قررت الشراء ولكن ... رأى الخبراء تجميعه AMD للجرافيكس بميزانية من 1500 جنية إلى 2000

[midomashakel]

الاخوة الاحباء السلام عليكم ورحمه الله وبركاته
جمعه مباركة على الجميع

قررت اخيرا شراء كيسه جديدة ولي عندكم بعض الاستفسارات

الغرض من التجميعه :
*********
تحويل ملفات شرائط الفيديو الى cd و التعامل مع برامج الجرافيكس والمونتاج أمثال
COREAL VIDEO STUDIO x3
ADOBE PHOTOSHOP CS4
ADOBE AFTER EFFECT CS4
PINICALE STUDIO

الميزانية المقترحة :
*********
المبلغ المتاح حاليا ما بين 1500 حتى 2000 جنية

استخدام مكونات قديمة :
**********
عندي هارد 1000 جيجا ( 1 تيرابايت ) جرين ويسترن بافر 32 ( معظم مساحته مستخدمه ) لانى بستخدمه باك اب داتا
شاشة Dell 17 بوصة ctr في القريب العاجل اتمنى شارء شاشة فيليبس 19 بوصة ان شاء الله
كارت دش TWINHAN 1020A
DVD : ASUS lIGHTsCRIBE DRW-20B1LT حتى بعد عملية التحديث لاتتم عمليه الاحتراق بالنسبة للمطبوعات على الوجه الصحيح
DVD : Sony DRU-830A 18X
SOUND CARD : Crative Vibra 128b

القابلية للتجديد :
*******
انا على علم تام بان أهم شيئ في موضوع الشراء يكمن في 3 اشياء
1- تكنولوجيا حديثة للمستقبل
2- مازربورد قوية فى الاداء ( قابلة للتعامل مع معظم اصدارت Phenom , Athlon )
3- كيسه محترمه
وبافي الاجزاء يمكن تغييرها على المدى البعيد

القابلية لكسر السرعة :
**********
من باب العلم بالشيئ إذا كانت ضرورية لشغلي


الكيسة الجديدة بالمواصفات الآتية :
MotherBoard : ASUS -M4A785TDV EVO - AMD785 +128MB DDR3 SidePort Memory
Processor : رأى الخبراء
HDD : رأى الخبراء
RAM : Kingston 2GB DDR3 bus 1333MHz CL9
DVD :Sony Optiarc AD7240S 24X إذا امكن LightScribe
CASE : GAMMA 350W

بالنسبة للمازربورد :
*********
كان الاختيار ما بين الثلاثة أنواع الآتية :
من خلال قرائتى في المنتدى اكتشفت الترتيب الاتى من حيث الكفاءة والاداء ( رأى متواضع )
1- ASUS M4A785TD-V EVO
2- MSI 785G-E53
3- Gigabyte |GA-MA785GT-UD3H | AMD 785G/SB710

بالنسبة للبروسيسور :
*********
حقيقي انا محتار في الاختيار ما بين ( الميزانية التى تحكمنى )
1- Phenom II X2 BE 550 3.1GHz, 7MB Total Cache, 4000MT/s Bus
2- Athlon II X4 620 2.6GHz, 2MB Total Cache, 4000MT/s Bus
بس أهم حاجة التوافقية مع المازربورد في عملية كسر السرعة وتوافق كل المكونات

هل أحتاج الى مشتت حرارة :
*************
حيث ان الشقة التى اسكن بها اتجاهها قبلي وحر جدا في الصيف والجهاز تقريبا بيتقفل لما النور يقطع فقط

بالنسبة للهارد ديسك :
**********
نفسي اعرف ايه الفرق بين ال green, blue, black في هاردات الويسترن
وايه الفرق بين AADS و AAJS , AAKS

بالنسبة لكارت الشاشة :
***********
في الوقت الحالى هتستخدم البلت ان

بالنسبة لكارت TV TUNER :
****************
محتار ما بين
1- Life View 3000
2- MSI TV @nyWhere
لهم ميزانية خاصة بعيدا عن التجميعه السابقة
( كل المواضيع الخاصة بكروت التى في تونر من الارشيف وغير محدثه )
اتمنى ان يكون هناك مقارنه فعلية بين الكارتين السابقين وايهما افضل من حيث الاداء

