الســـلام عليكم و رحمة الله وبركاته

اعرض عليكم مشكلتى آملا فى ان اجد حلا لها
" لإن لو مالهاش حل كل خططتى هاتتدمر "

--------

قبل ما اقولكم المشكلة احب اعرفكم على جهازى
" بس توعدونى تكملوا الموضوع للنهاية "


My Gaming System

Intel Pentium 4, 3000 MHz, 800 MHz, 1M L2 Cache
الاول فى جيله وبلا فخر ,, حاجة كدا Prescott من اللى توفرلك انك تجيب بوتاجاز فى البيت

Gigabyte GA-8I848P
الثانية فى جيلها ( ماقابلتش حد اشترى الـ 865 , يمكن ع النت فقط ) ,,
مع ميزة انفرادية بعدم وجود built in lan , انتوا عاوزينها تبقى زى عامة البوردات ولا ايه

RC Memory 512 DDRam bus 400
بصرف النظر عن الموديل ! , وقتها حرصت انى اجيبها مسطرة واحدة على اساس ابقى اضيف رامات فى المستقبل
آه نسيت اعلّـق على الباص : الاول فى جيله

Power Supply
كنت عاوز اشرحهولكم لكن تقريبا دى كل مواصفاته , لإن الوات اكيد كتابة و ليس فعلى
و الموديل "Power Supply" , الشركة تقريبا ماكانش عندها وقت تسمى المحروس فـ سمته باسمه الحقيقى
نيــــــــــــجى بقى للجـــــــــــــــــــــــد
Ati Radeon 9700Pro
مش الاول فى جيله لإن كروت الشاشة مالهاش كبير ,, بس اعتقد انه كان الاول فى محافظتنا لشهور عديدة

اللى مايعرفش امكانيات الكارت ده يدخل : هنـــــــا
و لاحظ الـ comments اللى تحت صورة الوحش علشان تعرف قوته


-------------------------------------
المشــــــكـــــــــــلة

فى ظروف مأساوية , كنت بركب هارد على الجهاز عندى
توقف كارت الشاشة عن العمل ,, جربته على كذا باور صبلاى و على كذا بوردة لكن لا جديد !

الجهاز بيعطى صفارة :
sound : 1 long, 2 short beeps
معناه : Display adapter problem

انا عندى امل كبيــــر انه يكون عيب فى باور الكارت
ممكن مقاومة صغيرة أو موسفت ,, حاجة بسيطة و قابلة للاصلاح

المشكلة انى ماعرفش مين ممكن يكون بيصلح الحاجات دى ,, هل ليها ناس تصلحها فى مصرنا الحبيبة ؟؟
و خصوصا ان ضمانه خلص

الكارت دا يا شباب عزيـــز عليا جدا
يمكن هو دا اللى مخلينى متمسك بجهازى لحد الآن
لإنه كان بيشغل العاب كتير و كنت راضى
لذا اتمنى ان تفيدونى فى هذه النقطة

-----------------------------------
------------مشكــلة رقم 2 --------------


و علشان اشغل جهازى جبت كارت Ati 9200 اشتغل بيه لحد ما اشوف حل فى الكارت بتاعى

و كنت ناوى اقضيها على كارت الدش

لكن للأسف الصورة بتقطع على طول !!!

و دا ليـــــه ؟
علشان كارت الدش طالب كارت شاشة يكون بيدعم DX 9 دعم كامل
و الاستاذ طلع DX 8.1

طيــب اعمل ايه انا دلوقتى ؟؟؟
ولا العاب ولا كمان دش ؟

ماحدش عنده كارت شاشة DX9 يبدل معايا

افيـــــدونى يا شبااااااااااب