مشكلة في فيديوهات ال MCSE

**eng_eslam_comm2** · 13-02-2010, 13:34

السلام عليكم ورحمة الله وبركاته

يا شباب انا عندي مشكلة في فيديوهات الMCSE بتاعة المهندس احمد سرحان ومش عارف اذا كانت حصلت مع حد تاني ولا لا

بعض الفيديوهات بلاقي مرة واحدة الصورة وقفت والصوت شغال عادي جدا...يعني المهندس احمد سرحان يبقي بيقول كلام ومفيش حاجة ظاهرة عالشاشة والصورة واقفة علي وضع معين مبتتحركش خالص وتفضل كدة بقي لغاية اخر الفيديو

حاجة كمان...بعض الفيديوهات بلاقي الصوت سابق الصورة او العكس...مع ان بداية الفيديو بتكون كويسة وكل حاجة...لكن بعد جزء كدة من الفيديو الاقي فيه فرق بدا يظهر بين الصوت والصورة

ياريت لو حد يعرف ايه حل المشاكل دي يقولي ضروري جدا
ولكم جزيل الشكر
في رعاية الله
سلام عليكم

**الفارس المتعلم** · 13-02-2010, 14:18

انا حصل معي الشي هذا بس حاولت الى ان فهمت وانت حاول الين تفهم بس انا الفيديو الي كان الصوت متقدم على الصورهdisaster recovery

**eng_eslam_comm2** · 13-02-2010, 22:09

نفسي مرة ابعت سؤال وحد يعبرني
معرفش هي الاسئلة فيها حاجة غلط ولا ايه
هو انا لازم كل سؤال ليا افضل ارد علي نفسي اربع خمس مرات لغاية ما واحد يحن عليا ويرد
حاجة غريبة جدا

**الفارس المتعلم** · 14-02-2010, 01:37

ياخوي انت تقول عندك مشكله في الفديوهات وانا اقول حصل معي الشي هذا يعني نبغى حل علطول مكشر انت ليه .جزاهم الله خير على الفديوهات وانا فوق كيذا قولتلك راجعها مره واثنين وحتفهم ان شاء الله

**eng_eslam_comm2** · 14-02-2010, 08:19

السلام عليكم ورحمة الله وبركاته
الاخ الفارس المتعلم...اولا شكرا لمرورك وردك عالموضوع

ياخوي انت تقول عندك مشكله في الفديوهات وانا اقول حصل معي الشي هذا يعني نبغى حل علطول مكشر انت ليه

مع احترامي الكامل لكلام حضرتك...بس انا استفدت ايه لما قولتلي انك عندك نفس المشكلة...هو انا ببعت السؤال عشان حد يرد عليا يقولي انا عندي نفس المشكلة...بصرة:ah4:...انا ببعت عشان حد يكون عارف حل للمشكلة دي فيقولي عليها.

جزاهم الله خير على الفديوهات

هو انا دلوقتي اتكلمت نص كلمة عالمهندسين اللي عاملين الفيديوهات او وجهتلهم اي كلام؟
المهندسين اللي سجلو الفيديوهات دي كتر الف الف خيرهم وجزاهم الله كل خير علي العمل الرائع ده وانا مدين ليهم بالشكر...انا بتكلم عالاعضاء العاديين اللي محدش عايز يرد فيهم مع ان كل اعضاء المنتدي تقريبا شافو الفيديوهات دي فايه المشكلة لو حد رد عليا طيب باي رد مفيد .

وانا فوق كيذا قولتلك راجعها مره واثنين وحتفهم ان شاء الله

ده علي اساس اني لو اتفرجت عليهم اكتر من مرة هلاقي العيب يتصلح لوحده...ولا تقصد اني اسمع الصوت واتخيل الصورة؟

استاذ الفارس المتعلم اللي انا بتكلم فيه دلوقتي مش موضوع حل للمشكلة اللي انا بسال فيها...لكن انا عايز اعرف محدش بيرد ليه؟؟؟؟؟؟؟بس مش اكتر

عموما جزاكم الله كل خير يا اعضاء المنتدي الكرام

في رعاية الله
سلام عليكم

**VancouverEG** · 14-02-2010, 08:35

المشكلة أصلا في البرنامج الذي كان بيسجل بيه المهندس أحمد سرحان .
فعلشان كده هتلاقي بعض الفيديوهات الصوت مش ماشي مع الصورة ، فانت تشغل الفيديو مرتين في نفس الوقت ، وتظبط الصوت مع الصورة

**eng_eslam_comm2** · 14-02-2010, 08:56

السلام عليكم ورحمة الله وبركاته

المشكلة أصلا في البرنامج الذي كان بيسجل بيه المهندس أحمد سرحان .
فعلشان كده هتلاقي بعض الفيديوهات الصوت مش ماشي مع الصورة ، فانت تشغل الفيديو مرتين في نفس الوقت ، وتظبط الصوت مع الصورة

شكرا لمرورك يا اخ VancouverEG

يمكن المشكلة تكون من البرنامج المستخدم في التسجيل...بس من المؤكد ان فيه حلول
المشكلة دي مبتظهرش خالص لما جربت اشغل الفيديوهات علي ويندوز فيستا لانه فيه ويندوز ميديا بلاير 11 اللي بيعالج المشاكل دي تقريبا...فالصوت والصورة بيبقو شغالين مع بعض تمام والصورة مش بتقف في النص ولا حاجة خالص.
لكن الجهاز اللي انا قاعد عليه شغال بالاكس بي

عموما انا لقيت حل بديل
فيه برنامج بيعالج مشكلة عدم تزامن الصوت مع الصورة وبردو الصورة مش بتقف فيه ولا اي حاجة وبيشتغل علي اكس بي عادي,اسمه VLC media player

البرنامج انا لقيته علي احدي المنتديات ومشروح بالتفصيل
وده لينك الموضوع
https://dvd4arab.maktoob.com/showthread.php?t=811609

في رعاية الله
سلام عليكم