بالنسبة DVD :
******
اتمنى يكون سونى لايت سكربت ( بس عندى معلومه انه اتمنع من مصر )
وفي المستثبل بفكر في تقنية Blue RAY

مكان الشراء :
*******
قررت الشراء من شركة ماكسيميم هاردوير ان شاء الله ولكن بعد مشورة الخبراء ومقترحات الاعضاء
هل انتظر معرض استيكس الاهرام 2010 المقام في الفترة من 3/3 حتى 6/3/2010 المقام فيقاعة المؤتمرات الشهر القادم
بمعنى اخر هيكون فيه فرق في الاسعار يستوجب انتظار المعرض ام أتوكل على الله واشترى الاسبوع القادم

ملاحظات عامه :
*******
اول جهاز عندى كان سنة 1995 Pentium I
وتم التحديث الى Pentium III عام 2000
وتم التحديث الى Pentium IV عام 2003
والان اريد الانتقال الى عالم AMD الساحر بفضل هذا المنتدى أن شاء الله
وبفضل المجهود الجبار من مقترحات الأعضاء وكذلك المقارنات التى يقدمها الاعضاء والشرح والتحليل والشركات التى تقدم افضل العروض.

ملحوظة صغيرة جدا :
أى تغيير بالنسبة لي في الشراء ... هيعتبر طفرة في الاداء ... نظراً للجهاز الذى استعمله الآن

وأخيراً وليس بأخر : أنا عارف اننا طولت عليكم ... بس محتاج الرأى والمشورة
الواحد كان فاكر نفسه بيفهم في التجميعات ... لكن المنتدى هنا غير معنى تجميع الاجهزة بفضل أعضاءه الكرام

والسلام ختام

[fadyassem]

Gigabyte GA-MA785GT-UD3H السعر 540 جنيه
Phenom II X4 955 3.2GHz, 8MB Total Cache, 4000MT/s Bus السعر 940 جنيه

Western Digital Blue 320GB AAJS 8M Cache SATAII السعر 240 جنية
GAMMA 350W السعر 280 جنية
Elixir 2GB/CL9/1333@1.5v---1600@1.65v= 260EGP

وخصم 25 جنيه

يبقى كده ميه ميه

[midomashakel]

Gigabyte GA-MA785GT-UD3H السعر 540 جنيه
Phenom II X4 955 3.2GHz, 8MB Total Cache, 4000MT/s Bus السعر 940 جنيه

Western Digital Blue 320GB AAJS 8M Cache SATAII السعر 240 جنية
GAMMA 350W السعر 280 جنية
Elixir 2GB/CL9/1333@1.5v---1600@1.65v= 260EGP

وخصم 25 جنيه

يبقى كده ميه ميه

الاخ العزيز فادي شكرا على سرعة استخابتك

ولكن هذه التجميعه تخطت حاجز ال 2000 جنية
حيث ان مجموعها 2260 جنية


ولكنك لم تذكر اسباب اختيارك لهذه البورده ة هذا البروسيسور مع ارتفاع سعره

وهل هذه النوعية Flixir افضل من كينج ستون

شكرا مره اخرى وفي انتظار اراء اخرى

[masklove]

Athlon II X4 620 2.6GHz, 2MB Total Cache, 4000MT/s Bus = 560 EGP
ASUS -M4A785TDV EVO = 600 EGP
Kingston 2GB/1333/CL9 DDR3 = 275 EGP
Western Digital 320GB 8M BLUE SATA = 235 EGP
GAMMA 350W = 280 EGP
__________________________________________
1950 جنيه
الاسوس طبعا

[shezo_egyption]

السلام عليكم
اولا انا مش خبير
انا زى حلاتك اول تجربه ليه مع amd وطبعا كان عندى حيره رهيبه
بخصوص المازربورد انا بفضل ال ايسوس MotherBoard : ASUS -M4A785TDV EVO - AMD785 +128MB DDR3 SidePort Memory
وانا جبتها بعد صراع مع النفس مع انواع البوردات الاخرى الى انته كتبها
ده اعتقد انى كده داخل فى حوالى شهر من اقتناء الجهاز كل شىء ماشاء الله ممتاز وهيه مش فتره كافيه لتقيم اى شىء
بس من متبعتى بعض الناس كانوا بيششتكو من المازر بورد الجيجا زى عدم القابليه لتنزل ويندوز 7 وتحديث البايوس
ال msi مش منتشره مش بلاقى كتير كتبين عنها ( استخدام )
انا بصراحه فى موضوع كسر السرعات وفتح الانويه بعتقد الايسووس سهله جداا وقويه

