ما هو الفرق بين فتح الانوية وكسر السرعة

**mandoh2007** · 11-03-2010, 02:31

ما هو الفرق بين فتح الانوية وكسر السرعة

وهل كسر السرعة للبرسوسور البلاك اديشن فقط

**Coolman4now** · 11-03-2010, 02:37

- كسر السرعة : هو بأختصار جعل المكون وغالبا المعالج يعمل على سرعة أكبر من السرعة المفروضة له من المصنع ، مثلا بدلا من 2 جيجاهرتز يجعله المستخدم يعمل على 3 جيجاهرتز ، وينتج عن ذلك زيادة الحمل على ترانزيستورات المعالج فينتج حرارة أعلى.

- فتح الأنوية : قامت شركة أى أمدى بغلق بعد الأنوية فى معالجاتها الرباعية وبيعها على أنها ثنائية بسبب بعض الأعطال فى أحد الأنوية ، ومع تزايد الطلب على تلك المعالجات قامت بأغلاق بعد الأنوية عمدا وهى تعمل بشكل طبيعى وهى طريقة أسهل من اعادة انتاج المعالج من البداية ، وفتح الأنوية المغلقة يعتمد على حظك فى حصولك على معالج مغلقة الأنوية فيه عمدا وليس لعطل ما فيها.

- تقدر تراجع الموضوع فى توقيعى عن فتح الأنوية وتجارب الأعضاء اللى فتحت أنوية.

- كسر السرعة لكل المعالجات ولكن المعالجات البلاك أديشن تتميز بمعامل ضرب مفتوح عشان كدة كسر السرعة فيها بيكون أفضل.

- أتمنى اكون رديت على أسئلتك بالتفصيل ، ولو محتاج أى حاجة تانى أسأل.

**mandoh2007** · 11-03-2010, 02:57

اخى الحبيب اشكرك بداية على ردك الجميل

وانا تابعت موضوعك فى فتح الانوية وجربتة ونجحت العملية على برسوسور amd550 وبوردة جيجا بايت ولكن ما معنى

قامت شركة أى أمدى بغلق بعد الأنوية فى معالجاتها الرباعية وبيعها على أنها ثنائية بسبب بعض الأعطال فى أحد الأنوية

وهل البرسوسور 550 اللى عندى كان بة عطل ولا اية ارجو ان تفهمنى مع العلم انى فتحت الانوية واصبح رباعى

وايضا كيف اكسر السرعة وهل فى هذا ضرر على البرسوسور او البردة والبسوسور مش بلاك اديشن ومن احصل على المشتات للتبريد

وجزاك الله خيرا

**Coolman4now** · 11-03-2010, 03:03

- الشركة فى البداية كان لديها مخزون من البروسيسورات الرباعية اللى بايظ منه نواة واحدة واللى بايظ منه أتنين ، وطبعا كانوا بيتركنوا وبيسببوا خسارة للشركة.

- قامت الشركة عن قصد بتعطيل الأنوية المعطلة وأنتجت البروسيسور دة تحت مسمى أنه ثنائى النواة ( مع انه رابعى فى الأصل ) ودة عشان تستفيد بالبروسيسورات اللى عندها وتبيعها.

- زاد الطلب من المستخدمين على البروسيسورات دى ، والشركة معندها كمية كبيرة من الأعطال تلبى حاجة المستخدمين دول ، فقامت الشركة بتعطيل نواتين فى البروسيسورات السليمة اللى مفيهاش أى عيوب عشان تسد حاجة الناس على المعالجات دى.

- أكتشف بعض الناس بالصدفة الموضوع ، وقامت شركات أنتاج اللوحات الأم بأصدار نسخ من البايوس تمكن المستخدم من فتح الأنوية المعطلة عن قصد.

- أذا نجح المستخدم يكون لديه بروسيسور رباعى النواة ، وأن لم ينجح يبقى أشترى بروسيسور فيه مشكلة فى أحد الأنوية ونزل بالنواتين السلام فقط.

- الموضوع بيعتمد على الحظ بطريقة كبيرة وبعض المعرفة المبدئية منها أن البوردة لازم تكون بجسر جنوبى SB710 على الأقل عشان تفتح الأنوية.

**mandoh2007** · 11-03-2010, 03:14

جزاك الله خيرا طمنتنى

طلب اخير ومعلش انا تعبك معايا

كيف اكسر السرعة وهل فى هذا ضرر على البرسوسور او البردة والبسوسوراللى عندى مش بلاك اديشن ومن احصل على المشتات للتبريد

وجزاك الله خيرا