اية الافضل biostar / asrock

[totti222]

بسم اللة الرحمن الرحيم

شوفوا بقى انا تعبت و اللة من كتير لبحث عن بوردة كويسة

فى البوردة الى كنت حاطط عينى عليها ال asrock g43 full hd بس لاسف لما سالت عليها من الوكيل بتاعها فى مصر قال ان هتنزل نصف شهر مارس
و طبعا انا عجبانى البوردة دى اوى عشان الكارت البلت ان و تشغيل الرامتين ال drr2 /ddr3

فا دلوقتى قدامى بورديتن بفاضل بينهم و مشعارف اية الفرق الاتنين متشابهين تقريبا فى كل حاجة و يفرقوا 10 ج عن بعض

الاولى ال biostar g 41 m7 و دى ب 270 جنية

و التانيا as rock g 41 m-vs و دى ب 280 جنية

و الاتنين مكتوب فى المعلومات بتاعتهم ان الفيجا 1759ميجا و دة البلت ان و مشفاهمها دلوقتى

و فى موديل تانى asrock g41 بس ddr3 مش ddr2

اية الافضل بقى مع اعلم انى مش هغير البروسيسور و الى موجود عندى هو انتل 3 جيجا و 1 ميجا كاش و هو lga 775

فى االاخر اية الافضل ولا استنى لحد ما الg43 تنزل و لا فية حاجة تانى افضل من الى انا كاتبة

[Coolman4now]

- هل بوردتك الحالية مازالت تعمل ؟؟؟

[totti222]

هى شغالة تمام بس العيب فى الرامات ربنا يديها الصحة
فا انا قولت بدل مكل شوية اعد اغير فى رامات و الى موجود فى السوق كلة مستعمل مفيش جديد فقولت اغير للاحسن و اجيب بوردة و رامات جداد يشتغلوا على البروسيسور و الباور الى موجودين
علما بان الباور 230

[Coolman4now]

- هتجيب رامات قد أيه ؟؟؟

- لو هتجيب أتنين جيجا ، يبقى خليك فى بوردة بتدعم DDR3 وخلاص لأن الفرق بينهم مش جبار.

[totti222]

كنت برضو بفكر فى حكاية الاتنين ddr3 دى بس لما كلمت التوكيل بتاع biostar قالى ان البروسيسور مش هيشغل الddr3
و دة كان على اساس انى اخترت البوردة g41 الى بتدعم ال ddr3 فقالى ان الوردة بتدعم بروسيسورات انتل الديل كور و طبعا البروسيسور الى عندى مش هيشغلها

فا فى الاخر يعنى مبقاش فاضل غير الg41 الى بتدعم رامات ddr2 و طبعا الى مشكويس فيها ان على اخر الصيف دة هضطر اغير لل ddr3 الى هيكون منتشر وقتها

و بعدين سالتة على الكارت البلت ان بتاع اللوحة دى فقالى هو جيجا لما تشغل رامات 2 جيجا و لو شغلت رامات 4 هتبقى 1700 ميجا
و سالتة عن نوعة اذا كان ati او nevada فقالى ميعرفش

يعنى برضو توهنى اكترمن انا تاية

[ahmed8620]

كارت الشاشه intel gma 4500 وشكراا

[totti222]

طبعا انا مبصدقش ان الكروت البت ان عالية ولا بتدى اداء كويس
و الى كسر القاعدة دى ال Ati بس هل دة اداءة كويس زي الati ولا لا

لان لو كدة يبقى اجيبا و اتوكل على الللة

[masklove]

وانا كمان تهت معاك خالص
يعني انت هتحدث البورده والرامات دلوقتي وفي الصيف هتحدث الجهاز كله ولا ايه بالظبط
انا من رأي مدام الجهاز شغال اصبر عليه وبعد كده جدد الجهاز كله وخلي رامات الجهاز الجديد DDR3

[totti222]

وانا كمان تهت معاك خالص

اديك انت اهو تهت على السمع بس لكن انا الى كل شوية بكلم التوكيلات و بنزل المولات و كل يوم دمغى بتلف اكتر

