صفحة 1 من 2 1 2 الأخيرةالأخيرة
النتائج 1 إلى 15 من 20

الموضوع: أنا عاوز أشترى هارد 1 تيرا ارجوا النصيحة فى بعض الأمور البسيطة

  1. #1
    عضو برونزي
    تاريخ التسجيل
    Mar 2009
    المشاركات
    358
    الدولة: Egypt
    معدل تقييم المستوى
    0

    أنا عاوز أشترى هارد 1 تيرا ارجوا النصيحة فى بعض الأمور البسيطة



    مش عارف أجيب weastern digital
    ولا segate


    ممكن لو حد مجرب يقولى على تجربته


    فى ناس بتقولى ال سيجات فيه نفس مميزات الويستيرن البلاك وبسعر ويسترن الجرين وضمان أكتر


    بس أنا متعاملتش مع السيجيت أبل كده وخايف منه اصل كان فى كلام كتير على انه بيبوظ بسرعة


    ارجوا من ليه تجربة ان يشاركنا رايه

    آسف على الاطالة بس انتوا عارفين ان الهارد الحاجة الوحيدة الى لو باظت لا يمكن استعادت الملفات حتى لو فى الضمان على عكس اى قطعة اخرى تروح تغيرها وتجيب غيرها

    سلام

  2. #2
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    - أبعد عن السيجيت وغنيله!!!

    - السيجيت مشاكله كتير جدا جدا ، والكلام دة بره كمان ، فما بالك هنا بقى ، دور فى موقع Newegg عليه وشوف كمية المشاكل الرهيبة بتاعته ، فى ناس الهارد قعد معاها شهرين وباظ !!! وناس تانية بيقولك يادوب سطب الويندوز وباظ !!! أنا قعدت أقرأ كتير ، يمكن يكون ناس قاصدة تبوظ سمعة الهارد ، ولكن لقيت شبة أجماع على أن الهارد بيبوظ ومش مضمون.

    - خليك فى الويسترن أضمن.
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  3. #3
    عضو برونزي
    تاريخ التسجيل
    Mar 2009
    المشاركات
    358
    الدولة: Egypt
    معدل تقييم المستوى
    0

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    شكراً ليك يا coolman و منتظر باقى اراء الاعضاء
    فلو فى حد استخدم السيجيت فياريت يقولنا عامل معاه ايه

  4. #4
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    ربما يكون السامسونج حل متوازن بالنسبة لك.

    أنا عميل ل Seagate منذ الأزل ولازلت أثق فيه .. و حالياً اعمل على هارد Seagate 500 GB و لم اشتر في حياتي هارد ويسترن و أخشى تجربته و لا أثق فيه لأنني عاصرت مشاكل كثيرة مع ملاكه.

    السامسونج تجربتي معه مميزة و عندي 3 هاردات من سامسونج مختلفة المساحة و هو متميز جداً و بارد و موثوق في اعتماديته

  5. #5
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    أبعد عن السيجيت وغنيله!!!
    السيجيت مشاكله كتير جدا جدا


    مين قال كدة ؟؟؟!!

    ولو فرضا ان حصلت معاك مشكلة فى هارد سيجيت بيبقا كل الهاردات السيجيت وحشة ؟؟!!

    طب ماهو الويستيرن بتظهر فية مشاكل بردو ....؟؟!!

    والهيتاشى بتظهر فية مشاكل بردو ؟؟

    والسامسونج بتظهر فية مشاكل بردو ؟؟

    ليس من المنطقى يا عزيزى ان احكم على منتج بأنة سيء لمجرد ان يحدث شيء عارض !!


    ولا تنسى يا عزيزى ان جميع الهاردات بتتساوى اذا حضل وان هارد وقع او اتخبط او اشتغل على بور سبلاى مش مستقر !!

    عدا هذا جميع الهاردات تعمل جيدا .


    وفر فقط الآتى :

    * بور سبلاى جيد ومستقر

    *لا تفصل الهارد وهو يعمل او توصلة والجهاز يعمل .

    *لا تقم بالتنقل بالهارد دون وعى منك فى الحفاظ علية من الخبطات .

    *قسم الهارد ببرنامج متخصص .

    وفر هذة الآشياء وسوف تجد اى هارد يعمل جيدا ....