2- بخصوص المعالج
620 افضل فى التطبيقات والبرامج بوجه عام كل مواقع المقارنه بتقول انه الاقوى
لكن انا شخصيا عندى 550وربنا وفقنا وفتحت الانويه بقى اربعه نواه + انه التردد بتاعه 3.1 + انه تقنيه احدث + انه فيه 3 كاش =7 ميجا
لكن الحظ وهل تقدر تجيب المعالج ده برقم باتش معين

انا شخصيا من محافظه كفر الشيخ واشتريت من شركه ماكسمام هردوير عن طريق الشحن واتبعتلى المعالج ورقمه الباتش بتاعه جه صدفه هل ممكن تطلب المعالج برقم باتش معين يبقى هات phenom 550 غير كده انته ونصيبك

وده الموضوع الى فيه رد الاخوه تقريبا عن اسئلتك بعيد عن كروت الدش https://www.arabhardware.net/forum/s...d.php?t=151928

[midomashakel]

Athlon II X4 620 2.6GHz, 2MB Total Cache, 4000MT/s Bus = 560 EGP
ASUS -M4A785TDV EVO = 600 EGP
Kingston 2GB/1333/CL9 DDR3 = 275 EGP
Western Digital 320GB 8M BLUE SATA = 235 EGP
GAMMA 350W = 280 EGP
__________________________________________
1950 جنيه
الاسوس طبعا

شكرا لك على تلبية الدعوة والاجابة والترشيح

ولكنك لم تذكر لي ما الفرق بين black, blue, green في الهاردات ايه اللى بيميزهم عن بعض

والمعالج اللى انت اخترته سهل اكسر السرعة بتاعته ولا لاْ

ونسيت تقولى على كارت تليفزيون انه افضل
Life View أم MSI tv any where


شكرا ليك مره أخرى

[midomashakel]

الاخ العزيز " shezo_egyption "
الموضوع بتاعك انا قريته اكثر من 10 مرات
وبحثت كثيرا في المنتدى والحمد لله بعد ان اطمئن قلبي لهذه البوردة الاسوس هتوكل على الله ووقع عليها الاختيار


مبروك عليك الشراء ومبروك عليك النواتين الجديدتين ويا ترى انت ناوى تكسر السرعة ولا لأ

واخبار كارت الفيجا المدمج ايه
انت اشتغلت عليه جرافيكس ولا العاب


وعلى فكرة انت حطتني في خيرة مره اخرى من حيث المعالج يعنى الموضوع انت وبختك ممكن اشترى ومش الاقى الباتش وما اعرفشى اكسر السرعة ؟؟؟؟

حاجة محيرة ؟؟؟؟
ادور تاني في المنتدى

سؤال خاص ليك ؟؟انت لما اشتريت كان جزء من المعالج ظاهر من العلبه الجزء الخلفى اللى بيكون مذكور عليه رقم الباتش
ولا كانت متبرشمه وما كانش فيه حاجة ظاهرة منه

انا عارف اسئلتى كتيرة بس التجديد مره ونخلص

شكرا ليك مره اخرى

[moatez]

Phenom II X4 925 2.8GHz, 8MB Total Cache, 4000MT/s Bus السعر 830 جنيه
Gigabyte GA-MA785GM-US2H السعر 470 جنيه
Kingston DDR2 2GB bus 800MHz CL6 السعر 210 جنية
Western Digital Blue 320GB AAJS 8M Cache SATAII السعر 235 جنية
GAMMA 350W السعر 280 جنية

الممجموع 2025 ج

الهارد البلاك اسرعهم يليه البلو وسط بين البلاك والجرين ثم الجرين ابطاءهم ...

