حل مشكلات الكمبيوتر والشبكات والصيانه مستمر يوميا

[shero2011]

ضع مشكلتك بالتوضيح وياريت ترفق معها صور وسنرد عليك خلال 24 ساعه ان شاء الله

لو عايز تعريفات برد
كروت خارجية
لو عايز تعرف ويندوز يناسب جهازك

مشكلة ومش عارف حلها معاك وحانساعدك ان شاء الله

[Don Khozzam]

طيب ماشى .. هعرض عليك اغرب مشكله واجهها شخص فى عالم الكومبيوتر حتى الان.

مفيش بنى ادم عرضتها عليه سواء كان خبير اجنبى او عربى الا و قالى مش عارف.

شوف يا سيدى

اشتريت باور سبلاى 600 وات نوعه OCZ Stealth X Stream 600W جديد لانج من حوالى شهر .. شفته بنفسى فى المحل و هو شغال على الجهاز اللى عندهم..

رجعت البيت و شلت الباور القديم و ركبت الجديد و وصلت كل حاجه و جيت اشغله .. انوار الكيسه لقيتها بترتعش و اللمبه الخضرا بتاعت الكيسه بترتعش و مراوح الكيسه كلها بقت بتلف بسرعه جنونيه .. طفيته و جربت كذا مره و كل مره نفس النتيجه..

روحت عند محل صيانه جنبى ليا واحد صاحبى بيشتغل فيه و جربناه عنده برضو نفس النتيجه.. جربته على كذا فيشه فى البيت برضو نفس النتيجه .. غيرت سلك الباور برضو نفس النتيجه ..

فقلت اعمل تجربه كدا .. فكيت الباور و طلعته برا الكيسه قلت يمكن يبقى فيه حاجه عامله ماس فى الكيسه ولا حاجه و برضو ادانى نفس النتيجه .. فصلت الباور عن الجهاز خالص و وصلت بيه شوية مراوح و انوار خارج الكيسه تماما و شغلته و برضو الانوار كانت بترعش و المراوح تلف بسرعه جنونيه .. للعلم دا تانى باور سبلاى من نفس الماركه و النوع يعمل عندى كدا رغم انه بيشتغل زى الفل فى المحل اللى اشتريته منه .. هو مش راضى يشتغل فقط فى اى مكان فى طنطا ..

و انا دلوقتى شغال على الباور القديم .. بس المشكله دلوقتى انى مش عارف استعمل كارت الشاشه الجديد بتاعى لان الباور القديم مش بيستحمله ..

لو عندك اى اقتراح .. انا فى الانتظار ..