عندي مشكلة في الهارد الـ 640

[Mr_Mohamed]

السلام عليكم ورحمة الله وبركاته
بداية المشكلة اني جمعت جهاز بتاريخ 28/2/2010 وكانت مواصفاته
GA G41MT-ES2L
INTEL DUAL CORE2.6/2M CACHE
2GB KINGSTONE DDR3
WESTERN 640GB SATA GREEN
CASE OMEGA1+PSU 230W
DVD/WRITER SONY
وبعد اما شغلت الجهاز دا وقسمت وسطبت الويندز لقيت ان الجهاز بيعلق ويهنج كتير جدا اثناء تسطيب البرامج
او عند فك ملف مضغوط قولت اجرب ويندز 7 ممكن الاداء يتحسن لقيت برضه نفس المشكلة فقلت ان اللي بيحصل دا اكيد عيب صناعة في قطعة معينة رجعت الجهاز بالكامل بعد يومين من استخدامه واستبدلته بتجميعة اخري وهي

GA P41-ES3G
INTEL DUAL CORE 2.6/2M CACHE
NIVIDIA GEFORCE 9500GT 1GB DDR2
2GB KINGSTONE DDR2
WRITER SONY
CASE OMEGA
مجبتش مع التجميعة دي هارد لإني الفلوس عجزت معايا فقلت اشتغل بهارد صاحبي الـ 160 داتا
لحد اما اشتري هارد جديد جبت الهارد وركبته وسطبت ويندز وظبطت الدنيا والاداء كان عالي جدا والجهاز كان زي الفل بعديها بيومين او تلاتة ربنا كرم بفلوس رحت اشتريت هارد جديد 640 ساتا وبعد اما ركبته وقسمته
عادت نفس المشاكل اللي كانت بتحصل في التجميعة الاولي التعليق والتهنيج المتواصل للجهاز
جربت 4 نسخ اكس بي مختلفة ونسختين من ويندز 7 ونسخة فيستا ولاتزال المشكلة موجودة
الاغرب مافي الموضوع ظهور هذه الرسالة في برنامج PARTITON MAGIC 8.5 بعد تقسيم الهارد وعمل ريستارت



Partition table error #110 found
مع ان الهارد مقري تمام في كل البرامج الاخري وعلي الويندز ايضا
انا بصراحة والله قربت اتجنن ومش عارف حل لهذه المشكلة فأرجو من الخبراء مساعدتي في حل هذه المشكلة
وجزاكم الله عنا كل خير

[Coolman4now]

- فى كل المرات أنت قسمت بالبرنامج دة مش كدة ؟؟؟

- قسم من التسطيب بتاع ويندوز 7 نفسه ، وسيبك من ويندوز اكس بى خالص.

[Mr_Mohamed]

- فى كل المرات أنت قسمت بالبرنامج دة مش كدة ؟؟؟

- قسم من التسطيب بتاع ويندوز 7 نفسه ، وسيبك من ويندوز اكس بى خالص.

انا مش بقسم من عن طريق اي ويندز
انا بقسم باسطوانة الصيانة Hiren10

[اسامة جودة]

افضل طريقة تقسم بيها هى اسطوانات الويندوز

افضل بكتير من برتيشن ماجيك لانة ديما بيعمل مشاكل

جرب بس تشتغل باسطوانة الويندوز وهتشوف الفرق بنفسك

[Mr_Mohamed]

حاضر ياشباب انا هقسم بإسطوانة win7 مفيش مشاكل
بس سؤال بسيط هي ممكن تكون مشاكل الهارد وتعليقه وتهنيجه
زي مابيحصل عندي بسبب سوء التقسيم

[Coolman4now]

- زى ما قلتلك قبل كدة ، قسم من السطب بتاع الويندوز ومشاكلك هتتحل بأذن الله.

