اهلين اخي
يعني انت موظف وتبغى تدرس ال CCNA
ولا كيف؟
انا اشوف ما يحتاج معهد المنتدى كافي وزيادة
على فكرة انا من سكان جدة اذا تبغى مساعدة؟
افيدوني افادكم الله .... .لقد قمت بالاطلاع على الملخصات بالنسبة لل CCNA للاستاذين الكبيرين ,, محمد و لومارك وكانت غاية في الروعة واستفدت منها كثيرا .. ولكن المشكلة الدوام بالاضافة الى انو الحماس يقل عندي لو درست للوحدي .
بمعنى انو لو دخلت معهد جدة هقدر انظبط في مواعيد المحاضرات غير الميزات الاضافية طبعا منها اللاب العملي على الراوترات وو تامين وظيفة (حسب ما يذكرون في العرض ) وفي نهاية الامر من سمع ليس كمن رأى ,,,,, والرجاء من الاخوة في الاشراف تثبيت الموضوع حتى تعم الفائدة ,,,,, والله من وراء القصد.
اهلين اخي
يعني انت موظف وتبغى تدرس ال CCNA
ولا كيف؟
انا اشوف ما يحتاج معهد المنتدى كافي وزيادة
على فكرة انا من سكان جدة اذا تبغى مساعدة؟
شوف انا قبل 4 سنين درست CCNA في المعهد بس كان في فرع صاري
وكان عند الرائع محمد أبو لبدة ... بصراحة هو خبير ويكفي منصبه الحالي في اكبر شركات المملكة وكمان مع أسامة منلا ودا اسأل عنه الاتصالات السعودية .... ناس فاهمين انا متأكد تتكلم عن فرع الجمجوم بس برضو في ناس هناك فاهمين ..
تبغى الصراحة لمن تبدا الCCNA في معهد صدقني أحسن وأسرع لأنك حتبدى بشي جديد هما يعلموك كيف المذاكرة وينبهوك على الاشياء الصغيرة قبل الكبيرة غير لاباتهم جدا ممتازة
أنا الحين قطعت مشوار كبير ....
بس لو انعاد الزمن مرة تانية برضو حدرسها في معهد ...
الـ CCNA بالذات انا افضل الواحد يبداها في معهد ... لأنك تأسس نفسك ..
بالنسبة للفيديو انا شفتها ... الشرح جيد ... بس لا تقارنها بحضورك للمعهد ودخولك للاب ....
وأنا برأيي ودا مجرد رأيي الفيديوهات هادي شي للمراجعة أما المعهد شي مفتوح لأسئلتك وممكن تستفيد منه أكثر وأكثر لأن المدرب موجود علشان يجاوب على كل شي انت يخطر في بالك غير ان سياستهم تقدر تعيد الدورة كاملة خلال سنة ...
والتعاون معاهم موجود حتى بعد الدورة ...
وغير انك تتعرف على المدربين اللي بيساعدوك بعدين بحياتك العملية في البلد اللي تشتغل او حاب تشتغل فيه
انا أول وظيفة كانت عن طريق مدربي ...
يعني مهما حاولت تشوف وتدرس لوحدك مستحيل تاخد النتيجة نفسها من المعهد
لأنك في المعهد مو بس تفهم المادة
ومو بس تطبق عملي
تتعرف علة ناس في المجال نفسه
ممكن تحصل وظيفة ويتعرفو عليك أصحاب العمل
تعرف الطريقة الصحيحة للدراسة مستقبلا لوحدك
نسبة نجاحك ترتفع لأنهم يساعدوك أكثر
خبرة في أشياء مرتبطة في المادة بس مو من المنهج ( ودي انا فادتني كثير كنا نتناقش في أشياء نتورك بس برى سيسكو )
وغيرها نقاط كثيرة
بس الفيديو .... انت فهمت المادة وبس !
خلي بالك الدورات استثمار اكيد حتربح فيه ... فلا تبخل بالفلوس عليه احنا نصرف فلوسنا في أشياء تافهه ولمن نجي على الدراسة ندور على التوفير !
