا لاني كنت بحب الشبكات جدا ف لاقيت الناس بتتكلم عليها ف المنتديات ف نزلتها واتعلمت منها كتييير بس الكلام دا من فتره
دلوقتي انا مقبل علي ظروف صعبه جدا وخاصه جدا عند التخرج بأذن الله ومحتاج اتوظف ضروري طبعا انا كخريج تجاره ممكن جدا اشتغل مع والدي والراتب هكيون كويس بس هكون محاسب وانا بجد بحب مجال الشبكات جدا والكمبيوتر عموما وبتعلمه بسرعه جدا
كل مؤهلاتي حاليا icdl و لغه انجليش الحمد لله تمام ونتورك بلس وبتعامل مع اللينكس كويس جدا زي الويندوز
ف سؤالي لو انا عاوز اول ما اتخرج بعد 7 شهور ان شاء الله الاقي وظيفه بسهوله ويكون راتبها كويس يعني مش اقل من 900 ج كبدايه مع العلم طبعا بان الرزق بيد الله
وانا والله ف نيتي اكمل ف المجال واتعمق اكتر واوصل لاعلي الشهادات بفضل الله بس كل غرضي دلوقتي ادرس شهاده انتو تقولولي عليها بحيث اتخرج واقدر اشتغل بيها وبعد ما الظروف الصعبه اللي عندي دي تنتهي خلال سنه مثلا ان شاء الله اخد راحتي بقي وادخل علي مهلي ف المجال واتعمق فيه ك سكيورتي او ما الي ذلك
في ناس نصحوني بما انك ف مصر ف خد mcse هتلاقي بيها شغل بسهوله
وناس نصحوني ب سيسكو الاول بعدها مايكروسفت ولو ان كده اكتر من 7 شهور
وناس نصحوني ب mcse و redhat بما اني كويس ف اللينكس
ف انا محتاج خبرتكم من ناحيه العمل والمرتبات وكده وصدقوني والله لولا الظروف الي عندي وضيق الوقت كان ممكن ابدأ السلم زي كل الاعضاء هنا بس للاسف مضطر اأجل الخطوه دي للسنه الجايه اذ الظروف اتحسنت
وحد ممكن يقولي طب ما تشتغل السنه دي اي حاجه ولما تحب تدخل شبكات ابقي ادخله صح
هقوله معاك حق بس انا عاوز اضرب عصفورين بحجر يعني اشتغل السنه دي ف مجال بعشقه ومرتب كويس والحاجه التانيه اتعامل مع خبرات كبيره ف الشركه واحط الكلام دا ف السي في هيفرق معايا ادام كخبره
اسف جدا عالاطااله بس انا شرحت كل حاجه بالتفصيل ومستني مساعدتكم
وجزاكم الله كل خيرا
ربنا يعينك ان شاء الله
حاولتدور على شركة تعمل فى مجال الشبكات وشتغل كمبتدىء ب الشهادة network+ وهتاخد على ما اظن الراتب الى انت محتاجة وهتاخد خبرة (دى وجهة نظر
انا خريج تجاره و عندى 22 سنه
بدرس ايضا شبكات
و كنت ناوى ارمى المحاسبه خالص و اذاكر شبكات بس
لكن الظروف حكمت انى اشتغل و ادور شغل على شغل كمحاسب
منها اقدر اجيب فلوس اصرف بيها على الشهادات و منها اسمى شغال
........
لو حالتك الماديه كويسه و و عندك اراده
ادرس ccna + mcse من الان
يعنى لو اخدت ccna فى 3 شهور و تاخد 4 امتحانات من mcse فى 4 شهور هيكون تمام اوى
........... علمت ان رزقى لن ياخده غيرى فاطمن قلبى .............