    ليس من المنطقى ان اهجم على ماركة سواء كانت سيجيت او ماكيستور او هيتاشى او ويستيرن لمجرد تجربة سيئة

    فلو فى حد استخدم السيجيت فياريت يقولنا عامل معاه ايه

    انا استخدمت السيجيت وعملت علية وعشان اكون دقيق ...هوة فية كذا فيرجن فى الآسواق

    اللى انا اشتغلت علية كان الموديل بتاعة دة ...
    Model ST31000528AS SATA 3Gb/s 1 TB



    وكان 1 تيرا ...وكان سريع جدا فعلا ولم تواجهنى اية مشاكل فى تقسيمة

    وعملت كوبى لفولدر 445 جيجا دفعة واحدة مملوء بالآلعاب وتم تنزيلها بسرعة

    وكان يعمل كوبى بسرعة 69 S/M وكان بياخد الداتا من هارد ويستيرن جرين 1 تيرا بردو ...

    يعنى الهارد بأحتصار شديد وبحيادية تامة لم تظهر بة اى مشكلة تماما وحتى صوتة كان هادىء ...

    وياريت لو حد اشتغل على الهاردات الجديدة دى يقولنا عاملة معاة اية






  6. #6
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    - مشكلة السيجيت الحالى فى الموت المفاجئ للهارد الواحد تيرا بالتحديد يا أستاذ ناظور.

    - ممكن تشوفوا كمية المشاكل اللى عاملها هنا.

    أضغط هنا

    اقتباس المشاركة الأصلية كتبت بواسطة S@M مشاهدة المشاركة


    مين قال كدة ؟؟؟!
    ولو فرضا ان حصلت معاك مشكلة فى هارد سيجيت بيبقا كل الهاردات السيجيت وحشة ؟؟!!
    - راجع يا صام اللينك بتاع نيو أيج

    - وبالمناسبة الويسترن بينقل من جرين لجرين بمعدل نقل على الأقل 88 ميجا. :D
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  7. #7
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    راجع يا صام اللينك بتاع نيو أيج

    برة عشان متقدمين شوية عننا يا عزيزى ....بيسمحو للناس اللى حصل معاها مشاكل انها تقول مشكلتها

    انا شوفت اللينك بس فى حاجة انت ناسيها ....

    شوف كام واحد قايلين ان حصلت معاهم مشكلة ....؟؟

    وشوف موقع زى NEW EGG باع كام الف هارد .....

    وبعدين اى هارد معرض للموت المفاجىء بسبب التيار الغير مستقر ....

    ومش هقولك الموضوع دة (( الموت المفاجىء )) حاصل قد اية هنا فى مصر بسبب البورات السيئة مع ماركة ويستيرن ديجيتال ...

    يعنى اى هارد معرض للموضوع دة

    ولو كل الناس اللى اشترت هاردات هنا فى مصر كتبت اللى بيحصل معاها فى الهاردات بتاعتها

    مش هيكفيها موقع جوجيل بحالة عشان يكفو كتاباتهم

  8. #8
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    - المقصود هنا ، ان الموديل دة بالذات مش مستقر ، وبصراحة طالما هدفع فلوسى فى حاجة ، يبقى لازم أضمن أن نسبة العطل فيها مش كبيرة ، صح ولا لأ ؟؟؟

    - الويسترن موديل WD10EADS معدل العطل بتاعه أقل بكتر من السيجيت.


    http://www.newegg.com/Product/Produc...82E16822136317
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  9. #9
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    اقتباس المشاركة الأصلية كتبت بواسطة Coolman4now مشاهدة المشاركة
    - المقصود هنا ، ان الموديل دة بالذات مش مستقر ، وبصراحة طالما هدفع فلوسى فى حاجة ، يبقى لازم أضمن أن نسبة العطل فيها مش كبيرة ، صح ولا لأ ؟؟؟

    - الويسترن موديل WD10EADS معدل العطل بتاعه أقل بكتر من السيجيت.


    http://www.newegg.com/Product/Produc...82E16822136317

    على فكرة الهارد بتاعى ويستيرن ...ومش بقول ان ويستيرن وحش ...بالعكس انا عمل علية منذ زمن

    وبردو لا ازم تبقا عارف يا عزيزى ان كل ماركة بتبقا ليها نسبة توالف...

