ما هى افضل انواع اللابتوب

**hero70077** · 07-02-2010 20:44

ما هى افضل انواع اللاب توب وما هو ترتيبها ولماذا يكون هذا الترتيب بناء على ايه و هل hp افضل من Dell

**VancouverEG** · 07-02-2010 21:42

من وجهة نظري كلهم واحد ، المهم انت بترتاح لإيه ، وإيه هي المواصفات اللي عايزها ، أو معاك كام ؟
وشوف شغلك عليه إيه ، بكده هنقدر نفيدك أكتر .
بالتوفيق

**Dr Mohammad** · 08-02-2010 17:18

كلام سليم
فعلا أغلبهم متقارب و لكن فى برضه فرق فى الجودة و دى بتعتمد على التقفيل و الترتيب بيكون على حسب حاجات كتير مثل الجودة و نسب الأعطال
و تقدر تقول إن أفضل الماركات هى بالترتيب من الأعلى للأقل

سونى
توشيبا
ديل
إتش بي

و مع ذلك فليس كل موديلات سونى أفضل من توشيبا و ليس كل موديلات ديل أفضل من إتش بي و لكن على حسب الموديل و الترتيب ده بوجه عام لكن فى أجهزة من إتش بي تتفوق على ديل مثلا و هكذا
و بوجه عام دول أفضل و أقوى أربع شركات

و لا ننسي أبل طبعا

**وليد أحمد كمال** · 08-02-2010 21:09

علي فكرة أنا أول مرة أقدم مشاركة جدية بس أنا فعلاً نويت أشارك معاكم لاني حسيت أخيراً إني لاقيت منتدي محترم.
بالنسبة لموضوع اللابات واأنوعها فأنا اتعاملت مع لابات كتير جدا ولو حبيت أحط ترتيب
سوني وطبعاً لأنه Like No Other
ودايما باحتار مين أفضل الديل ولا الاتش بي بس عامة بلاقي نفسي في الآخر بميل للديل و من منظور آخر فأنا أذهب دائما وأبدا إلي AMD
التوشيبا ممكن يجي رابع
وخامس الفيوجيسو سيمينز
وبعد كده أنصح بلاش تفكر في الإيسر والأسوس

**VancouverEG** · 08-02-2010 21:21

عدم التفكير في الأسوس خطأ بالغ !!
فهي من أكبر شركات التصنيع في العالم ، بل إن شركة سوني تشتري مازربورد لأجهزتها أسوس ، وهذا ليس ضربا من خيال ، بل هي حقيقة .
ففضلا عندما يتكلم كل شخص إما أن يذكر إحصائيات عالمية ، أو يقول : هذا من وجهة نظري !!

**وليد أحمد كمال** · 08-02-2010 21:47

يا باشا كل الكلام ده من وجه نظري ومن واقع تجربتي الشخصية المتواضعة

**VancouverEG** · 08-02-2010 22:37

كده جميل

**hero70077** · 09-02-2010 11:29

ممكن كمان سؤال ايه النوع اللى فى Hp يتفوق على 1545 Dell inspiron
ويكون فى نفس مستواه

**VancouverEG** · 09-02-2010 13:00

الinspiron أقل عائلة في الديل

**Dr Mohammad** · 09-02-2010 18:26

بالنسبة لفئات ال hp المساوية ل أو المتفوقة على ال inspiron
Pavillion DV6 & DV7
HDX
ENVY
ده بالنسبة للابات الاستخدام الشخصى و الألعاب و طبعا مش كل الموديلات بتتفوق على ال INSPIRON
ده على حسب انت هتقارن إيه من الفئات دى مع ايه من ال Inspiron

و طبعا فى فئات من ديل أقوى من ال inspiron زى
Studio
XPS
Studio XPS
Adamo

ده بالنسبة للاستخدام الشخصى و الالعاب
و بالنسبة لرجال الاعمال
Dell Latitude

**وليد أحمد كمال** · 09-02-2010 19:42

طيب وبالنسبة للديل VOSTRO يا دكتور محمد

**Dr Mohammad** · 09-02-2010 19:51

الديل فوسترو يعتبر من فئة رجال الأعمال و و لكنه أقل طبعا بكثير من اللاتيتيود و بعض موديلاته كويسة و بعضها الآخر مواصفاته قديمة و ضعيفة
و الإنسبايرون أكتر انتشارا فى مصر عن الفوسترو لأن وكيل و ضمان الانسبايرون فى مصر أفضل
و أنا شخصيا أرى إن الإنسبايرون أنسب للمستخدم المنزلى كفئة مناسبة سعريا