[midomashakel]

Phenom II X4 925 2.8GHz, 8MB Total Cache, 4000MT/s Bus السعر 830 جنيه
Gigabyte GA-MA785GM-US2H السعر 470 جنيه
Kingston DDR2 2GB bus 800MHz CL6 السعر 210 جنية
Western Digital Blue 320GB AAJS 8M Cache SATAII السعر 235 جنية
GAMMA 350W السعر 280 جنية

الممجموع 2025 ج

الهارد البلاك اسرعهم يليه البلو وسط بين البلاك والجرين ثم الجرين ابطاءهم ...

شكرا ليك يا استاذ معتز على وجودك بيننا

انا كدا فهمت الفرق بين الوان الهاردات

اما بالنسبة للترشيح
Phenom II X4 925 2.8GHz, 8MB Total Cache, 4000MT/s Bus السعر 830 جنيه
ASUS -M4A785TDV EVO = 600 EGP
Kingston 2GB/1333/CL9 DDR3 = 275 EGP
Western Digital Blue 320GB AAJS 8M Cache SATAII السعر 235 جنية
GAMMA 350W السعر 280 جنية

المجموع 2220ج

وهل صحيح فيما قرأته ان الفينوم اسهل في كسر سرعته من الاثلون

وهل هناك 925 بلاك ايديشن منه
راجع هذا الرابط
https://www.arabhardware.net/forum/s....php?p=1254201

وايه رايك في التجميعه الجديدة ديه
انا عارف انها زادت بمعدل 225 جنية
واه ضربة مره واحده ونخلص


من فضلكوا حد يرشحلى كارت تليفزيون tv tuner

وانت اختيارك للبوردة الجيجا بايت باعتبار ان كارت الفيجا فيها 1 جيجا
على حساب الاسوس اللى الكارت فيها 512 ميجا بايت
بصراحة محاج تفسير منك


ارجو ان يتسع صدرك لكثرة الاسئلة

وشكرا مره أخرى

وجعله الله فيب ميزان حسناتك

[moatez]

مفيش 925 بلاك اديديشن ال 955 وال 965 هما بس البلاك اديديشن بالنسبه لعائلة الفينوم للرباعى ...

الفرق بين البلاك اديديشن والعادى ان البلاك سهل جدا فى كسر السرعة مش محتاج خبره جامده لكن الاثنين قابلين لكسر السرعة عادى جدا ....

بالنسبه للماذر حجم الذاكره سواء 512 او 1 جيجا مش هيفرق فى الاداء ان بس اختارتها لانها رخيصه فى حدود ميزانيتك وفى نفس الوقت كويسه جدا .........

لو قصدك كارت دش فى التيفيا 420S ممتاز جدا من تجارب ناس كثير وفى حدود 150 ج.......

[midomashakel]

الاخ العزيز معتز شكرا على تعبك معايا

انا مش عاير كارت دش لاننى املكه بالفعل

انا عايز كارت تليفزيون به مداخل video in



https://msicomputer.com/index.php?fu...32&prod_no=616
او
https://www.lifeview.com.tw/html/pro...tv_prime30.htm
ايهما اقوى في الاداء والسعر في مصر كام
عشان ااقدر اسجل من جهاز الفيديو
الغرض منه تحويل شرائط الفيديو الى اسطوانات dvd
عندي فرح متصور على شريط فيديو عايز انزله على اسطوانة


سؤال اخير
ايهما افضل
Phenom II X4 925 2.8GHz, 8MB Total Cache, 4000MT/s Bus
Phenom II X2 550 3.1GHz, 7MB Total Cache, 4000MT/s Bus

بس صحيح x2 550 انا وحظى في فتح الانوية
يعنى ممكن ما يفتحش معايا النواتين الثالثة والرابعه

اعذرنى على رزالتى في الاسئلة
اصلى عايز أفهم


وصحيح dvd sony lightscribe اتمنع من النزول في مصر لاسباب امنية

شكرا ليك مره أخرى

[moatez]

بالنسبه لكارت TV صراحة مش هاقدر افيدك لان ماليش فيهم اوى ....

بالنسبه للبروسيسور الافضل Phenom II X4 925 وخصوصا انك هتستخدم الجهاز فى الجرافيك لان ال 550BE مش مضمون فى فتح الانويه فى ناس بتفتح معاهم الانويه والجهاز مبيكونش ثابت وفى ناس مش بتتفتح معاهم من الاساس وفى ناس بتنفتح معاهم والجهاز بيبقى ثابت يعنى الموضوع كله انت وحظك .........