    بس بصراحة لما جربت السيجيت الجديد عجبنى جدا ....

    وعشان تقيس نسبة العطل اذا كانت كبيرة ولا لاء يا عزيزى ...


    يبقا العدل بيقول انك لاازم تعرف الآتى

    موقع NEWEGG باع كام الف هارد خلاال فترة معينة ولتكن شهر مثلا ...

    وبعد كدة تشوف مدى المرتجعات اللى حصلت من هذة الكمية من خلاال السيريال نمبر ...فى خلاال شهرين على الآقل ...من تاريخ الكمية ما خلصت ..

    وبعد كدة يتم فرز الكمية اللى رجعت فى هذة الفترة ومحاولة معرفة كم هارد تالف بسبب سوء التصنيع وليس بسبب مستخدم ...

    ساعتها بس تقدر تحكم ان كان هذا الموديل او هذة الماركة سيئة ام لا من خلاال اعداد المرتجعات التالفة
    بسبب عيب التصنيع ومطابقتها ومعرفة نسبتها بالنسبة لحجم البيع الكلى ...
    والمفروض ان النسبة لا تتعدى 3 % ....


    انما عشان اشوف ناس كتبت المشاكل اللى حصلت معاها وبعدين اقيم المنتج على هذا الآساس دون تجربة
    .

    الموضوع على فكرة مش دفاع عن سيجيت او زم فى ويستيرن ...مثل ما قولت لك يا عزيزى

    فى اول المشاركة انا امتلك ويستيرن ...وواثق فية ...

  10. #10
    عضوية جديدة
    تاريخ التسجيل
    Nov 2008
    المشاركات
    50
    معدل تقييم المستوى
    0

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    شوف يا عزيزي انا كان عندي seagate Barracuda 7200.11 500gb وخلال عدة اشهر حوالي 4 او 5 اشهر اصيب بسكتة قلبية مفاجاة انتقل على اثرها الى الرفيق الاعلى


    الغريب ان سبب خرابه كان اثناء قيامي بتسطيب لعبة وخلال التسطيب هنقت اللعبة مما اضطرني بعد نفاد صبري بسبب طول مدة التهنيق الى اعادة تشغيل الجهاز وبعدها اكتشفت ان الجهاز لا يستطيع الاقلاع بسبب انه لا يوجد هارديسك :confused:

    وبعد شراء هارد WD وتنصيب ويندوز جديد عليه اردت ان اجرب هارد السيجيت الخربان ولكني اكتشفت ان الويندوز لا يتعرف عليه ولا يقرأه ابداا وكأنه ليس له وجود ، وضاعت كل الـ 500 قيقا من البيانات

  11. #11
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    اقتباس المشاركة الأصلية كتبت بواسطة S@M مشاهدة المشاركة
    وبردو لا ازم تبقا عارف يا عزيزى ان كل ماركة بتبقا ليها نسبة توالف...
    - بناء على موقع نيو أيج والمراجعات ( المحدودة على حد تعبيرك ) للهاردات دى.

    الهارد الويسترن

    - أتعمله 1385 مراجعة ، يعنى نفس العدد ( على الأقل ) أشتروه.
    - بأفتراض أقل من 4Eggs يبقى الهارد مش كويس ، أذن هناك نسبة 16% من الهاردات التالفة نسبة إلى المراجعات اللى أصحابها عملوها.
    - النسبة دى حوالى 220 هارد تقريبا.

    الهارد السيجيت

    - أتعمله 580 مراجعة ، يعنى نفس العدد ( على الأقل ) أشتروه.
    - بفرض نفس الأفتراض ، يبقى هناك نسبة 32% من الهاردات التالفة نسبة إلى المراجعات إلى أصحابها عملوها.
    - النسبة دى حوالى 185 هارد !! من أجمالى ال 580 واحد!!

    الأستنتاج ( هسيب القارئ يحللها بنفسه)

    - طبعا النسبة الأخيرة للسيجيت مخيفة بالنسبة لأول نسبة من الويسترن!

    - لو برضة راجعت شوية هتلاقى أن نسبة 9% من الناس مش راضيين عن الويسترن نهائيا.
    - أما السيجيت فحوالى 21% مش راضيين عنه نهائيا !!!

    - طبعا الحكم مش ليا ، الحكم للى عايز يشترى.


