النتائج 1 إلى 5 من 5

الموضوع: ارجو الافاده

  1. #1
    عضو
    تاريخ التسجيل
    Jun 2008
    المشاركات
    60
    الدولة: Egypt
    معدل تقييم المستوى
    0

    ارجو الافاده



    انا اكنت عايز اسئل سوال عن معني كلمة التردد .......انا عايز اعرف اية معني ان انا اكون شغال ما بين تردد كذا لكذا .....وكنت عايز حد يقولي معني الطول الموجي.... انا عايز تفسير ولكن بشكل مبسط انا عايز كلام استطيع ان انا اتخيله

  2. #2
    مخالف للقوانين
    تاريخ التسجيل
    Aug 2007
    المشاركات
    2,047
    معدل تقييم المستوى
    0

    رد: ارجو الافاده

    قد يفيدك هذا بشكل ما: http://www.tkne.net/vb/t46152.html

  3. #3
    عضوية جديدة
    تاريخ التسجيل
    Jan 2009
    المشاركات
    8
    معدل تقييم المستوى
    0

    رد: ارجو الافاده

    اقتباس المشاركة الأصلية كتبت بواسطة ahmad209 مشاهدة المشاركة
    انا اكنت عايز اسئل سوال عن معني كلمة التردد .......انا عايز اعرف اية معني ان انا اكون شغال ما بين تردد كذا لكذا .....وكنت عايز حد يقولي معني الطول الموجي.... انا عايز تفسير ولكن بشكل مبسط انا عايز كلام استطيع ان انا اتخيله

    التردد بمعنى عام هو عدد مرات تكرار حدث معين خلال وحدة معينة
    يعنى مثلا عدد مرات شرب الشاي يساوى 5 مرات اثناة قراءة صفحة موضوع ده تردد = 5 كوب / الصفحة
    اما عن تردد الموجات
    فهو عدد تكرار الموجات في وحدة الزمن ( عادة تكون الثانية )
    يعنى كام موجه بيعملها الجهاز او بتمر عليه في الثانيه الواحدة وده قياسه بالهرتز (HZ)
    او موجة/ ثانية
    والهرتز ده معناه ان موجه واحدة حصلت في الزمن كله
    يعنى ايييييه؟
    يعنى مثلا لو في خمس ثوانى بصيت للجهاز هلاقيه عمل اهتزازة واحدة
    علشان كده بنقول ان التردد مقلوب الزمن
    طيب ايه هو الطول الموجى
    الطول الموجى عموووووووووووما هو المسافة بين نقطين زى بعض بالظبببببببببببط
    يعنى ايه
    بعنى مثلا لو موجه زى دى

    النقطين اللى فوق دول زى بعض
    على نفس المسافه والشكل
    يعنى بعد كده الموجه هتتكرر
    يبقى هو ده الطول الموجى
    هو المسافه بين نقطين لهما نفس الطور
    او هو أصغر جزء متكرر مكون للموجات
    طيب فهمنا ايه هو التردد وايه الطول الموجى
    نعرف بقى يعنى ايه شغال بين تردد كزا وكزا
    انت عطيت لنفسك تفسير بسييييييط لشيء مهم وهو الحيز الترددى
    يعنى ايه؟
    يعنى انا لما اكون عاوز ابعت اشارة هوائية مثلا
    مش انا لو بعتها كده بالحظ
    مش وارد جدا انها تتداخل او تختلط او تضيع مع موجة تانيه؟
    لان الموضوع كده ملوش ظابط (يجعل كلامنا خفيف عليهم )
    يبقى انا لما احب ابعت موجة لازم اعرف بالظبط انا هبعتها بتردد كام يعنى الموجة بتاعتى هتمشي كام موجه في الثانية الواحدة
    علشان مش اى حد تانى ياخده مزاجه ويبعت بنفس ترددى وفي الاخر الموجتين يضيعو بعض
    ومنعرفش نستقبلهم
    كمان مش ده بس اللى بيحددها
    لان اكيد الموجة بتاعتى هيبقى ليها سمك
    يعنى ايه؟
    يعنى هشتغل بين تردد خمسة مثلا وتردد عشرة
    يعنى الحيز اللى هتحرك فيه عبارة عن 10-5=5 هرتز
    يعنى مثلا شركة محمول عاوزة تدخل جديد السوق يبقى هتشتري حيز ترددى من البلد
    يعنى هتشتري الترددات من كزا لكزا محدش يرسل بيها غيرها
    ودى بيسموها BANDWIDTH بتاعها
    يعنى من الاخر الحكومة بتبيعلهم الهوا
    اتمنى تكون فهمت منى ومعلهش لو كان الاسلوب بسيط قوى واغفل حاجات مهمة كتير بس انت اللى طلبت كمان انت مش عاوز غير مفاهيم

