d-link router

**eissa333** · 04-02-2010, 19:53

عاوز اعرف هو الروتر لو مشغلة اليوم كلة بيسحب كهرباء قد اية فى الشهر وكمان هل يفرق لو انة غيرتو الى نوعه الاسلكى؟؟؟

**eissa333** · 04-02-2010, 20:08

الروتر الاسلكى 2640U

**eissa333** · 04-02-2010, 21:48

انا بس عاوز اعرف هو عيزود فى فاتورة الكهربا كتير لما اشغلة طول اليوم ؟

**Bahaa Hamam** · 04-02-2010, 23:49

المشاركة الأصلية كتبت بواسطة eissa333

عاوز اعرف هو الروتر لو مشغلة اليوم كلة بيسحب كهرباء قد اية فى الشهر وكمان هل يفرق لو انة غيرتو الى نوعه الاسلكى؟؟؟

طيب ممكن تقولنا لمبة :cdcd:الكهربا بتسحب قد إيه في الشهر

**coolhero** · 05-02-2010, 01:27

اخى الروتر لا يسحب الكثير من الكهرباء وعن تجربة

انا موص فى البيت روتر NETGEAR WIRELESS و سويتش

واعتقد لم يحدث تغير فى فاتورة الكهربة عما كانو غير موجودين

وممكن تشف على الروتر من تحت ستجد المعلومات التى تلريدها

**sir.7atem** · 05-02-2010, 02:22

اتحدي اي شخص يقدر يحاوبك علي السؤال ده يا سيدي الفاضل احنا كنا قعدين شهر في شقة لينا تغيير جو
المهم جتلنا الفاتوره في الشهر اللب بعديه خوالي 150 حنيه قولنا عشان التكييفات و كده المهم شهر بالتمام
قفلنا الشقه و مشينا منها نلاقي كل شهر بيجي عليها من 150 الي 99 جنيه و مقفوله و مفهاش حد ولا لمبه توحد ربنا شغاله
في الاخر جت علينا فواتير بخمس شهور نفس الحكايه روحنا زعقنا في الشركة
الشهر اللي بعديه حت بس برسوم النضافه
و يبقي انت اكيد في مصر هقولك حاجه بقي الناس بتوع الكهرباء دول حراميه الدليل ايه كان في حادث اختلاس كذا مليون عمي ضابط و قالي علي التفاصيل جابوها في التلفيزون قاله اختلاس و هي في الحقيقه مجموعه من الموظفين في شركة الكهرباء
بيكتبه فواتير الكهرباء علي مزاجهم و يطبعوها و يقسمه سوي الفلوس و يسدده بس للخزينة الفاتوره الجقيقيه و الباقي يتقسمه و عيش يا شعب عيش

**المهندس زياد** · 05-02-2010, 15:33

المشاركة الأصلية كتبت بواسطة sir.7atem

مجموعه من الموظفين في شركة الكهرباء
بيكتبه فواتير الكهرباء علي مزاجهم و يطبعوها و يقسمه سوي الفلوس و يسدده بس للخزينة الفاتوره الجقيقيه و الباقي يتقسمه

لا حول ولا قوة الا بالله

**eissa333** · 05-02-2010, 22:53

انا خايف بس يسحب كهربا ياما طيب ممكن تقلولى روتر كويس موفر للطاقة ويكون فى حدود 250

**eissa333** · 05-02-2010, 22:54

يعنى اللى بتستعملوة مثلا ومش بتخدو كهربا ياما

**ba3kawy** · 12-02-2010, 16:16

اللي بيسحب كهربا هم التكييفات و السخانات الكهربائية أو الدفاية و المكوه.. اي حاجة بعد كده إستهلاكها قليل قوي.. و إستهلاك أي روتر قليل جداً جداً و بص على العداد و هو بيلف و إنت مركب الروتر و و إنت شايله

**geekgirl** · 14-02-2010, 09:39

المشاركة الأصلية كتبت بواسطة ba3kawy

اللي بيسحب كهربا هم التكييفات و السخانات الكهربائية أو الدفاية و المكوه.. اي حاجة بعد كده إستهلاكها قليل قوي.. و إستهلاك أي روتر قليل جداً جداً و بص على العداد و هو بيلف و إنت مركب الروتر و و إنت شايله

بالضبط كما قال الأخ

الراوتر أصلاً ما بيتستخدمش كهرباء موازية (Alternating Current - AC)
الراوتر بيستخدم كهرباء مباشرة (Direct Current - DC)

مثلاً 5 فولت × 2 أمبير (5V & 2Amps)

عارف يعني ايه كهرباء مباشرة (DC) ؟
يعني ممكن تشيل المحول الصغنون بتاعه، و تشغله على بطارية أو بطاريتين بسلك، لو البطارية تديك نفس الفولت (مثلاً 5فولت) و أمبير كافي (حد أدني 2 أمبير و 2 و نص أمبير على حسب ال rating بتاع الراوتر بتاعك)

آدي يا سيدي استهلاك الكهربا بتاعة الراوتر :D

عادة ، أكتر حاجات بتستهلك كهرباء في الأجهزة الإلكترونية الحاجات اللي بتعمل سخونة كتير أو حركة أو إضائه قوية

على رأسها الشاشات القديمة نوع ال CRT (الشاشة اللي عمقها كبير)، و طبعاً استهلاكها للكهرباء أكتر بكتير من استهلاك شاشات ال LCD
و كمان مثلاً السشوار (Hair dryer) ، بيعمل متوسطه حوالي 1500-2000 وات
و السخانات الكهربائية
و الدفايات الكهربائية
و المكيفات (عشان الكومبريسور)
و الغسالات (عشان المواتير)
و مواتير المياة
و زي ما قلنا المواتير، نفس الشيء في جهازك، كل ما يكون فيه مراوح أكتر، كل ما تتضاعف استهلاكه للكهرباء
و كروت الفيديو كمان، و ال CPU، و لكن على الأقل في هذا ، أو على الأقل في ال CPU خصوصاً ال AMD، تقدر تعمل UnderVolt (تخفيض الفولت) إلى حد ما، بحيث يقلل من حرارته في أوقات الإستخدام الغير مفرط و أيضاً يخفض إستهلاك الكهرباء.. يعني بالتالي، جهازك بيستخدم كهرباء أكتر بكتير لما تكون بتلعب ألعاب video games على الجهاز ز عشان كده بتلاقي إرتفاع واضح في حرارة كارت الفيديو و المعالج (CPU) و ال North/South Bridges
و هكذا..