    بس بصراحة لما جربت السيجيت الجديد عجبنى جدا ....
    - الحمدلله ، حتى الأن هو شغال، بقاله قد أيه هاردك ؟؟؟؟؟ :D
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  12. #12
    عضو برونزي
    تاريخ التسجيل
    Jun 2007
    المشاركات
    5,357
    معدل تقييم المستوى
    120

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    با عم صام

    الهاردات فى مصر وانا كلى خجل بقولك شغلها كله كفتة

    لأخر وقت مكنش فى حد يعرف ايه هارد اخضر وازرق واسود! هو المساحة وكان الله بالسر عليم!

    مع الوقت زادت المعرفة وانتشرت , بقى كله بيبيع وبيشح وبيحوش ع

    شان يزود الأسعار و و و و و

    معاملة البائع للهارد يا كبير , عادة مش صح , من تغليف لتخزين ل ل ل ل ل ل ل , كل ده بيأثر

    التاجر هو اللى بيبيع الباور ابو 45 جنيه للهارد ال1 تيرا النضيف مهما كان وهوب يحرقه! البائع هو اللى بيخزن! البائع هو اللى ممكن يقاطع الباور ابو 45 ويعود الناس انه مفيش الا ابو 150 وطالع " النضيف , عادة"

    كلمة بتخنقنى اوى , يعنى ايه عيب يوزر؟ هو اه فى مستخدم جاهل بس هل تُعمم؟ اكيد لأ وان كانت تحولت لموضة فى فم كل بائع وحصل مع كوول مان "البائع قال له عيب يوزر!!!!!!!!!!!!"


    حوار الموديلات اكيد بيحصل و و و و و و

    بس تقنيا , كلام كوول مان صح بنسبة كبيرة
    الأستنتاج ( هسيب القارئ يحللها بنفسه)




    وبعد كدة تشوف مدى المرتجعات اللى حصلت من هذة الكمية من خلاال السيريال نمبر ...فى خلاال شهرين على الآقل ...من تاريخ الكمية ما خلصت ..

    وبعد كدة يتم فرز الكمية اللى رجعت فى هذة الفترة ومحاولة معرفة كم هارد تالف بسبب سوء التصنيع وليس بسبب مستخدم ...


    المرتجعات هنا حاجات عشان حاجة احسن او يعمل Return للحجاة مش لازم حاجة مرتجعة = بايظ

    هنا لو اخدت حاجة مغشوشة ورجعت للبائع , عايز ارجع دى , ***********************************************
    صح ولا ايه؟

    عامة كلامكم صح بس انا اميل لكلام كوول مان + التحابيش السالف ذكرها

  13. #13
    عضو برونزي
    تاريخ التسجيل
    Mar 2009
    المشاركات
    358
    الدولة: Egypt
    معدل تقييم المستوى
    0

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    متشكر على الحماس الرهيب والاهتمام بموضوعى

    وشكرا لكل لمن شارك و أفدنا

    وشكر خاص ل coolman وشكر خاص ل sam

  14. #14
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: أنا عاوز أشترى هارد 1 تيرا ارجوا النصيحة فى بعض الأمور البسيطة

    الحمدلله ، حتى الأن هو شغال، بقاله قد أيه هاردك ؟؟؟؟؟ :D
    مانا قولتلك يا عزيزى انا هاردة ويستيرن جرين :D

    بس دة كان هارد صديق لى وكنت بنقل علية DATA

    والهارد شغال عندة من حوالى شهر كدة


    لو برضة راجعت شوية هتلاقى أن نسبة 9% من الناس مش راضيين عن الويسترن نهائيا.
    اراجع فين بالظبت ؟؟!!...

    وهل انت حصرت مشاكل كل الناس اللى اشترت ويستيرن وسيجيت وعرفت انهم بهذة النسب ؟؟!!


    اعتقد ان هذة النسب غير دقيقة يا عزيزى لآن نسب مرتجعات الويستيرن فى مصر ايام الهاردات ال80 كانت تفوق كل التصورات ....