لا بص انا بقول ان على اخر الصيف ال drr3 هو الى هينتشر و ddr2 هتروح علية زى ال ddr1 كدة

فا عشان كدة مشعايز اتسرع فى بوردة ddr2 و ارجع اغيرها على اخر الصيف الى جاى دة و الميزانية مش مستحملة

عرفت بقى توهة فين
و فرحت جدا لما لقيت بوردات بتشغل الاتنين مع بعض و الفيجا البلت ان الداخلى مش بطالة و هتسد معايا كويس اوى لفترة لا باس بها
بس قابلى حاجة تانى و ان البوردات دى مش هتشتغل على البورسيسور الى عندى الى هو lga 775 و 3 جيجا و 1 ميحا كاش

بس يا بوب شوفت بقى الحكاية لفة ازاى

يعنى انا عامل الى موضوع عشان لو حد عندى معلومة عن البوردات دى او بوردة مناسبة يكتب اسمها و لو الى بوردة الى انا مثلا لقيتها فيها عيوب او كسوور فى الاداء

[Mr. President]

أخي العزيز totti222
ما حصلت عليه من كلامك أن معالجك dual core lga 775
توجد بورد من شركة AsRock p45x3 deluxe بمواصفات جيدة جداً و تدعم DDR3 بسعر مناسب و متوافقة تمام مع معالجك
https://www.asrock.com/mb/overview.a...P45X3%20Deluxe
يمكنك التأكد من ذلك عن طريق الموقع
برأيي هذه أفضل بورد يمكنك الحصول عليها من شركة Asrock

سعرها 94$ تقريباً في السوق السورية

و كا نصيحة أخرى يستحسن أن تختار DDR3 لأنها الأفضل في الأداء و لأمكانية الاحتفاظ بها في حال التحديث الى مستوى اعلى

أما بالنسبة لكرت الشاشة يستحسن أن تبتعد عن الـ Built-in لأنها تعيسة للغاية
من يريد الحصول على جرافيكس كمبيوتر محمول و عنده كمبيوتر مكتبي

يمكنك شراء كرت شاشة ذو ميزانية قليلة low-end بسعر ممتاز و يعمل أفضل من الـ built-in

نصيحة أخرى اذا قررت ان تشتري هذه البورد يجب أن يكون عندك باور سبلاي 550 واط على الاقل لأنه تحتاج مدخل 8-pin المتوفر في الباور سبلاي أكثر من 500 واط

آسف على الإطالة و أرجو أن اكون ساعدتك بما تريد

[S@M]

طبعا انا مبصدقش ان الكروت البت ان عالية ولا بتدى اداء كويس
و الى كسر القاعدة دى ال Ati بس هل دة اداءة كويس زي الati ولا لا

لان لو كدة يبقى اجيبا و اتوكل على الللة

الكروت المدمجة ضعيفة جدا يا عزيزى ولا تصلح للآلعاب ...الآفضل ان تشترى كرت شاشة منفصل..... بدل من صرف فلوسك على تغير المنتج بمنتج اخر بة كرت مدمج ....والمحصلة فى اللآخر هتكون واحد ...

[totti222]

يعنى رايكوا ان انى استنى البوردة ال as rock g43 و هى افضل حاجة

عشان 1 - الddr3
2 - vga 375 ati hd

و طبعا الكارت المدمع من شركة ati افضل من اى كرت تانى مدمج و زية زى البلت اوت

صح كدة ولا اية

دة كدة اخر راى و دة الى هستقر علية هستنى البوردة دى لحد متنزل على كلام توكيل روك انها هتنزل فى نصف مارس

شكرااااااااا ليكواا اوىى

[Bandar Abdullah]

أوافقك الرأي عزيزي..

و بالتوفيق

لكن.. اللوحة دي مايكرو(صغيرة)

[totti222]

هو انا كل ما القى بوردة يطلعلى فيها عيب
يعنى اية ميكرو الاول بس عشان افهم
و لو فيها حاجة تانى قولوا يا جماعة لو سمحتوااااا

ال as rock g43 twins full hd ميكروو اززززززززااااااى

[totti222]

اية يا جماعة
حد يرد عليا ازاى ميكروو مش فاهم يعنى اية كلمة مايكروو دى