تقريبا كلام الاخ MAGA كله تمام
انا مااعرف شي عن معهد جده الدولي بس نصيحه اخويه لاتقرب من معهد نيوهورايزن والله بتروح فلوسك على الفاضي
الشروحات الي في المنتدى رائعه ورائعه جدا وممكن تكون بحد ذاتها كافيه بالاضافه للكتب
بس الاخ MAGA وضح امور ماشاء الله عليه تقدر تستفيد منها من خلال الدورات
لاتنسى تسأل عن الانستراكتور ومدى توصيله للمعلومه ومدى فهمه للماده
ربنا يوفقك وييسر لك الي فيه الخير
اللهم اغفر لي ولوالدي ولوالدتي ولجميع المؤمنين والمؤمنات والمسلمين والمسلمات الاحياء منهم والاموات ولمن له حق علي ومن اوصاني بالدعاء
اللهم اغفر لابي وأرحمه وأكرم نزله ووسع مدخله
كل شئ له فوائد وايجابيات وسلبيات
الدراسه بالمعهد اعتقد الاخ ميجا لخص فوائدها بشكل جيد
اذا بالرياض كان ممكن افيدك
بس جده الاخوه يفيدوك اكثر
[CENTER][SIZE=4]{[COLOR=red]وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ[/COLOR]}[/SIZE][SIZE=4]…[/SIZE][SIZE=6][SIZE=4](الأنفال:30)
[URL="https://www.facebook.com/pages/yasserauda/215036411882800"]للتواصل معي عبر الفيس بوك اضغط هنا
[/URL][URL="https://www.youtube.com/watch?v=37LoZWjv1HE&feature=player_profilepage"][/URL][URL="https://www.facebook.com/pages/yasserauda/215036411882800"] صفحتي الخاصه على الفيس بوك
[/URL][URL="https://www.facebook.com/pages/Mentored-Learning-New-Horizons-Dubai/234720379925819"]صفحة التعليم الارشادي على الفيس بوك
[/URL][URL="https://www.youtube.com/user/yasserramzyauda"]قناتي على اليوتيوب
[/URL][/SIZE][/SIZE][SIZE=3][URL="https://yasserauda.blogspot.com/"]مدونتي الخاصه[/URL][/SIZE][/CENTER]
جزاك الله خير
شكراا للأخوة في المنتدى على التفاعل والاجابة السريعة على الموضوع ..... وجزاكم الله عني خير الجزاء وفي انتظار المزيد من الردود حتى تعم الفائدة ,,,,,,,
خارج النص (والله يا أخ MEGA اثلجت صدري يااا راقي يااا راقي) .
لو انت بالرياض كان قلت لك روح لم معهد اباد خطير ورخيص
السلام عليكم ورحمة الله وبركاته
اناجربة معهد جدة في الجمجوم عام 2006 كان سياء جدآ فوق ماتصور لاسباب كثيرة مدرب يجي والثاني يروح تغير في المواعيد من دون انذار وبعدين المدرب محمد أبو لبدة ماعاد يدرب يشرف فقط واسامة ماكان يجي لضروف خاصةومعناه مابعدها معناه الدورة كانت اكاديمي مدة ستة شهور ولكن الدورة امتدادة الي اكثر من سنة وشهرين
وبعدين اناانصحك بان تسائل عن المدرب قبل الدورة من الطلاب الدارسين وتشوف لاتسئل عن المعهد
ولاكن انا انصحك بالتعليم الذاتي وانااشوف انو افضل بكثير من المعهد لاسباب كثيرة
وهو ناسب كثير من الاشخاص
وهذا رئي الخاص
المشاركة الأصلية كتبت بواسطة abotahar
انا على فكرة غلطت بالسنوات ... انا درست في المعهد في عام 2004 ....
وانا أتفق معاك على التأخير دورتنا طولت 9 شهور اعتذارات وتأجيل مننا ومن المدرب ...
بس على فكرة ابو لبدة ترك الـ JICC أظن انه الآن يدرب في معهد اسمه المعهد الكندي ....
وأسامة منلا فعلا عدت عليه ظروف جدا صعبة بس أظنها كانت خير عليه
صحيح ان المعاهد دي تطول عندها بس تستاهل التأخير معاها ولو طولت معاها صدقني انت حتطول اكثر لو تدرس لوحدك ...
لسه انا اقولك المعهد أفضل بمليون مرة عن الدراسة الذاتية بالنسبة لـ CCNA على الأقل.
السلام عليكم
اخي العزيز انا بقول لك تجربة
انا اخذت كورس CCNA بمبلغ خرافي في أفضل معهد بمدينة دبي ،،، هذا المعهد مشهوراً جدا لدرجة ان الشركات السعودية والخليجية الكبيرة ترسل موظفيها لها المعهد ليتلقوا التدريب فية
بإختصار وراي المتواضع ،، ضياع فلوس على الفاضي ،،، نعم والله
انا انصح وبمقاطع الفديوا صدقني مافي افضل منها ،،، وبالنسبة لموضوع الملل فهوا حاضر وبقوه داخل قاعة المحاضرة خاصه عندما يكون الكوريس مضغوط ولساعات طويلة الفرق الوحيد أو الميزة الوحيدة هي pause !!!
وانت في البيت تقدر توقف الفديوا لما تزهج وتقدر تراجع المنهج متى شئت !!
حقيقة نصيحتي ليك وفر فلوسك للامتحان ،، وادرس عن طريق النت نزل مقاطع الفديوا العربية والانقليزية ونزل لك PDF عن اوامر الراوتر المهمة وغيرها ،،،،،،،،
حتبقى لك مرجع والاهم ،،انك لما تمشي لمستوى متقدم راح تفكر نفس التفكير وراح توفر فلوس اكثر بإذن الله
اتمنا اني اكون افدتك
وتمنياتي لك بالتوفيق والنجاح
انا دائما احب الجمع بين الاقوال
ادرس في المعهد الي تراه الافضل في جده ...
وتفرج فدييوهات ..كتحضير للدورة ....وبعدين كمراجعه ...
انا جربتها ...
تخيل لو اليوم درس access list
فرق شاسع بين انك تروح الكلاس خلفيتك 0% ...
وبين ان يكون معك 30 -40 %
ضوابط المشاركة
المفضلات