لا تحتاج تحديداً لسيرفر خاص، مع انه ممكن تعمل راوتر من جهاز قديم تركب عليه لينكس Linux ، بس ده موضوع تاني
فيه راوترات فيها خاصية ال QoS - Quality of Service ، جودة الخدمة، و فيها أنواع Schedulers مختلفة، أشيعها على ما أعتقد HTB
ده بيتيحلك انك تقدر تعمل توزيع للباندويدث بطريقة عادلة، أو انك تعمل حد أقصى لبورت (أو آي-بي) معين، بس الخاصية الأخيرة صعب تلاقيها في firmware بتاع راوترات الجاهزة
أعتقد إن ال Dlink 2640U فيه خاصية ال QoS بس خياراتها محدودة نوعاً ما. أنا كنت بعمل بحث عشان عايزة أجيب راوتر جديد، بس لسه ما لقيتش حاجة تنفعني، ليه؟ دي النقطة التالتة و الأهم:
فيه راوترات ممكن تركب عليها firmware خاص، مفتوح المصدر، مبني على Linux
مثل:
https://dd-wrt.com
https://openwrt.org
https://www.polarcloud.com/tomato
https://www.routertech.org
dd-wrt هي الأشيع إستخداماً نظراً لسهولة تركيبها و إستخدامها (و ال web-interface بتاعها رائع!) و كثرة تجاربها على راوترات مختلفة و المعلومات المتاحة حولها و الراوترات اللي بتدعمها
https://www.dd-wrt.com/wiki/index.php/Supported_Devices
openwrt للخبراء أكتر، و تحتاج خبرة عملية من ناحية نظام التشغيل، Drivers، برمجة، compiling ، و أحياناً كمان بتتطلب انك يكون لك خبرة في الإليكترونيات (لفتح الراوتر و توصيل adapter على ال Serial port أو ال JTAG )
بالنسبة ل tomato و راوتر تك، الصراحة مليش خبرة كثيرة معاهم و لم أبحث فيهم كثيراً..
المشكلة ان أفضل الراوترات اللي بتدعمها الفيرمويرات دي كلها مش موجودة في مصر، و الباقي shot in the dark (انت و حظك يعني) ، و دي أكتر حاجة تحزن
عموماً، ال Dlink 2640U/BRU/C اللي موجود هنا فيه ناس بيشتغلوا عليه في OpenWRT و آخر السنة اللي فاتت فيه حد عرف يعمل بعض التحديثات \ الباتشات اللي أتاحت استخدام OpenWRT بس لسه في مجال ال Testing و لسه فيه مشكلة مع تفعيل خاصية ال DSL Modem فيه بسبب مشكلة مع ال Driver ..
يرجى أيضاً الأخذ بالإعتبار إن تقريباً كل الراوترات اللي بتدعهم الأنظمة دي هي راوترات فيها خاصية وايرلس (لاسلكي)، يعني فرصة انك تلاقي راوتر غير-لاسلكي مدعم من أي من الفرمويرات دي نسبة ضئيلة جداً، للأسف، نظراً لصغر حجم ال Flash في هذه الراوترات
تحتاج لراوتر فيه 4mb على الأقل عشان يبقى فيه خيارات متاحة تستاهل انو يشغل أي من ال Firmwares دي
2mb flash في معظم الأحيان قليل جداً، بس ممكن يتطور openwrt firmware ليه بحيث يقدم الحد الأدنى من الدعم للهاردوير اللي في الراوتر..
تحياتي
المفضلات