[Mr_Mohamed]

خلاص ياباشا جاري عمل اللي انت قولتلي عليه
هو كدا كدا الهارد فاضي وانا وراه واره ان شاء الله
طب ممكن شرح مبسط لطريقة التقسيم عن طريق ويندز 7
انا اول مرة هستخدم الطريقة دي

[النديم]

الأخ Mr_Mohamed،
1. إذا كانت الفقرة التالية عن مُجهز الطاقة المُستعمل في الجهاز الأول صحيحة، وإذا كنتَ قد إستعملته في الجهاز الثاني....

CASE OMEGA1+PSU 230W

فإعلم أن هذه القدرة غير كافية لجهازكَ، ويجب أن لاتقل عن 400 وات.
2. برنامج Partition Magic قديم العهد ولايستطيع التعامل مع أقراص صلبة بحجم قرصك. أنصحك بإستعمال Acronis Disk Director من قرص HBCD ذاته. أترك شرح التقسيم بقرص Win7 للأخوة الذين نصحوا بذلك، فأنا لا أفضله.
النديم

[Mr_Mohamed]

كل كلمات الشكر تعجز عن تقديركم
بجد ياجماعة جزاكم الله كل خير وفرتوا عليا كتير اوي بهذه النصائح الجميلة
الجهاز حاليا شغال تمام علي ويندز 7
والاداء فوق الممتاز الحمد لله
الف الف شكر ليكم مرة تانية
وربنا يزيدكم من علمه
آمين يارب

الأخ Mr_Mohamed،
1. إذا كانت الفقرة التالية عن مُجهز الطاقة المُستعمل في الجهاز الأول صحيحة، وإذا كنتَ قد إستعملته في الجهاز الثاني....
فإعلم أن هذه القدرة غير كافية لجهازكَ، ويجب أن لاتقل عن 400 وات.
2. برنامج Partition Magic قديم العهد ولايستطيع التعامل مع أقراص صلبة بحجم قرصك. أنصحك بإستعمال Acronis Disk Director من قرص HBCD ذاته. أترك شرح التقسيم بقرص Win7 للأخوة الذين نصحوا بذلك، فأنا لا أفضله.
النديم

مرحبا عزيزي النديم
هيا فعلا نفس مجهز الطاقة في التجميعة الاولي
وبالفعل انا وصيت علي باور 500 وات هيجيلي من الكويت بأمر الله خلال الشهر دا
لإني قريت في دليل الاستخدام الخاص بالكارت الشاشة
انه مطلوب علي الاقل مجهز طاقة بقدرة 350 وات
وليا ملحوظة بسيطة
هو انا ممكن اقدر اعرف قدرة مجهز الطاقة من خلال برنامج everest
ولك جزيل الشكر
تحياتي لك

[النديم]

الأخ Mr_Mohamed،
لا يظهر برنامج Everest أية قراءآت عن مجهز الطاقة، ولا أعرف أي برنامج يمكنه ذلك، لكن يمكن بشكل عام معرفة قدرة مجهز الطاقة من خلال البيانات التي تكتبها شركته المنتجة في ملصق عليه، حتى تلك البيانات لايمكن الوثوق بها بشكل قطعي، فقد عودتنا الشركات الصينية التي تصنع مجهزات الطاقة "التجارية" على إدراج قدرات معلنة غير حقيقية. يمكن الوثوق (لدرجة كبيرة) ببيانات قدرة مجهز الطاقة إذا كان الملصق عليه يحمل حرفيّ (RU) بشكل معكوس، كما في الصورة


النديم

[Mr_Mohamed]

ماهو انا عشان كدا محتاج برنامج يقري القدرة الفعلية لمزود الطاقة
عامة انا ان شاء الله وصيت علي واحد كويس يكون بقدرة 500 وات
وهشتغل باللي عندي لحد اول الشهر ان شاء الله
وياريت عزيزي النديم لو تكتبلي كام نوع من مزودات الطاقة
وجزاك الله كل خير
تحياتي لك

[النديم]

الأخ Mr_Mohamed،

لو تكتبلي كام نوع من مزودات الطاقة

ستجد عند زيارة قسم ملحقات الحاسوب وكمالياته في منتدانا مواداً جيدة تساعدكَ في طلبك.
النديم