بالنسبه لل lightscribe بصراحة معنديش علم ........

[midomashakel]

بالنسبه لكارت TV صراحة مش هاقدر افيدك لان ماليش فيهم اوى ....

بالنسبه للبروسيسور الافضل Phenom II X4 925 وخصوصا انك هتستخدم الجهاز فى الجرافيك لان ال 550BE مش مضمون فى فتح الانويه فى ناس بتفتح معاهم الانويه والجهاز مبيكونش ثابت وفى ناس مش بتتفتح معاهم من الاساس وفى ناس بتنفتح معاهم والجهاز بيبقى ثابت يعنى الموضوع كله انت وحظك .........

بالنسبه لل lightscribe بصراحة معنديش علم ........

تسلم يمناك يا استاذ معتز
وان شاء الله هذا هو قرار الشراء

Phenom II X4 925 2.8GHz, 8MB Total Cache, 4000MT/s Bus السعر 830 جنيه
ASUS -M4A785TDV EVO = 600 EGP
Kingston 2GB/1333/CL9 DDR3 = 275 EGP
Western Digital Blue 320GB AAJS 8M Cache SATAII السعر 235 جنية
GAMMA 350W السعر 280 جنية

المجموع 2220ج

واعتقد ان فرق السعر يستاهل

وكدا يبقى باقي كارت التليفزيون
وسونى دي فيدي لايت سكربت

شكرا لكل ما ساهم برده في هذا الموضوع

انا سعيد جدا بوجودى في هذا المنتدى الجبار برواده

[mostafa341]

وان شاء الله هذا هو قرار الشراء

Phenom II X4 925 2.8GHz, 8MB Total Cache, 4000MT/s Bus السعر 830 جنيه
ASUS -M4A785TDV EVO = 600 EGP
Kingston 2GB/1333/CL9 DDR3 = 275 EGP
Western Digital Blue 320GB AAJS 8M Cache SATAII السعر 235 جنية
GAMMA 350W السعر 280 جنية

المجموع 2220ج

فعلا تجميعة تستاهل ثمنها

و الف مبروك مقدما على الجهاز

[shezo_egyption]

السلام عليكم

شوف ياباشا كارت الشاشه المدمج مع ايسوس 512 + 128 +360 بيتاخدوا من الرامه بيديلك =1000
ادائه ممتاز مثلا pes210 , Rogue.Warrior . GTA SAN ANDREAS 2 . NFS UnderCover.2009. Assassins.Creed-RELOADED
لكن لعبه NFS Shift 2009 بتشتغل لكن عند الدخول فى اللعبه بتطلع ممكن يكون عيب ملف تشغيل اللعبه بصراحه مجربتش
كل الالعاب دى بتتلعب اما على الهاى والمدل رغم ان كتير من الالعاب بتظبط افتراضى بعد فحص الجهاز على الهاى لكن بيكون فيها قدر بسيط من التقل لكن المتوسط بيكون ممتاز

بالنسبه للجرافك الكارت ممتاز غير انه بيدعم full hd1080
وبرامج الجرافك زى فوتوشوب , 3danmation , طبعا بتعتمد على المعالج اكتر ومع المعالجات الجديده مافيش ادنى خوف

بخصوص المعالج بيكون مكشوف بيكون فوق العلبه غطاء بلاستك تقدر تقرى كل بياناته ده فى حاله انك حتشترى وانته واقف
لكن زى حلاتى طبعا كان متبرشم وكده كده خلاص انته بتستلم قبل ماتشوف
بصراحه اتمنالك المعالج phenom 550 تردده عالى +7 ميجا + سعر مناسب جدااااااااااا + شويه رعب وتفتح الانويه
وفيه قسم معين لشركات المبيعات هنا جرب اسئل شوف ممكن يجبللك معالج بباتش معين

على العموم ادى موقع مقارنه بين جميع المعالجات ودى صفحه مقارنه بين 550 و 920 وفيه تفوق فى البرامج كبير لصالح 920 لان الانويه بتفرق فعلا فى البرامج وبعض الالعاب المعينه البعض وده قليل حتى الان والتردد العالى بيكون لصالح الالعاب
https://www.anandtech.com/bench/defa...p=97&p2=81&c=1