تأكد من path thermique
السلام عليكم ورحمة الله وبركاته
يا اخوان عندي مشكلة هي ان الكمبيوتر بيعمل ريستارت كتيير وفجأة ومن نفسه حتى لو بشتغل في حاجة او بتصفح النت
وعرفت ان المشكلة حرارة المعالج Processor و مسكته بايدي وعرفت ان سخن جداً ,لكن المروحة تشتغل وماتتوقف عن الدوران
وشفت البيوس لقيت درجة الحرارة 60 واااااااو
قمت فكيته وعملت تنظيف للمروحة و مكانها بفرشة صغيرة
و Processor نوع Intel Pentium 4
*** السؤال تفتكرو ايه المشكلة في الحرارة وايه الحل
تأكد من path thermique
شكراً يا اخ lmahmis
لكن ممكن اعرف ايه هو ده >>> path thermique
لانك بتتكلم لغة اكبر من عقلي ومن خبرتي وبتستخدم مفردات ما سمعتهاش خالص
لازم تعرف تكلم اللي زيي ماعندهمش خبرة في صيانة الهاردوير والسوفت وير
انا معرفش ابقى زيك بس انته تعرف تبقى زيي .. شكراً
أخى العزيز عبد الرحمن
لو ركبت المروحه لوحدها للأسف لن تكون لها أى فائده
البروسيسور فوقه المروحه .. تمام
بينهم الإثنين فقاعات هواء صغيره أوى
الهواء مش بيوصل الحراره ... أو موصل ردئ علشان أكون أكثر دقه
طب و إيه المشكله فى الكلام ده ...
البروسيسور هيسخن ... المفروض ان المشتت يسحب الحراره دى و يطردها
طب هيسحبها ازاى و الفقاعات الهوائيه موجوده ( ما احنا اتفقنا انها موصل ردئ للحراره )
فقاعات الهواء بين سطح المشتت ( المروحه ) و سطح المعالج لن تسمح بطرد الحراره من المعالج
عاوزين نلغى الفقاعات دى .. هنلغيها ازاى ؟
سنقوم بوضع ماده موصله للحراره بين المعالج و المشتت الحرارى
الماه دى إسمها يا باشمهندس Thermal Paste
او المعجون الحرارى
هتلاقيه فى أى محل كمبيوتر
و فيه منه أكياس سعر الواحد منها ربع جنيه
و فيه حقنه ( اه حقنه مش بهزر ) سعرها 3 جنيه , و هى أفضل طبعا ...
هتفتح الكيس أو الحقنه
و تفرغ محتوياتها على منتصف البروسيسور
و تقوم حاطط المروحه فوق البروسيسور ...
المروحه هتكبس على العجينه الموجوده على البروسيسور
و فى الحاله دى العجينه هتتوزع على سطح المعالج
و بعدها إن شاء الله لن تتجاوز الحراره 30 درجه فى البرد ده
جرب و إحنا معاك و لو فيه أى تطورات بلغنا
ربنا يوفقك
[CENTER]
[/CENTER]
شكراً يا أخ محمد
انا لما فكيت المعالج Processor لقيته متوسخ أوي والمروحة برضو
لكن بذكائي نظفت Processor من المعجون (اللي بقى بودرة من الزمن لان الكمبيوتر قديم)
وافتكرت ان الكمبيوتر بيشتغل بدون المعجون ده
بس احب اتأكد .. المروحة بتعمل على تبريد المعالج فقط ايه دخل الفقاعات والحاجات دي
متشكر أوي ...
لا شكر على واجبالمروحة بتعمل على تبريد المعالج فقط ايه دخل الفقاعات والحاجات دي
بص ...