    لآنى كنت اعمل بهذا المجال وقتها ....ولا تتخيل كم الهاردات اللى كانت بتيجى قاطعة بور
    !!:confused:
    ولا تزال ويستيرن تعانى من هذة المشكلة ايضا ...ولكن بردو الناس بتشترية ...:D

    لان ماكنش فى غيرة فى الآسواق مع الآسف انما اليوم ...فى ثلااثة ماركات فى الآسواق ...عشان كدة كل واحد ممكن يشترى اللى يريحة

    الهاردات فى مصر وانا كلى خجل بقولك شغلها كله كفتة
    لية يا عم هالكى ...كفتة لية .؟؟

    الويستيرن هندك موفر كل الموديلاات ....والسامسونج كمان ..وادى السيجيت راجع تانى بقوة ....وهتبقا فى منافسة جبارة بين التلاات ماركات دول ...ودة فى كل الآحوال فى صالحنا كمستهلكين ...

    احن من الاحتكار اللى كانت عاملااة ويستيرن فى السوق وانفرادها بية لسنوات ...وكانت موديلاات ليها العجب اللى بتدخل

    وماكنتش تحلم انك فى يوم تلااقى موديلاات زى البلااك اديشن ...هنا فى مصر ...

    وكمان ببشرك ان الSSD هارد قرب يدخل مصر ....يعنى الهاردات فى حالاات ترقية فى التصنيف ودة قى حد ذاتة ممتاز


    معاملة البائع للهارد يا كبير , عادة مش صح , من تغليف لتخزين ل ل ل ل ل ل ل , كل ده بيأثر
    مشكلة البياع والتخزين واليوزر وتعامل الناس مع الهاردات اثناء النقل والتوزيع دى انا بتفق معاك فيها تماما يا عزيزى

    بس بردو صعب احمل الشركة المنتجة للهاردات ايا كانت ماركتها هذة الآخطاء اللى بتحصل اثناء النقل ...واقول ان دة عيب انتاج فى الهارد زيبقا الشركة دى وحشة وانتاجها فية مشاكل !!


    المرتجعات هنا حاجات عشان حاجة احسن او يعمل Return للحجاة مش لازم حاجة مرتجعة = بايظ
    دى كانت الجملة اللى بعدها يا هالكى ..بس انت تقريبا مقريتهاش

    وبعد كدة يتم فرز الكمية اللى رجعت فى هذة الفترة ومحاولة معرفة كم هارد تالف بسبب سوء التصنيع وليس بسبب مستخدم ...
    يعنى انا بقصد الهاردات اللى فيها عيوب فعلا

  15. #15
    عضو الصورة الرمزية تامر المصرى
    تاريخ التسجيل
    Jan 2010
    المشاركات
    442
    الدولة: Egypt
    معدل تقييم المستوى
    9

    Exclamation رد: أنا عاوز أشترى هارد 1 تيرا ارجوا النصيحة فى بعض الأمور البسيطة



    لا حول ولا قوه الا بالله
    والله العظيم انا مستغرب من شكل الهاردات اللى بتدخل مصر
    :ah50:
    المعرووف ان اى حاجه بتيجى فى علبه
    ومغلفه بالفــوم من الداخل لتفادى الصدمات
    حتى الماوس والكيبورد
    و سماعات الهيدفون و ..... الخ

    :ah50:
    ما عــــــدا الهاردات
    بتيجى فى كيس بلاستيك
    كأنك داخل محل طرشى
    وأشتريت روبع كيلو مشكل
    وعجبى ....... !!!!!!! :ah50:

صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 1
    آخر مشاركة: 18-03-2012, 18:46
  2. عايز أشتري هارد 2 تيرا و محتاج مساعدة
    بواسطة mtriplee في المنتدى الأرشيف
    مشاركات: 6
    آخر مشاركة: 11-06-2011, 21:00
  3. عاوز اوصل هارد تيرا بلاك على نظام sata3-6G\s
    بواسطة hamedstar في المنتدى الأرشيف
    مشاركات: 5
    آخر مشاركة: 06-10-2010, 13:34
  4. عاوز أشتري هارد و محتار مووووووووت
    بواسطة a4_n في المنتدى الأرشيف
    مشاركات: 1
    آخر مشاركة: 01-07-2010, 17:45
  5. عاوز أشترى هارد 1000 جيجا بس فيه استفسار
    بواسطة ahmedpetrol2008 في المنتدى الأرشيف
    مشاركات: 4
    آخر مشاركة: 22-07-2009, 02:13

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •