ياريت تطرح سؤالك الأول فى قسم الشهادات العلمية
و بعدين قولنا ميزانيتك كام و بإذن الله نقدر نساعدك
يا جماعه انا هبدأ كورس نتورك بلس قريب ان شاء الله
ومحتاج اعرف ايه هيا مواصفات اللاب توب
لدراسه الشبكات
ياريت تطرح سؤالك الأول فى قسم الشهادات العلمية
و بعدين قولنا ميزانيتك كام و بإذن الله نقدر نساعدك
اظن انت لو هتكمل شبكات بعد n+ مثلا ccna
وعايز لاب توب يفضل انك تركز على البروسيسور و الرامات علشان تقدر تشتغل عملى كويس
وحاجة تانية مهمة ان تكون شاشتة كبيرة علشان تقدر تفتح كذا روتر مع بعض
بس للاسف انا مش خبير فى الماركات زى Dr Mohammad هو ممكن يفيدك ويقولك ما هو النوع المناسب
بالنسبه للميزانيه من 2000 درهم الى 2500 درهم
وعلى فكره سألت فى قسم شهادات الكومبتيا
السلام عليكم و رحمة الله و بركاته
بيتهيألى كدة المواصفات المهمة
المعالج
الرامات
الشاشة
الميزانية 2000- 2500 درهم
تمام ؟
يبقى أرشحلك
Dell Inspiron 1564
المعالج Intel core i3 معالج حديث و قوى ما شاء الله
الرامات 2-4 giga و يمكن تزويدها عادى
الشاشة 15.6 إنش
كارت الشاشة إنتل و ده ضعيف فى الالعاب و التصميم و الجرافيكس لكن لو الأشياء دى ماتهمكش يبقى كويس بالنسبة لك و سعره فى حدود 3400-3600 جنيه
او فى موديل بكارت تانى ATI 512 و تمنه فى حدود 4300 جنيه بس ماعرفش موجود فى مصر حاليا بس موجود فى السعودية ب 3000 ريال و ده لو تهمك الألعاب و التصميم و الجرافيك
و أى استفسار انا تحت امرك
و لا تنس صلاة الاستخارة
وعليكم السلام ورحمه الله وبركاته
اولا شكرا لردك
ثانيا بالنسبه للاجهزه Dell بصراحه مش بحبها كان معايا جهاز بتاع واحد قريبى فضل معايا حوالى شهر كان قارفنى كل شويه يهنج
وبيقعد يجى 5 دقايق على مايفتح بصراحه عقدنى من اجهزه Dell فيا ريت لو مفيش تعب عليك يا دكتور ترشحلى اجهزه تانيه يفضل من ماركه Asus او Toshiba وعلى موضوع الالعاب والجرافيكس مش مهمه بالنسبه لى وانا عايش فى الامارات
ومعلش انا تقلت عليك ممكن سؤال تانى ايه انواع المعالجات اللى تشتغل كويس فى موضوع الشبكات يعنى مثلا Core To Due كويس ولا وحش
شكرا تانى على اهتمامك وردك على الموضوع
بالنسبة لموضوع التهنيج و الكلام ده بيبقى على حسب المواصفات و جايز الجهاز اللى كان معاك مواصفاته ضعيفة
تانى حاجة إن ديل فعلا شركة كويسة جدا و عن نفسى افضل التوشيبا و الديل عن الأسوس
و اهم مايميز الديل ان سعرها مناسب و لكن توشيبا اغلي
و الجهاز اللى انا باقولك عليه ميزته ان مواصفاته عالية عشان المعالج ده جديد و فى نفس الوقت سعره حلو جدا
و بالنسبة للمعالجات فال CORE 2 DUE ممتاز و منتشر جدا و مناسب بإذن الله و لكن ال CORE I3 أحدث و إن شاء الله مستقبلا أغلب البرامج هتبتدى تستفيد من معماريته
و أى استفسار أنا تحت أمرك
شكرا يا دكتور محمد على الرد
وحضرتك كده عرفتنى الاساسيات اللى هحتاجها فى الجهاز
وان شاء الله قبل ما اشترى الجهاز هبقى اخد رأيك لو معندكش مانع
العفو
تحت أمرك فى اى وقت
المفضلات