المروحه مكونه من جزئين .. الجزء المعدنى ( نحاس أو ألومونيوم ) و المروحه البلاستيك
المروحه تضخ الهواء للجزء المعدنى اللى بيسحب سخونه البروسيسور و بينشرها بين شفراته
و طبعا المشتت النحاسى أفضل لأن النحاس بيسحب الحراره بسرعه ( يكتسبها ) و برضه بيسيبها بسرعه
طيب علشان يسحب المشتت الحراره من المعالج لازم شرط يتحقق .. ماهو ؟
الشرط ان سطح المعالج الساخن يكون ملتصق بسطح المشتت ... سليم ؟
المشكله ان سطح المعالج أصلا مش أملس بنسبه 100 %
ولا حتى سطح المشتت مستوى بنسبه 100 %
هناك تعرجات و تموجات و نتوءات و انحناءات لا تلحظها بعينيك
الأماكن الغير مستويه دى بتحبس بداخلها فقاعات الهواء الدقيقه أوى
و إحنا اتفقنا ان الهواء موصل ردئ للحراره ( بدليل ان لو فيه نار على بعد 50 سم من الانسان مش بيحس بيها )
إنما لو مسكنا قطعه نحاس مثلا من طرف و الطرف الثانى منها فى النار فأكيد حضرتك عارف النتيجه ؟
طيب دلوقت إحنا عاوزين نتخلص من الفقاعات اللى بتمنع المشتت انه يكتسب حراره البروسيسور .. نعمل ايه .؟
نقوم بوضع ماده تملأ هذه الفراغات المليئه بالفقاعات
و طبعا الماده دى لازم تكون موصل جيد للحراره ( علشان ما يبقاش لها نفس تأثير الهواء المانع لوصول الحراره )
علشان كده المعجون تركيبته هى أنسب حاجه للموضوع ده
خصوصا لما تعرف ان المعاجين الإحترافيه فيها نسب كبيره من مواد زى الفضه و غيرها
أنا جربت مره أشغل الجهاز من غير عجينه و كانت الحراره بشعه
حضرتك هتلاحظ تهنيج غريب فى الجهاز و سخونه غير طبيعيه بالمره
الحل انك تنظف أسفل المشتت و سطح المعالج بقماشه مبلله بالكحول ( ياريت يعنى و لو قماشه جافه عادى )
و تقوم باضافه المعجون و تعمل زى ما قلت لحضرتك فى ردى السابق و ان شاء الله تشوف أحلى نتيجه
و برضه ما تنساش تطمننا
[CENTER]
[/CENTER]
شكراً على المعلومات القيمة
واسمح اسألك اي حاجة بتصعب علي !!
طيب سؤال آخر بخصوص المعجون ده .!!
يعني البروسسور بيحتاج لاعادة وضع المعجون ده بين كل فترة والتانية مش كده
علشان المعجون بيجف وبيبقى زي البودرة
مش كده برضو ؟!!؟
يعني كل سنة تقدر تفك المبرد وتنظف المعجون القديم وتحط بداله واحد جديد
[CENTER][B][SIZE="4"][COLOR="SeaGreen"]سورية اقوى من فبركاتكم واعلامكم وتأمركم عندما تصلون لاقصى قمم حقدكم ستكتشفون انكم تحت قدميها[/COLOR][/SIZE][/B][/CENTER]
[CENTER][SIZE="3"][B][COLOR="Red"]شاهد عيان: رؤية فيل يطيروسط عاصفة مطرية دون ان يصيبه البلل[/COLOR][/B][/SIZE][/CENTER]
العفو أخى الكريمشكراً على المعلومات القيمة
واسمح اسألك اي حاجة بتصعب علي !!
طبعا لو عاوز تسأل عن اى حاجه هاسعد بالرد على استفساراتك فى نطاق معرفتى المتواضعه
و بخصوص فتره تغيير المعجون .. فالأخ شاكر تكرم بالرد
و لكن مع الأنواع الرديئه اللى عندنا أنا شخصيا بغيره كل 3 شهور مثلا
[CENTER]
[/CENTER]
+1 انا اقوم بتنظيف المراوح والمبردات وتغيير المعجون عند بداية اليصف المولعو لكن مع الأنواع الرديئه اللى عندنا أنا شخصيا بغيره كل 3 شهور مثلا
[CENTER][B][SIZE="4"][COLOR="SeaGreen"]سورية اقوى من فبركاتكم واعلامكم وتأمركم عندما تصلون لاقصى قمم حقدكم ستكتشفون انكم تحت قدميها[/COLOR][/SIZE][/B][/CENTER]
[CENTER][SIZE="3"][B][COLOR="Red"]شاهد عيان: رؤية فيل يطيروسط عاصفة مطرية دون ان يصيبه البلل[/COLOR][/B][/SIZE][/CENTER]
شكراً للاخوة "محمد الجوهري" وكمان "شاكر" على العلومات التفصيلية ..
وانا احاول اعمل فحص للمعجون كل 3 شهور او 4 بالكتير مثل الاخ محمد حفاظاً على سلامة البروسسور والمروحة
ولو لقيته كويس مش هغيره طبعاً
بالتوفيق
المفضلات