اتصالات ولا شبكات .... طب هى ايه اتصالات وايه شبكات أصلا ..؟؟

**حمامصى** · 12-02-2010, 21:31

السلام عليكم ...

أنا عندى سؤال أتمنى حد يجاوبنى عليه ....

دلوقتى المفترض إنى طالب فى كلية الهندسة - قسم الكترونيات واتصالات .....ولسة فى أول سنة فى القسم دة ...

يمكن لغاية دلوقتى الواحد لسة متلخبط ... ومش فاهم نظام اتصالات دة عبارة عن ايه بالظبط .... فمش عارف أحدد إتجاه العمل - مستقبلا - فين ..؟

كل اللى أعرفه إن فى طريقين محددين المفترض أختار واحد منهم وأمشى فيه ...

- الطريق الأول هو مجال الشبكات

- الطريق التانى وهو مجال الاتصالات

=============================

حاليا أنا بدور على كورسات أتعرف بيها على كلا المجالين ... وفى نفس الوقت عاوز أخد الكورسات اللازمة أثناء فترة دراستى قبل ما اتخرج ان شاء الله .... فلسة مش عارف أختار أنهى طريق أمشى فيه ..؟؟ ... وايه الكورسات اللى المفروض الواحد ياخدها ( قبل ما يدخل فى سوق العمل ) فى كل مجال من المجالين دول ...؟؟

يعنى اللى عرفته عن طريق الشبكات انى المفروض آخد دورات معينة زى " NETWORK + - CCNA - CCNP - MCSA - MCSE "

وفى طريق الاتصالات المفروض آخد ( GSM - GPRS - CDMA )

============================

طب أنا عاوز ايه من اللك الكتير اللى فوق دة ..؟؟

عاوز أعرف أنهى مجال أمشى فيه ..؟؟ ... يعنى ايه الى سوق العمل محتاجه أكتر ...؟؟ ... وايه اختصاصات كل مجال من المجالين ..؟؟

السؤال التانى :

ايه الدورات بالظبط اللى المفروض أخدها ( وأنا لسة طالب قبل ما أبدأ فى سوق العمل ) فى كل مجال " بالترتيب " ...؟؟ ....

=======================

أنا عارف انه طلب رخم ... بس اعذرونى لأن الواحد مشتت ومتلخبط ونفسه يوصل لأرض صلبة يحط رجله عليها ...فياريت متبخلوش على بردودكم ومعلوماتكم ...

وجزاكم ربي جنته .....

**amoon_son_asb** · 12-02-2010, 21:58

شوف ياابن الحلال شكلك تاية انا دا راى ابدا اولا بال
network+
هتعرف بعديها انت عايز اية من الشبكات

**sherif-magdy** · 13-02-2010, 12:36

الاول انا عايز اقولك حاجة انت بتتكلم عن الشبكات او حتى الاتصالات كانهم كورس او اتنين تأخذهم
وتكون انتهيت

انت ممكن طول عمرك تفضل تدرس فى مجال فى الشبكات
وبعدين الشبكات ليها كذا فرع ممكن تدرسة عندك ال security و عندك wireless و فى فروع كتيرة

بس فى الاخر حسب رغبتك يعنى انت ممكن تمشى فى اى مجال احسن ليك

بالنسبة لمجال الاتصالات انا بفهم فيه زى لعيب الكرة ما بيفهم فى الكمياء

عموما انا بنصحك انك تشوف الفديوهات بتاعة كورس n+ الموجودة فى قسم شهادات comptia بعد ما تشوف الفديوهات
ديه هتعرف ايه هو مجال الشبكات و هل انت ممكن تمشى فيه ولا لا .

