كنت عايز مشتت احترافي للمعالج وللشيبست

[exart2u]

كنت عايز مشتت احترافي للمعالج وللشيبست والمكان اللي اجيبـه منه
والمشتت بتاع المعالج مايكنش غالي :ah46: .
أصْلي عملت كسر لسرعة المعالج(من 2.00 لي 2.5) :ah7: وعايز اكسر كمان (من 2.5 لي 2.7 وأعلى)
بس اللي منعني درجة حرارة الشيبست الوصلت لي 61 :ah5: واللوحه هي جيجابيت 780g-ud3h.
وكمان إن المعالج بتاعي مش black edition .
ممكن تساعدوني .

[fesbanu]

بص انا عندي coolermaster v8 و مش هقولك عامل ازاي بجد وحش وحش يعني بس السعر مش عارف بكام بس انصحك تجيبو و جزاك الله خيرا و ده اللنك

https://www.coolermaster.com/product...roduct_id=5279

[exart2u]

شكرا على اهتمامك بس ممكن تقولي جبتو منين:D

[fesbanu]

انا كنت جايبو من الكويت واحد صحبي جبهولي بس موجود في مصر في السخاوي انا شوفتو في السخاوي بس مش فاكر في انهي محل:ah40:

[S@M]

المشتت ال V8 هيتوفر قريبا جدا عند شركة ماكسيمم هارد وير بسوق العصر ...

او عاوز تابع عندة لغاية ما تدخل الحاجة من الجمارك ..

اعتقد قدامها اقل من اسبوع تقريبا دة اللى سمعتة

[exart2u]

طيب وبالنسبة لي مشتت الشيبست ودرجه الحراره اللي وصلتلها بعد 9 ساعات تشغيل اجيبو منين لاني عايز اكسرالسرعه كمان

[Cursed Pistol]

السلام عليكم.

ممكن حضريك تجيب مروحه صغيره 5X5 و تركبها على heatsink بمسمارين سن صاج سود ..

و شكلها حيبقى كدا تقريبا بس المروحه لونها اسود..



المروحه ب 3 جنيه و المسمارين بربع جنيه ولا حاجه و ان شاء الله تقلل الحراره شويه..

و شوف برضو تهوية الكيسه عشان ليها دور كبير فى طرد الهوا السخن و تبديله بهوا بارد..

[exart2u]

بجد مش عارف اقولك إيه بس هل المروحة دي فعاله يعني هتخفض بنسبة 10 درجات :rolleyes:
وبتتوصل فيين في اللوحه الام :confused:

[Cursed Pistol]

بجد مش عارف اقولك إيه

ادعيلى :D..

بص حضرتك ده شكل كابل المروحه..



و ده مكانه فى البورده..



و بالنسبه لدرجه الحراره ديه بيأثر فها جامد تهويه الكيسه .. يعنى حاول تخلى التهويه كويسه على قد ما تقدر عشان بتفرق ...

و المروحه ديه انا مركبها عندى و حراره البورده فى الشتا 27 و الصيف 32 و ديه صوره من عندى..

[exart2u]

طيب أنا مش عارف اركبها أصْلي الشيبست بتاعي مش زي اللي عندك أنا عندي متدرج

[ashraf_shivo]

طيب أنا مش عارف اركبها أصْلي الشيبست بتاعي مش زي اللي عندك أنا عندي متدرج

يفضل انك توفر تهوية مناسبة وخلاص بالنسبة للكيسة ياعني توفر مروحة12*12 في جنب الكيس ومروحه خلقية للكيس وده احسن

[Cursed Pistol]

مش مشكله خالص



ممكن تركب المروحه عموديه على البورده بحيث تدخل الهوا من تحت لفوق او من اليمين للشمال..
زى كده مثلا..



ولو خدت بالك من الصوره حتلاقيه مركب المروحه بحاجه شبه الحزام ممكن تجيبه لو المسامير منفعتش من عند كهربائى او حد بتاع قطع غيار سيارات -- ( اللى بيربط الطاسه فى الجنط ) و حتلاقى الواحد ب 10 ساغ ولا حاجه..

