شاشة الموت الزرقاء .... ويندوز 7 !!!!

[احمد الاسكندر]

السلام عليكم ايها الاعضاء الكرام
انا عندي مشكلة انا لسة مغير المزر جبتها
msi g31
و البروسيسور بيشتغل ع كاش 2 ميجا
و الرامة 1 جيجة
و الفيجا تقريبا 512
و الهارد
sata 320 GB
من نوع ويستن ديجتال

المشكلة دلوقتي ان الشاشة الزرقاء (الي هي معروفة بشاشة الموت الزرقاء)بتطلع و بتختفي ع طول و الجهاز يرستر ؟؟

و مع العلم انا شغال ويندوز سفن 7
؟؟
ارجوكم افيدوني ما الحل ؟؟

وهل ارجع الجهاز للمهندس صاحب المحل ولا الحكاية مش مستاهلة ؟؟؟

ارجو الرد السريع عليا

لاني زعلان اوي


و شكرا في انتظار ردكم
تحياتي للجميع

[ابوالعدل]

يمكن المشكلة باتعاريف او في تعارض لقطع الكمبيوتر مع بعض

[event88]

الشاشة الزرقاء أغلب مشاكلها يا إما
التعريفات كما قال أخي أبو العدل
أو الفيروسات
وهنالك إحتمال ضئيل جدا جدا جدا من الرام

[ramy®]

عن تجربة غير مكان الرام وامسح التراب ال علي البردة

[Don Khozzam]

الشاشه الزرقا ليها عدة اسباب

1- الرامات بايظه
2- صطبت تعريف غير متوافق مع الجهاز
3- فايروس و لو انى استبعدها دى ..

بدايتا كدا ..

نزل الملف دا
https://www.memtest86.com/memtest86-3.5.iso.zip
.. ثم فك ضغطه .. و هتلاقى ملف ISO بداخله .. احرقه على اسطوانه (لو متعرفش ازاى قولى و انا اشرحلك) .. و بعدين دخله فى السى دى روم او الديفيدى مش فارقه .. و اعمل ريستارت .. و بعد ما الجهاز يحمل شويه و يظهر اللوجو بتاع الماذر بورد المفروض انه يدخل على الاسطوانه .. اختار standard test و سيبه .. لو بدأ يطلع ارورز يبقى الرامه اللى عندك بايظه ولازم تغيرها (خد بالك ان التيست دا ممكن يقعد اكتر من 6 ساعات .. بس عموما انت مش لازم تستناه 6 ساعات بحالهم .. انت استنى بس لحد ما يطلع ارورز كتيره و بعدين اقفل التيست..

و بعد كدا افصل الجهاز و شيل فيشة الباور صبلاى تماما .. و بعدين فك الرامه و ركبها فى مدخل تانى و اعمل التيست مره اخرى .. لو برضو طلع ارورز يبقى الرام 100% بايظه ان شاء الله


جرب كدا و لو ملقاش اى ارورز حط رد جديد و انا هقترح عليك طريقه تانيه للوصول للمشكله

[sami82]

قبل كل شيء عليك ان تتذكر متى بدأت الشاشة الزرقاء بالظهور
و اذا كانت البداية بعد ان غيرت اللوحة الرئيسية فقم بازالة الذواكر و اعادة تركيبها من جديد واذا لم تختفي المشكلة قم بتنزيل أحدث الدرايفرات من الانترنيت للوحة الرئيسية و أخيراً اذا بقيت المشكلة قم بتبديل اللوحة الرئيسية و أفضل أن تختار موديل آخر

[sword333]

اخي لتحليل مشكلتك يجب عليك ايقاف الرستارت اثناء حصول المشكلة .وذلك بالضغط بالزر الأيمن على سطح المكتب ثم خصائص ثم من القائمة الجانبية اختر خيارات متقدمة ثم اختر من الشاشة الظاهرة اخر خيار "الضبط" من الشاشة الظاهرة ازل علامة الصح عن اعادة التشغيل اتوماتيكيا. واثناء ظهور شاشة الموت يمكنك كتابة كود المشكلة والبحث بالجوجل وان شاء الله تعرف سبب المشكلة. والله الموفق

[turandoman]

مشكلتك في اختيار البروده المناسبه msi من وجهه نظري وسوري في الكلمه احقر بورده في التاريخ واحقر شركه نزلت بورد في العالم
وعن تجربه شخصيه في الشركه الي انا شغال فيها انا مهندس علي فكره تيكنيكال سبورت هارد وسوفت جميع البرود msi بلا استثناء ضربت وجابت شيبسيت وديما توقع سيستم انصحك تجيب جيجا بايت محترمه وموثوق فيها

[احمد الاسكندر]

متشكر اوووي يا شباب هي صح المشكلة طلعت مشكلة رامات الي عملي الجهاز غيري الرامة و شغالب تمام الحمد لله
شكرا لردودكم جميعا يا شباب