طلب نصيحة بخصوص مشتت محترم و لكن ليس احترافى

[Don Khozzam]

السلام عليكم

كنت اود ان اعرف ما هو افضل مشتت فى مصر استطيع ان استخدمه لكسر معالجى الe7300 الى مثلا 3.2 و يظل بدرجة حراره آمنه (55-50) اثناء الضغط و خصوصا فى الصيف و على جهاز يعمل 24/7.

انا اعلم بأن الVendetta 2 هو افضل مشتت فى السوق المصرى حاليا لكنى لا ابحث عن مشتت احترافى كما ان كيستى الجامبو بالاساس مخنوقه باسلاك الباور سبلاى التى تشبه ارجل الاخطبوط و ليس هناك فرصه للحصول على كيسه اكبر فى اى وقت قريب..

عموما لقد قمت بتركيب 3 مراوح فى الكيسه الجامبو و مازال هناك مكانين سأركب فيهم قريبا ان شاء الله. (بعد تركيب ال3 مراوح اليوم قلت درجة حرارة المعالج ب10 درجات)

و شكرا.

[22tru22]

وبعد اذن صاحب الموضوع انا عندى بوسيسور 7500 وعاوز مشتت احترافى وجامد جدا يمكننى من كسر السرعة بشكل كبير

[Don Khozzam]

الظاهر ان الناس معجبهاش العربى الفصيح بتاعى .. خلاص هرجع للعامى تانى ..

ياريت حت يرد علينا ..

[Coolman4now]

- الظاهر أنك مقلتش عن ميزانيتك عشان كدة محدش رد عليك.

- معلومة جانية : الكيس الجامبو مش هيركب فيها الفنديتا أصلا.

[Don Khozzam]

مانا عارف, عشان كدا انا قلت محدش يفكر فيه ..

كمان هو المشتت المتوسط محتاج ميزانيه؟ ماهو غالبا هيكون ما بين 100-300 جنيه .. بس طبعا المهم انه ينفع يركب على البورده بتاعتى.

[alayoubi]

ماهو غالبا هيكون ما بين 100-300 جنيه ..

بهذا الميلغ تقدر تجيب مشتت احترافي

لكن انت لست بحاجة سوى لأي مشتت تجاري عادي ولو عندك بتاع P4 يبقى كويس وتقدر تزيد بيه تردد المعالج لـ 3200 وبسهولة وزيادة بسيطة بدجات الحرارة .

[Don Khozzam]

بالمشتت الحالى بتاع انتل .. درجة الحراره فى الخمول و بدون كسر سرعه 40 درجه و مع الضغط 53 درجه .. و عند الكسر الى 2.8 فقط فى الخمول بيكون 44 و عند الضغط بيوصل 56 درجه و عند الكسر الى 3.00 عند الضغط بيكون 61 ..

ددا و احنا فى الشتا .. امال بقى فى الصيف هيبقى عامل ازاى؟؟ هيولع .. ازاى اصلا فى الخمول و بدون كسر سرعه يكون فوق ال30!! و كمان فى الشتا..

انا عارف ان البروسيسور بتاعى يقدر يستحمل حتى ال70 درجه و لكن انا اصلا مش عاوز اخلى حرارته تعدى ال50 .. عشان كدا انا عاوز اجيب مشتت محترم مش تجارى..

[Cursed Pistol]

ممكن حضرتك تجيب ال Cooler Master Hyper TX2 انا شغال بيه و ممتاز .

[Don Khozzam]

طيب معلش هتعبك معايا حبتين كمان..

جبته منين و سعره كام لو سمحت؟

[elite gamer]

العزيز الايوبي كان يقصد مشتت p4 العادي ( الكبير في الحجم) وليس مشتت انتل
مادمت ستشتري مشتت فالافضل الاحترافي
عموما منتجات cooler master وصلت لمصر لكن محجوزة في الميناء :mad: (سبحان الله)
المفروص كان يكون من ضمن المنتجات hyper 212 plus الرائع
بحوالي 35 دولار يعني لما يزيد اوي هنا ممكن يكون ب230-250 جنيه
مراجعة للمشتت
مراجعة اخري من عرب هاردوير
بالنسبة للكيس فلازم تغيره ( مفيهاش كلام)

[Don Khozzam]

ماهو مشكلة المشتتات الاحترافيه انها كلها كبيره الحجم و مش هتركب على الكيسه ..

و المشكله التانيه انى مش هقدر اغير الكيسه خالص السنه دى .. لان الكيسه اللى فى دماغى ب1000+ و المبلغ دا مش هيتوفر معايا خالص السنه دى

[Cursed Pistol]

طيب معلش هتعبك معايا حبتين كمان..

جبته منين و سعره كام لو سمحت؟

انا جبته من HIGH END ب 200 بس الكلام ده من فتره..

دلوقتى مش عارف يعمل كام..

[Don Khozzam]

الف الف شكر.

[elite gamer]

ماهو مشكلة المشتتات الاحترافيه انها كلها كبيره الحجم و مش هتركب على الكيسه ..

و المشكله التانيه انى مش هقدر اغير الكيسه خالص السنه دى .. لان الكيسه اللى فى دماغى ب1000+ و المبلغ دا مش هيتوفر معايا خالص السنه دى

:D:D
بعد قلبل من البحث وجدت ان انه من الممكن تركيب المشتت في الكيسة
يمكنك التأكدمن ذلك عن طريق قياس عرض الكيس
وادي صورة للكيسة وبداخلها vendetta ocz

[Don Khozzam]

يامى على الرعب ههههههههههه

ماهو انا قست عرض الكيسه و هى تاخده لكن بدون تركيب مروحة الباب.. و دى حاليا المروحه الوحيده اللى بتدخل هوا للبروسيسور .. ممكن اقلب المروحه اللى فى المؤخره و اخليها ادخال بدل اخراج و اعتمد فى الاخراج على مروحة الباور سبلاى ال14 سنتى..

بس فعلا الباورات العاليه (اللى مش موديلر) سلوكها طويله بغباء .. هو مين يعنى عنده كيسه طولها معدى المتر!!

الفاتاليتى بتاعى بالعافيه قدرت ابعد السلوك اللى مش محتاجها و المها مع بعض بدون ما يلمسو اى مراوح ..