**hissiy** · 13-02-2010, 17:46

السلام عليكم انتا شكلك تايه اووووووووووووي شوف يا عمنا انتا يا باش مهندس

اولا انتا بأي جامعة بمصر؟؟؟؟

شوف يا عمنا الشبكات دي مش هيا الي راح تدرسها بالجامعة يعني CCNA MSCE دي مش حيدروها ليك بالجامعة دي دورات انتا تاخذها ماشي

يعني انا بشوف خش هندسة اتصالات حيدرسوك فيها GSM GPRS وغيرها وممكن تاخذ فيها دورات كمان

بس لازم تعرف انو دورات الاتصالات نادرة وصعبة وغالية ونادر ما اتحصل ليها شروحات على الانترنت

اما الشبكااااااااااااااااااااااااااات ماياااااااااااااااااااااان خالص يا حجنا اه حتى صار فيه بالعربي كمان شرح بس اتصالات مجال جديد

وعلى فكرة الاتصالات بمصر الي بيتخرج منها يعني جامد وحلو وانتا بتدرس خذ بقى كورسات الشبكات الي مليانه بمصر معاهد بتقدمها صحص ولا لأ

واذا عايز افيدك اكتر ارسلي رسالة بالخاص ايميلك وانا افاهمك

وانا يا عمنا مهندس اتصالات خيرج هندسة اتصالات

**yoyooo2010** · 14-02-2010, 09:34

طالما انت بتدرس اتصالات من سنه اولى يبقى انت فى هندسة القاهره لانى اعتقد انها الجامعه الوحيده الى بتعمل النظام ده

ثانيه انت لو مفهمتش كورسات الجامعه كويس ولا هتنفع تبقى مهندس اتصالات ولا مهندس شبكات
الدراسه الاكاديميه دى هتعرف معناها لما تتخرج ان شاء الله انت فى الاول ركز على دراستك وافهم كل شىء كويس وممكن فى الاجازات تبقى تاخد الكورسات الخاصه زى سيسكوا او غيرها لان انت فى الاساس فى الجامعه بتدرس مجال الشبكات انما سيسكو دى شركه وانت بتدرس المنتجات بتاعتها .... لازم تكون بادىء صح علشان تكمل صح ...

**فارس الشبكات** · 14-02-2010, 12:31

أولا أشكرك على سؤالك هذا لأنه منذ فترة طويلة وانا أبحث عن أجابته فتخصصي أيضا اتصالات ودرست قسم الالكترنات والاتصالات والحقيقة في المنهج الاكاديمي يعلمونك أشياء قد لاتختاجها في حايتك نهائيا مثل تحويلة فورير ومعادلاتها التي لاتنتهي ......

ويعطونك أشياء في الالكترونات في التصاميم ، أصلا العالم نساها الدايود وغيره ....

عندما دخلت مجال الشبكات وأخذت دورة ccna أحسست بالمتعة في هذا العالم لكن واجهتني مشكلة ان الشبكات مهتمة فقط بالاجهزة ( طبعا هذا كان في بداية مشواري مع سيسكو )

لكن تبين لي أن الاتصالات التي درستها موجودة في الشبكات وخصوصا في مجالي voip وايضا wireless .

نصيحتي ابدأ ب +N ، حتى تفهم الاساس ثم ابدأ مع ccna وانطلق بعدها في اي مجال يعجبك بالنسبة للاتصالات سيكون ccna voice وايضا ccna wireless
بس مجال voice over ip أحلى وهو مطلوب بقوة في سوق العمل .

إذا استطعت ان تحصل على ccnp وهذا الكلام لكل الاخوة مهما كان تخصصك في الشبكات فهي دورة قوية وحلوة تمكنك في الشبكات باحتراف .

**the_way2allah** · 14-02-2010, 12:48

جزاكم الله خيرا

**hissiy** · 14-02-2010, 19:03

كيفكم يا شباب

وينك يا باش مهندس حمامصي انتا سألت وغطست رحتي فين يا يا باشا

اجلس مع نفكس وفكر انتا بتحب ايه شبكات كمبيوتر ولا اتصالات ركز بقى

والشباب مقصروش معاك وشرحولك ما تتحطمش كده من اولها شدي حيلك واستخير ربنا اكيد راح يساعدك

وزي ما قلتلك الشبكات مليانه بكل مكااااااااااااااااان بأي معهد حتلاقيه وبأي موقع حتلاقيه كمان وومكن وبأي وقت تاخذ كورسات شبكات والمشكلة الشبكااااااااااااات بتتجدد دايما

وعلى فكرة الاتصالات مش بس تحويلا فورير والكترونيات لأ فيه حجات كتيره كمان

بآخر سنتين راح تتعمق بالاتصالات كتير قوي وربنا يوفقك