[Maximum_G]

( اللى بيربط الطاسه فى الجنط ) و حتلاقى الواحد ب 10 ساغ ولا حاجه..
ههههههههههههههههههههههههههه

يخرب عقلك انت زي ما بيقولو ( الجيش قلك اتصرف )
ههههههههههههه
حلوة عشرة ساغ دي ههههههه
بصراحة الواحد هيعمل الموضوع دا بس لما توصلي الموبو ان شاء الله
في حل تاني
انا عملته لواحد صاحبي
كان عنده كارت شاشة بيسخن والكارت كان عليه مبرد صامت
ركبت له الفانة الصغيرة دي بس من غير مسمار
اشتريت ( هوفر) لحام وقمت بعملية لازق للفان علي المبرد والنتيجة درجة الحرارة نزلت فورا كانت 70 بقت في الـ 55
انت ممكن تعمل الطريقة دي بجد
موفق

[Cursed Pistol]

( اللى بيربط الطاسه فى الجنط ) و حتلاقى الواحد ب 10 ساغ ولا حاجه..

ههههههههههههههههههههههههههه

يخرب عقلك انت زي ما بيقولو ( الجيش قلك اتصرف )
ههههههههههههه
حلوة عشرة ساغ دي ههههههه
بصراحة الواحد هيعمل الموضوع دا بس لما توصلي الموبو ان شاء الله
في حل تاني
انا عملته لواحد صاحبي
كان عنده كارت شاشة بيسخن والكارت كان عليه مبرد صامت
ركبت له الفانة الصغيرة دي بس من غير مسمار
اشتريت ( هوفر) لحام وقمت بعملية لازق للفان علي المبرد والنتيجة درجة الحرارة نزلت فورا كانت 70 بقت في الـ 55
انت ممكن تعمل الطريقة دي بجد
موفق

هههههههههههه

من 70 ل 55 ديه حاجه حلوه اوى بس الهوفر ده ميسبش اثار على الheatsink ؟؟ يعنى ممكن الافيز ( الحزام) او المسامير متسبش اثر عشان لاقدر الله الكارت دخل الضمان ولا حاجه...

اكيد كان لازم نعمل كده عشان الاسعار الغريبه لمكونات الكمبيوتر و خصوصا التبريد.

يعنى فى مصر افضل cooler هو ال OCZ V2 حاليا بس سعره غالى اوى.

ولو عايز تشغله على 1366 لازم تجيبله Retention Brackets و طبعا عشان تاخد افضل اداء لازم طبعا Thermal Conductivity Compound نضيف..

احسب كده الحاجه ديه بكام.........

يعنى بتمن الحاجه ديه ممكن مثلا تجيب كارت شاشه اعلى او رامات او حتى هارد ....

وعلى فكره انا مع ال Overclock قلبا وقالبا ..... بس ليه تدفع اكتر لما ممكن تدفع اقل...!!!!

و انا عن نفسى مشفتش cooler من شركه محترمه لل chipset فى مصر...ممكن يكون فيه بس انا مشفتوش.. اللى انا شوفته ماركات تحت السلم او حتى مفكوكه من كروت شاشه و بورد بايظه ....

ان شاء الله فى الصيف حجيب I5 و عندى CM Hyper TX2 و ان شاء الله حشغله عليه بالزوق او بالعافيه ... حقنع ال cooler يشتغل على ال 1156 ....

و ربنا يسهل و حعمل ان شاء الله حل شبيه ل OCZ XTC عشان الرامات....

وكل الكلام ده موجود على النت ... يعنى Google كده على home made Cooler مثلا حتلاقى كل ما لذ و طاب ..... ياراجل دول عاملين Water Cooling System من اول ال Blocks لحد ال Bump .... وعلى فكره هى سهله بس عايزه شويه صبر ...

معلش طولت فى الكلام .... بعد اذن صاحب الموضوع..

[exart2u]

طيب حلو خالص أنا ركبت المروحه الصغيرة دي أنا دلوقتي عايز أعمل كسر للسرعة من (2.00 سابقا) >>2.5 لي 2.7  اعملو ازاي بقى :D
:confused:
:ah27: بس أنا خايف من درجة حرارة الشيبست انها تعلي بالرغم من إني مركب المروحة