ممكن تكون الشاشه محتاجه dvi فعلا ويكون العيب منه! ده مجرد تخمين وانتظري اراء باقي الاعضاء
أنا اشتريت الشاشة دي (PHILIPS Brilliance 190CW) في شهر 7 اللي فات تقريبًا وبصراحة مش عاجباني ألوانها خالص
حاسة إنها بهتانة ومهما حاولت ألعب في الالوان والكونتراست والجاما وكل حاجة بتفضل بهتانة وكمان بحس ان الصورة مبكسلة حتى في الأفلام الدي في دي اللي بتعرضها الشاش ال CRT بشكل أحسن وأنقى بكتير للأسف
وبالنسبة بقى لو شغلت فيلم مضغوط أو كليب بصيغة rmvb مثلاً يبقى انسى انك تشوف أصلاً... صورة وحشة جدًا ومش واضحة وزي ما تكون أفلام من سنة 1920! وكمان الجزء الأسود اللي فوق وتحت بيكون فيه زيه يمين وشمال وفي الآخر بشوف صورة ترانزيستور مربع في نص الشاشة متاكل من فوق وتحت ويمين وشمال، مآساة اغريقية بكل المقاييس والشاشة ال CRT كانت بنت حلال ومش بتعمل كدة وكل الأفلام دي كانت شغالة عليها تمام التمام.
بالمناسبة أنا شغالة بكبل الفيجا العادي عشان مش لاقية كبل دي في اي خالص!
يا ريت بس تفيدوني يا جماعة، اقدر أصلح مشكلة الألوان والوضوح دول إزاي؟؟ وإزاي اشيل الأجزاي السودا اللي حوالين الصورة ولو جبت كبل دي في آي هيفرق وللا لأ؟؟ وأجيبه منين عشان مش لاقياه في أي حتة!!
شكرًا مقدمًا وفي انتظار الرد
أختكم
أسماء فوزي
ممكن تكون الشاشه محتاجه dvi فعلا ويكون العيب منه! ده مجرد تخمين وانتظري اراء باقي الاعضاء
السبب ان ملفات الفيديو ال rmvb بتبقى الريسلوشن بتاعها صغير على الشاشة دية فلازم تنزلى الفيديو avi على الاقل
بالنسبة للكابل ال DVI دة تلقية فى مول سوق العصر اسالى فى المحلات هناك او فى RadioShake بس هتلية غالى شوية بس مش هيفرق فى الصورة الا مع الملفات الفيديو 720p هتالى ظهر ريسلوشن فى الويندوز بيخالى الملفات دية تشتغل من غير الشريط الاسود اللى فوق و تحت
Playing Now: Dirt 3
معتقدش ده السبب لان شاشتي samsung 2333 وافلام rmvd بتشتغل معقولهالمشاركة الأصلية كتبت بواسطة montoia2005
ضوابط المشاركة
المفضلات