مش عارف أجعل أسطوانة اللينكس مينت ذاتية الإقلاع (وخربت أسطوانة)

**maxpayne** · 06-02-2010, 09:36

السلام عليكم ورحمة الله وبركاته

ممكن تساعدونى بخصوص تنزيل اللينكس مينت !!!!!
انا نزلتها من على النت وبعد ذلك قمت بحرقها على ال cd بإستخدام النيرو 6 وعملت التالى !!!!
1- اخترت من برنامج النيرو "data" ثم اخترت 'make bootable cd' ثم قمت بتحديد مكان النسخة "اللينكس مينت" وهى كانت ملف ايزو ثم قمت بحرقها على أقل سرعة
2- عملت ريستارت للجهاز ثم بوت من ال cd rom بس لم يظهر الا محس الدوس ولم يظهر لى أى شئ للينكس مينت

فلو سمحت اشرحو لى كيف احرف اللينكس مينت على الإسطوانة لكى تقلع من الدوس كما تفعلون انتم وجزاكم الله خيرا . منتظر الرد بفارغ الصبر

**maxpayne** · 06-02-2010, 09:58

يااااااااااااااااااا على طول الإنتظار ههههههههههههههههه "اعطينا الصبر يارب"

**Black_Spy** · 06-02-2010, 10:08

استخدم برنامج Clone Cd يا غالى من على الويندوز لانه اسهل وبعدين ابقى تعامل انت .

**maxpayne** · 06-02-2010, 10:25

المشاركة الأصلية كتبت بواسطة Black_Spy

استخدم برنامج Clone Cd يا غالى من على الويندوز لانه اسهل وبعدين ابقى تعامل انت .

طيب يأخى وانا هستفاد ايه ما هو ده برنامج وده برنامج وهعمل نفس الطريقة وخليها بوتابل بس الأسطوانة مش هتعمل بوت ---- انا عاوز طريقة تخلينى اعملها بوت اسطب بيها اللينكس

**Black_Spy** · 06-02-2010, 11:07

المشاركة الأصلية كتبت بواسطة maxpayne

طيب يأخى وانا هستفاد ايه ما هو ده برنامج وده برنامج وهعمل نفس الطريقة وخليها بوتابل بس الأسطوانة مش هتعمل بوت ---- انا عاوز طريقة تخلينى اعملها بوت اسطب بيها اللينكس

يا غالى انت نزلت الاسطوانه من الموقع الخاص بتاع مينت .. والاسطوانه عباره عن ملف ايزو ايمدج ومش محتاج غير انك تنسخه ببرنامج بيتعامل مع الايمدج زى Clone Cd لان الاسطوانه اصلا بوت وجاهزه للنسخ بس .

**maxpayne** · 06-02-2010, 12:08

المشاركة الأصلية كتبت بواسطة Black_Spy

يا غالى انت نزلت الاسطوانه من الموقع الخاص بتاع مينت .. والاسطوانه عباره عن ملف ايزو ايمدج ومش محتاج غير انك تنسخه ببرنامج بيتعامل مع الايمدج زى Clone Cd لان الاسطوانه اصلا بوت وجاهزه للنسخ بس .

انت اللى غالى يابن الغالى --------- تم حل المشكلة ------ الله يكرمك يا Black_Spy --- ألف ألف ألف مليون شكر عليك ياصاحبى

**Black_Spy** · 06-02-2010, 12:12

الشكر لله حبيب قلبى والحمد لله انها اتحلت

**Fu'ad** · 06-02-2010, 12:15

السّلام عليكم...
شكراً للإخوة على مشاركتهم , و لكنّك لن تحتاج إلى أي برنامج آخر , كل ما عليك فعله هو البحث عن خيار في الـ NERO إسمه :
Burn image to disk منه تحدّد النّسخة التي قمت بتحميلها مباشرة من الإنترنت و حرقها و ستعمل معك 100% بإذن الله .
تقبّلوا مروري , مع فائق الاحترام...

**NICEHACKER** · 06-02-2010, 13:23

اختار اقل سرعه للنسخ لضمان عدم تلف الاسطوانة

**Bahaa Hamam** · 06-02-2010, 13:57

قبل النسخ عليك أولا أن تتأكد ما إذا كنت الإسطوانة بوت ام لا
كما في الصورة

ثم احرقها بأي برنامج
ولمزيد من التفاصل
زور هذا الموضوع

**maxpayne** · 06-02-2010, 14:25

متشكر جداً جداً لكل اللى ساعدنى وجزاكم الله خيراً كثيرا ويجعله فى ميزان حسناتكم --- آمين آمين يارب العالمين ---- وتم حل المشكلة ---- وأخيراً سأبدا رحلة الإستمتاع بمنت ولكن سأحتاج إلى توجيهاتكم فى كثير من الأوقات فمن الممكن أن أجد كثيراً من الصعوبات أمام هذا النظام المختلف عن ميكروسفت --- فسأحتاج إلى توجيهاتكم عندما تقابلنى أى مشكلة فتحملونى قليلاً