  4. #4
    عضو
    تاريخ التسجيل
    Jun 2008
    المشاركات
    60
    الدولة: Egypt
    معدل تقييم المستوى
    0

    رد: ارجو الافاده

    shokran leeekom keteer

  5. #5
    عضوية جديدة
    تاريخ التسجيل
    Jan 2009
    المشاركات
    8
    معدل تقييم المستوى
    0

    رد: ارجو الافاده



    الشكر لله
    انت فاهم غلط شويه
    التردد والطول الموجى العلاقة بينهم عكسية
    بعنى كل ما التردد يزيد يقل الطول الموجى والعكس
    لان بينهم قانون ان سرعة الموجة = التردد * الطول الموجى
    لما الطول الموجي يكبر هل الشارة تغطي مسافة اطول ولا العكس
    لا العكس كل ما كاتن الطول الموجى اطول الموجة ايوة بيبقى طولها كبير انما مبتقدرش تغطي مسافة كبيرة
    علشان كده موجات الصوت العادية بتاع الراديو والتليفزيون طولها الموجى كبير نسبيا
    فبيعملو عملية كده اسمها modulation
    يعنى بيحملو الموجة اللى طولها الموجى كبير دى على موجة ترددها على وبالتالى طولها الموجى قصير
    فتقدر تمشي مسافة كبيرة بالكيلومترتات
    لان انا قرأت ان الميكرو ويييف بيبعت بتردد عالي بالتالى الطول الموجي قصير علي الرغم ان الميكرووييف المفروض انة الموجات بتوصل لعده كيلومترات
    وده دليل على كلامى
    المايكروويف هي جزء من الاشعة الكهرومغناطيسية له طول موجي طويل يترواح بين 0.3 الى 30 سم
    وده مكانه في الطيف الكهرومغناطيسي

    وفي موجات اقل في الطول واعلى في التردد زى ما الشكل موضح
    وعلى فكرة الميكروويف يعتبر استخدامه محلى الى حد ما
    زى مثلا الربط بين محطات المحمول

المواضيع المتشابهه

  1. ارجو الافاده
    بواسطة drmoh في المنتدى الأرشيف
    مشاركات: 0
    آخر مشاركة: 20-09-2012, 14:12
  2. ارجو الافاده من اهل جده
    بواسطة hooka1989 في المنتدى الأرشيف
    مشاركات: 3
    آخر مشاركة: 20-12-2011, 02:27
  3. ارجو الافاده
    بواسطة shiots010 في المنتدى السوفتوير العام
    مشاركات: 0
    آخر مشاركة: 08-03-2010, 03:12
  4. ارجو الافاده
    بواسطة mesho20100 في المنتدى الأرشيف
    مشاركات: 5
    آخر مشاركة: 15-03-2009, 07:44
  5. ارجو الافاده
    بواسطة PLaTiNUM في المنتدى الأرشيف
    مشاركات: 1
    آخر مشاركة: 27-03-2005, 22:21

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •