نصيحة لشراء لابتوب في حدود 5000 جنيه مصري

[Dr-SeMSeM]

السلام عليكم و رحمة الله

انا عايز اشتري لابتوب في حدود 5000 جنيه مصري ما يزيدش جنيه واحد لو امكن

بس عايز اخد رايكم و استحملوني شوية

اولا في لابتوبات كتير قدامي كاش 3 ميجا ( و ما اعرفش ليه مش مقتنع بقوة كاش 3 ميجا )

لأننا من ساعة ما اتعلمنا الكمبيوتر متعودين على المتتالية ( 2 - 4 - 8 - 16 )

و نفس الوقت الماركة تكون معروفة

هل اختار HP , Toshiba , Dell ??


الاستخدام العام هيبقى برامج تصميم ( فوتوشوب و فلاش و اكسبريشن ويب )

ياريت لو اقدر الاقي بروسيسور كور 2 دو 2 جيجا كاش 2 او كاش 4

و الرام يكون 4 جيجا برضه

الهارد مش هتفرق كتير لان معايا هاردات اكسترنال نص تيرا و تيرا

طبعا يكون في بلوتوث و وايرلس و فتحات يو اس بي ما تقلش عن 4

طبعا لو الميزانية اكبر من كده هاقدر اشتري موديلات كتير قدامي قوية

بس قولت اخد رايكم و نصيحتكم

الف شكر ليكم

[Dr Mohammad]

أخى الكريم من ناحية الماركات المذكورة فكلها كويسة و إن كنت أفضل توشيبا ثم ديل و إتش بي شخصيا
و مادام ميزانية حضرتك فى حدود 5000 جنيه
يبقى أنصحك تشوف حاجة من الفئات دى
Toshiba Satellite A500
HP Pavillion DV6
HP Pavillion DV7

الفئة التانية و التالتة دول فيهم موديلات كارت الشاشة بتاعها ATI 4650 1 GIGA DEDICATED , ده كارت قوى ماشاء الله للألعاب و برامج التصميم و الجرافيكس
و سعره فى حدود 4950
أما التوشيبا فالموديلات اللى فيها كارت مشابه بتبقى أغلى فى حدود 5700 جنيه و فى حاجات أسعارها اقل بس كارت الشاشة أقل فلو مايهمكش الالعاب و الجرافيكس يبقى كويس برضه

و بالنسبة للكاش 3 ميجا فده عادى جدا و مش غريب و لا حاجة و أفضل طبعا من ال 2 ميجا لأن الكاشات بتفرق جدا فى آداء المعالج
و ياريت تقولنا الموديلات اللى قدامك إيه

و أى استفسار أنا تحت أمرك

[Dr-SeMSeM]

عزيزي د محمد

شكرا جزيلا على نصيحتك و اعتذر عن عدم الرد في الفترة الماضية لإنشغالي الشديد

ما رأيك في هذا اللابتوب ؟

https://www.toshibadirect.com/td/b2c...sp?poid=460978

بسعر 5250 جنيه مصري

تعليقي عليه هو كارت الشاشة و مخارج اليو اس بي و البلوتوث

هل عندك أي تعليقات او ملاحظات عليه ؟؟

شكرا على الافادة

[Mezoxin]

لازم تذكر استخدامك للجهاز

[Dr Mohammad]

الجهاز مواصفاته كويسة جدا فعلا ما شاء الله
و أهم عيوبه من وجهة نظرى هو كارت الشاشة و ده مهم جدا للالعاب و التصميم و الجرافيكس خصوصا إن الكارت اللى موجود فى الجهاز انتل و ده ضعيف جدا
أما البلوتوث فممكن تستخدم قطعة بلوتوث خارجية صغيرة و ثمنها من 10 - 30 جنيه بالكتير قوى , زى دى



أما ال usb ففيه مدخلين بالإضافة لمدخل eSATA و هذا المدخل يعمل كمدخل USB ايضا يعنى هيبقى عندك 3 مداخل
بس ممكن تقوللى لقيته فين و بكام ؟
و جزاك الله خيرا

[Dr-SeMSeM]

كالعادة ردودي دايما متأخرة لأسباب خارجة عن الارادة

اللابتوب ده موجود في باور فيكس دوت نت و اتصلت بيهم و قالولي عليه موجود

انا اول مرة هاتعامل مع شركة اونلاين بس كذا واحد اعرفه طمني و قالي ان شغلهم نضيف و حاجتهم نضيفة

بيزودو مصاريف الشحن لأقرب نقطة تسليم

يعني انت ممكن على ما اعتقد لو حبيت توفر مصاريف الشحن و التوصيل تستلمه من هناك

[Dr Mohammad]

طيب ممكن اعرف السعر
و جزاك الله خيرا

[Dr-SeMSeM]

5250 جنيه مصري:D زي ما كتبت فوق :D

ممكن يا د محمد تشوف الموضوع بتاعي الخاص بصيانة لابتوب اسوس و تقولي رايك ايه و اعمل ايه ؟؟

هنا

لأنه عاملي صداع بجد

[Dr Mohammad]

متأسف ياباشا العتب على النظر :ah38:

أما موضوع الأسوس فالموضوع بسيط خالص و ممكن ياخدله بتاع 9 سنين تصليح و للا حاجة :D

أنا باهزر ياباشا بس حقيقى أنا مش من القاهرة فماقدرش افيدك بخصوص مكان التصليح
بس انا رأيي انك توديه لحد بيفهم و تشوف هيتكلف كام , و تشوف هل الموضوع يستحق التكلفة و للا لأ
و ربنا يوفقك