المشاركة الأصلية كتبت بواسطة wael45
اللى بيفرق بوردة عن التانية اول حاجة ماركتها و طبعاً بوردات جيجابايت الافضل و معاها أسوس و msi كلهم صناعة تايوانى و شركات عريقة فى هذا المجال بلا شك
كمان لو هتقارن بين لوحات شركة جيجا بايت تقدر تميز بوردة عن التانية بحاجات كتير جداً ( بالرغم ان كلهم جودة كويسة ) لكن بتفرق بمميزات و خصائص و امكانيات كل لوحة
يعنى فيه لوحات بتدعم سوكيت LGA 775 و ده خاص بمعالجات انتل كور تو ديو ( ثنائى النواة ) و كور تو كواد ( رباعة النواة ) و معالجات ديوال كور و بنتيوم و سيليرون
اما البوردات الاعلى امكانيات و الاغلى سعراً حالياً بتدعم سوكيت أو مقبس 1156 او 1366 و ده خاص بمعالجات انتل الحديثة زى core i 7 و core i 5 و مينفعش يركب عليها معالجات الكور تو ديو و الكور تو كواد و الديوال كور القديمة .
كمان نقدر نميز بوردتين او اكثر من شركة جيجابايت ( مثلاً ) بمنافذ الرامات اللى موجودة فيها حالياً كل البوردات فيها 4 و 6 منافذ للرام و فيها خاصية الـ Dual Channel و كمان البوردات اللى بيركب عليها رامات من نوع ddr3 الحديثة تفرق عن البوردة اللى بيركب عليها رامات من نوع ddr2 غير اللى بتركب عليها رامات ddr1 ( زى بوردتى حالياً علشان قديمة شويتين )
كمان نقدر نميز بوردتين بوجود منافذ pci - e الخاصة بكارت الشاشة و pci الخاصة بكروت الصوت و الشبكة و الستالايت و هكذا من حيث عددهم يعنى بوردة يبقى فيها منفذ واحد لكارت الشاشة و بوردة فيها 2 ( الحديثة ) و بوردة فيها منفذين pci و تانية فيها 4 او 5 منافذ
كمان فيه بوردات بتدعم usb 2 و بوردات بتدعم usb 3 و دى احدث حاجة و طبعاً اسرع من اللى بتدعم usb 2 و بتفرق كمان من حيث عددهم يعنى بوردة بتدعم لغاية 8 منافذ للـ usb كحد اقصى و اخرى بتشيل لغاية 12 منفذ كحد اقصى و فيه بوردات قديمة بتشيل لغاية 4 منافذ فقط
كمان بيفرق بوردة عن التانية تدعمها لمنافذ الساتا و الداتا IDE يعنى بوردة بتدعم 6 منافذ للساتا فقط و اخرى بتدعم لغاية 8 منافذ لتوصيل الهاردات و الديفيدى رايتر و نفس الموضوع مع الداتا
كمان فيه بوردات بتدعم لغاية باص 1066 و اخرى بتدعم لغاية باص 1333 و اخرى قديمة بتدعم لغاية باص 800 و دى اقلهم و اقدمهم و طبعاً ده مسئول عن اداء المعالج و سرعته
كمان فيه لوحات معينة بها خاصية الكروس فاير لربط كارتين شاشة مع بعض من كروت ATI و نفس الموضوع خاصية sli مع كروت شركة نفيديا و بتبقى بوردات اغلى
و طبعاً زى ما قولنا فى اول الموضوع كل بوردة لها سوكيت معين لتركيب فئة معينة من المعالجات
و اللوحات اللى بتدعم معالجات انتل غير اللى بتدعم معالجات AMD خالص دى حاجة و دى حاجة تانية
الى جانب ان بعض اللوحات بيبقى فيها خصائص معينة تميزها عن اخرى زى المكثفات بتاعتها بتبقى افضل و اكثر صلابة من مكثفات بوردة تانية من نفس الشركة
المفضلات