بس يا غالى
انا أحب انصحك تبدأ بدول وكويس ان انت معاك N+ MCSA&MCSE&CCNA وبعد كدة لما تشتغل وتكتسب خبرة انته نفسك من الأحتكاك هتعرف انت هتعوز اية تانى
واحب ابلغك تحياتى لك
اخى الكريم
انا فى كلية تجارة
سنى
24
انته ادامك
7
شهور
حالا
هتقدر تدرس
ccna فى
3
شهور
وتدرس
mcse
فى 4 شهور
الناتج
CCNA+MCSE=7MONTH
وربنا هيكرمك بشغل
ان شاء الله
رايي من راي الشباب ccna ,mcse
والله يوفق
اتكلنا على الله دائما وابدا
ccna -ccnp-ccvp
:ah40:
حصريا شرح CCNP-BSCI
https://www.arabhardware.net/forum/s...d.php?t=133213
كمل ال MCSE لانها اوسع وممكن تشتغل بيها اسرع من سيسكو بس لا تنسى سيسكو فهي اساس النتورك يعني العضم بتاع الموضوع كله :D
جزاكم الله كل خير اخواني وهعمل بكلامكم ان شاء الله وهخلص ccna وبعدها اخلص mcse وربنا يكرم ان شاء الله
معلش يعني محدش يزعل مني والارزاق بيدي الله طبعا ....
بس معلش يعني لو كل واحد يفضل في تخصصه ويشتغل وينمي نفسه فيه البلد ديه هتتطور ... مهوه مش معقول يعني انتي تشتغل في الشبكات والمهندسين يروحو فين يفضلوا في بيوتهم بقي مش كده ..............
اتقوا الله في ما تفعلون وفكروا كده لو كل واحد من تجاره او اداب او غيره فكر زيك وفوق ده كله اساسا ان المهندسين دلوقي مش لقين شغل تروحوا عملينلنا في السوق تضخم و كثره وبكده انا ملقيش شغل وانتا متلقيش شغل و كمان سعر مهندس الشبكات يقل لان ن مثلك ميعرفش اد ايه المهندس بيتعب علاشان يعمل حاجه وكفايه دراسه 5 سنين ...............
حراممممممممممممم بقي خلتونا نترفض من الشركات بسبب تفكركم و تقتعكم علي ارزاق غيركم .... ربنا يسامح ال كان السبب وهي الشركات المتخصصه ال بتنزل الشهادات دي .......... حرام والله يعني انتي تبقي ممكن تشتغل محاسب او غيره من اعمال التجاره وكمان بتدور علي شغل شبكات و انا معرفش اشتغل غير شبكات وايه كمان بترضوا باي فلوس .............
اكيد انا هيأيدني كتير من مهندسي الاتصالات وخصوصا حديثي التخرج ..
للأخ المريض نفسيا فادى فوزى fadyfawzey
الرجاء أن تحاول تطوير نفسك و هذا ما سيجعلك مقبول من كل الشركات وليس فقط أنهائك للكلية , ويبدوا أنك كنت معقد بفكرة انك مهندس وليس مثلك أحد و ان الدنيا والشركات كلها ستبحث عنك بعد الجامعة , ولكن معذرة للأسف الدنيا والعمل لا يبحثونن عن أحد
حاول أن تفكر بطريقة صحيحة أو أترك المنتدى للأصلح منك
يااخي الارزاق بيد الله لكن اسلوبك وطريقتك للاسف مستفزة خصوصا لو كان كلامك غير منطقي ,
مجال الشبكات او التكنولوجيا بصفة عامة غير مرتبط بتحصيلك الجامعي وسأعطيك مثال لشخص من اكثر الناس خبرة في مجال ال Networking اسمة Scott Morris ( 4xCCIEs , CCDE, JNCIE ....etc) تخيل شخص بكل هذة الشهادات وليس من خريجي كليات الهندسة بل خريج صحافة وبفضل اجتهادة و تمكنة من التكنولوجيا اصبح احد افضل ال Instructors الحاليين في العالم
ياريت تغير من طريقة تفكيرك ولا ترمي كل اخفاقاتك على الظروف والاخر و تتغاضى عن اوجة القصور لديك
نقطة اخيرة : الجامعات العربية وبلا فخر تتزيل تصنيف الجامعات العالمية , بمعني لو سافرت لاي دولة في العالم عدا الدول العربية لن ينظر شخص لشهاداتك الجامعية بل الى الشهادات التي تمنحها الشركات العالمية وقبل ذلك الى خبرتك
بالنسبة للاخ كاتب الموضوع , طلب العلم لا يوجد بة Shortcuts :cool:
في رعاية الله
الم تر إلى الذين بدلوا نعمة الله كفرًا وأحلوا قومهم دار البوار، جهنم يصلونها وبئس القرار
اخي المهندس الي زعلان ...هون علي نفسك ...
اعلم أن ماكان لك سيأتيك على ضعفك وماليس لك لن تناله بقوتك .
