يا جماعة انصحونى اعمل ايه ده عيب رام ولا amd

**hazemsagherh** · 31-01-2010, 12:44

الجهاز يا جماعة مكملش اسبوع

من اول يوم وهوه يرستر لوحده + الشاشات الزرقاء تابعة للرام انا قرأتها

ده غير التعليق المستمر اثناء الشغل لكن idle رستر بتاع مرتين تلاتة

عملت ابديت بايوس مفيش حل
غيرت الويندوز قلت العيب من السوفت برضوه تكررت

اعمل ايه يا جماعة ارجوكم المساعدة

الجهاز كما هو مذكور فى بيناتى

انا متضايق قوى قوى مش عارف اعمل العيب فين بروسيسور ولا بوردة ولا رام ولا ايه

انا تعبت اوى

**shadow1** · 31-01-2010, 13:08

أخي بارك الله فيك
ايه أخبار درجات الحرارة لقطع الجهاز
إذا كانت الحرارة كويسة
جرب أنك تشغل الجهاز على قطعة واحدة من الرامات إذا كان كويس جرب القطعة الثانية ثم جرب كل مكان للرامات لوحده وقلنا النتيجة ايه وإن شاء الله يكون خير

**memoreturn** · 31-01-2010, 13:09

بص في حالاتك دي يامعلم مقدماكش الا حل من الاتنين طالما انت بتقول عملت ابديت للبويس وغير الويندوز ونفس المشكلة موجودة انك تجرب كل حاجة لوحدها يعني تغير الرمات وتكون مشغل البروسيسور وتشوف لو ظهرت يبقي انت كده العيب في الرامات والعكس صحيح تغير البروسيسور وتسيب الرامات

بس انا شايف انك عندك كده اتنين رامات كل واحدة 2 جيجا صح لو كده جرب شيل واحدة وشوف وبعدين جرب التانية لوحدها وشوف وهكذا وانت مشغلهم ايه ديول شانل ولا ايه برضه غيرهم يمكن في مشكلة عندك في البوردة لما بتشغلهم ديول شانل جرب كل حاجة لحد ماتوصل للعيب فين

بس طالما انت بتقول انه الرسالة الزرقاء بتقولك انه عيب رامات يبقي في الغالب هي جرب زي ماقولتلك واحدة واحدة كل واحدة لوحدها وجرب تسطب ويندوز اكس بي او سيفن عليها كل واحدة لوحدها لانه ده اهم تست ليها في السريع طالما سطبت وندوز يبقي سليمة بنسبة كبييرة لانه في رامات بتبقي شغالة تمام جداا بس تيجي تسطب عليها ويندوز متسطبهوش وده عن تجربة شخصية

ويارب اكون اقادتك

**hazemsagherh** · 31-01-2010, 13:34

شكرا لردودكم انا سطبت نسخة مرة 7 ومرة فيستا وتمام من غير مشاكل اثناء التسطيب

الكيت اللى معايا dual channel ocz platinum بس بتاعت intel

specially designed for intel i3,i5,i7

بس فى ناس كتيير شغالة بيها عادى

ودرجات الحرارة الوحيدة المرضية جدا

ويا جماعة انتوا متفقين على انى احط كل رام لوحدها طب اصلا المشاكل يعدى يوم كامل تمام ويوم مشكلة وبعدها بساعة عادى مع نفس البرنامج مثلا وغيره لا

و ملهاش سبب واضح فاهمينى ؟

فا مش عارف انتوا كده شككتونى فى البوردة كمان

صعب جدا اختبر رام تانية علشان انا من اسيوط وجايب الجهاز من ماكسيموم

ومصاريف الشحن تقيلة غير كده هنا مفيش حد معاه هنا DDR3

**hazemsagherh** · 31-01-2010, 13:48

ارجو المتابعة

**BlackMask** · 31-01-2010, 15:12

اخى الكريم

مش تجيب رامه تانيه اشتغل برامه واحده بس من الاتنين وشوف كدا وغير الاماكن لحد ما توصل الى الحل

**shaker3** · 31-01-2010, 16:20

السلام عليكم
لايوجد مشكلة في اللوحة
لوحتي هي نفسها

كل ما قمت به هو ضبط التواقيت يدويا على 7-7-7-7-20-32-1T
وقمت بتزويد الفولت للرام وضبطه على 1.71 طبعا الفولت يختلف من رام لاخرى احرص على عدم تخطيه الحد الاقصى اللي تستحمله راماتك

المهم اضبط التواقيت والفولت يدويا حتى تصل للثبات في الاداء

**hazemsagherh** · 01-02-2010, 13:42

انا عملت كده ةالفولت 1,65 ده اقصى حاجة ولازلت المشكلة

**المستقبل للحاسب** · 03-02-2010, 11:49

اخى الحبيب رجع البيوس للافتراضى اما اذا استمرت معك المشكلة فتأكد من التيار عندك ممكن يكون ضعيف
اما اذا استمرت المشكلة جرب باور سبلاى خارجى
مع تحيات الهندسية للحاسبات