اريد ان ادرس الهاردوير فى معهد جيد (عنوان معدل)

**elmansy88** · 14-02-2010, 16:05

ارجو المساعدة من كل من لديه خبرة .. انا اريد ان ادرس الهاردوير فى معهد كويس يكون فيه عملى ... مش عارف ايه المعاهد الكويسة اللى فى مصر (اسكندرية) ومش عارف انا المفروض اخد كورسات ايه بالظبط علشان اكون فنى صيانة فى يوم من الايام..ابدأ ازاى و اعمل ايه ؟؟؟ ارجو المساعدة

**البسبساوى** · 15-02-2010, 09:29

بص انا شايف المكان الكويس جدا وتاخد فية كورسات هاردوير فى اسكندرية اكاديمية سموحة (ودى موجودة فى سموحة بجانب محل جاد) لانهم بيدرسوا عملى كويس جدا واحسن اتنين مهندسين م (م/ وليد & م/ ابراهيم ) الاتنين دول احسن من بعض بصراحة.

**elmansy88** · 15-02-2010, 14:08

تمام يا بسبساوى .. انت معاك حق انا سمعت كتير عن اكاديمية سموحة .. بس لو انت فى المجال دة ممكن تقوللى محتاج وقت اد ايه علشان ابقى فنى صيانة شاطر ؟؟ و الشغل فى المجال دة كويس و فيه فلوس ولا لأ ؟؟ ياريت لو حد فى المجال دة يقوللى .. وشكرا ليك تانى يا بسبساوى

**Don Khozzam** · 15-02-2010, 14:38

مجال الصيانه هو اقل مجال للكومبيوتر من ناحية الفلوس, الا اذا قدرت تجيب شغل فى شركة من شركات الصيانه زى جاما مثلا او مترا..

بس عموما مادامت انت بتحب مجال الصيانه بالذات يبقى دوس فيه و ربنا يكرمك ان شاء الله ..