وانا معك ان هذا المجال فعلاً قد اقتحمة الكثير من الغير متخصصين في الهندسة . ولكن هذا شئ لا يضرك ولا يضايقك لأنة في النهاية يبقي شئ واحد وهو الكفاءة والعلم فأنت اذا اردت أن تعمل اي عمل انت تهواة وتحبة لن يمنعك أحد ولكن اثبت كفاءتك وعلمك فية .وعندما تنظر في واقعنا لا تلوم احد يحاول أن يبحث عن عمل يحبة وبعطي فية
ويبقي لك أنت أن تثبت أنك تستطيع الاستفادة مما درستة في الكلية مع تطوير مهاراتك لتكون مميزاً عن غيرك
واخيراً ؛ اهلاً بأي شخص يريد أن يعمل في هذا المجال ولكن علية أن يثبت نفسة بالعلم والكفاءة
مهندس اتصالات
" ومن يبتغ غير الاسلام ديناً فلن يقبل منه وهو في الاخرة من الخاسرين "
-------------------------
اللهم انقذ ثورة مصر من مكر الماكرين
MCP / MCSA / MCSE /MCTS / MCITP Instructor
Prepare CCNA - RHCE - CEH
Please Visit My Web Site Www.EslamElFIky.Com
اولا دى كلها ارزاق وبعدين لية مش عندك ارادة انك تبقى احسن و تسيبك بقى من عقدة كليات القمة وكليات القاع دى علشان لكل مجتهد نصيب و مش معنى ان اللى معاة شهادة معينة يبقى خبير و اظن ان المناهج الدراسية فى الجامعات المصرية لا تؤهل خريجى هذة الجامعات للعمل فى السوق و اكبر دليل ان جميع الخريجين بياخدوا كورسات علشان يقدر يلاقى شغل . يعنى اعمل اللى عليك و توكل على الله .
و بعدين اشمعنة مسكت فى دى و نسيت الكليات و المعاهد الخاصة . يعنى دة مش مقياس.
و احب اقولك انى خريج كلية تجارة جامعة عين شمس دفعة 2004 و اشتغلت سنة محاسب و ملقتش نفسى فيها و بعدين رحت اشغلت فى مولات الكمبيوتر فى صيانة الهاردوير و اتعلمت كويس بفضل الله و يشاء القدر انى اشتغل لمدة سنتين فى كلية هندسة عين شمس و كمان فى قسم الالكترونيات والاتصالات و كنت بعمل IT Support للكلية كلها و الحمد لله شفت ان الدراسة حاجة و العمل حاجة تانية علشان انا فكرت انى احضر المحاضرات مع الطلبة و كنت بتكلم مع استاذ دكتور فى الموضوع دة و قالى ملهاش لازمة و كمان انا اتأكدت من دة لما كنت بعمل شغلى و اشوف الطلبة بيتفرجوا عليا زى ما اكون بعمل سحر . و بقولها بعلو صوتى اجتهد و اعمل اللى عليك لأنى جربتها وشوفت نتيجتها عمليا . يعنى كنت بشتغل تقريبا حوالى من 12 الى 15 ساعة يوميا فى و ظيفتين لمدة 4 سنين و نصيحة اللى عايز يعمل حاجة حيعملها و يقدر يعتمد على نفسة من غير كورسات لو هوة هيقدر ينظم وقتة و انا كنت اشتغلت سنة فى سنتر من اكبر السنترات فى ال Training و اكتشفت ان الكورس مش بيدى كل حاجة لكن لازم الواحد يتعلم برضة self Study و هيشوف فرق كبير و بعد الرحلة الصعبة دى الحمد لله اشتغلت فى 3 من اكبر الشركات فى مصر و اتعملت مع ناس عندها خبرات كويسة . و انشاء الله لسة عايز احسن ودة كلة بفضل الله . يعنى ملكش دعوة بغيرك اشتغل على نفسك وبس ملكش دعوة مين بياخد اية و شغال فين و بياخد كام . لكن انت حدد لنفسك هدف و اشتغل و ربنا لا يضيع اجر المجتهد و كمان لازم تصبر شوية .
و ربنا يكون فى عون الجميع ..........
خرجنا من الموضوع الاساسى وتوهنا صاحب الموضوع :confused:
الكليات العملية بتملا الدماغ بنظريات ومعدلات وبانظمة قديمة غير سوق العمل بالمرة (هناك فجوة كبيرة بين الكليات وسوق العمل)
المفضلات