(مصر) مازر 945 برويسسورD925

[TIMO1]

يوجد مازر بورد 945 فرى 4 بانك رامات https://www.gigabyte.com.tw/Products/...oductID=1906ده اللينك بتاعها ويوجد بروسيسور D925 Pentium D 925
• Clock Speed 3.0GHz
• Bus Speed 800 MHz
• L2 Cache Size 4 MB
• Thermal Power 95W
• Processor Socket 775 بالفانه بتاعته البيع انشاء الله يفضل لاتنين مع بعض علشان فى ميزه فى المازر دى فى الفيرجن دى بالزات انه معموله درجه تبريد للبريسسورات بوجه عام ممتاز يعنى فى الشتا البريسسور ده الى هو 3 كاش 4 ميجا كان بيعمل 25 درجه وفى الصيف 38/37 والبريسسور اكيد فى ناس كتير عارفه امكانياته ومع المازر متوافق جدا معاها فى الشغل ومش بيهيس حراره ولا بيهنج وسبب البيع انى جيبت جهاز ايه ام دى المطلوب انشاء الله فى الاتنين معا 450 جنيه قابل للنقاش التواصل على الخاص او ده رقمى 0115249959 او ل0197675841

[albooo]

استاذ تامر موفق في البيع وحرام تبيع البروسيسور دة بجد حاجات كفائة وانا شوفتها بعيني يا جماعة لما استاذ تامر كان بياخد كارت الفيجا بتاعي بجد الفانة مش بتشتغل لان درجة حرارة البروسيسور شفتها بعيني لا تتجازو ال 25 ودة اغرب شئ شوفتة انة في توافقية بين البورد وال بروسيسور كدة وكمان اداء ال 3 جيجا كاش 4 ميجا كان مماثل لاداء الديوال كور بعد مركبنا ال 4670 كان مشغل بيس تمام وتقريبا هوة نادر جدا في مصر وادائة ممتاز جدا في الالعاب والالعاب المكتبية وبالتوفيق وبجد هوة كدة سعر مقابل اداء خصوصا وان التلاتة جيجا كاش 2 ميجا محدش بيبيعة مش اقل من 190 الي 225 والماذر كمان ممتازة

[lordahmed511]

ارجو ارسال نهائي البورده عالخاص

[hany177]

ممكن نهائى العرض بالكامل على الخاص

[TIMO1]

تم الرد على الجميع على الخاص برجاء الى عايز فعلا العرض يكلمنى على الموبيل لو فعلا محتاج الحاجه او على الاقل يبعتلى رساله على الخاص مع احترامى للجميع مش عضو يستنى منى انى ابعتله النهائى وهو مش مهتم انه حتى يبعتلى على الخاص علشان مش هابعت لحد ولا هارد الا لو حد بعتلى ماسج على الخاص الاول والعرض مازال قائما

[hany177]

تم الرد على الجميع على الخاص برجاء الى عايز فعلا العرض يكلمنى على الموبيل لو فعلا محتاج الحاجه او على الاقل يبعتلى رساله على الخاص مع احترامى للجميع مش عضو يستنى منى انى ابعتله النهائى وهو مش مهتم انه حتى يبعتلى على الخاص علشان مش هابعت لحد ولا هارد الا لو حد بعتلى ماسج على الخاص الاول والعرض مازال قائما

حضرتك كاتب العرض على العام مش على الخاص
يعنى متاح للجمع
وكل عضو له الحق ان يبعت بالطريقه المناسبه ليه
وانت ليك الحق بالرد او عدم الرد
ده حاجه ترجعلك
بصراحه اسلوب غير مناسب للتعامل مع الاعضاء

[albooo]

اهدوا حبة يا جماعة استاذ تامر واستاذ هاني بصواا يا جماعة هوة الي عاوز الحق كالاتي ليس مجمالة لاني اعرف الاستاذ تامر بس اي عرض للبيع معروف انة الي بيرغب فية بيبعت رسالة علي الخاص ويكتب للبائع لديك رسالة دة اولا ودة من اداب طرق البيع والشراء هنا مش الفصال علي العام او تقيم الاسعار علي العام وان تاة الموضوع رسائل الخاص هي الطريقة الوحيدة للتواصل و التناقش من حيث السعر والمكان والمواصفات والخ لكن العام مش مكان الا للعرض وعلي الشاري التواصل مع صاحب السلعة عن طرق الاتصال المتاحة وان للمتاح ولا طريقة الا العام فيكون لا خيار الا هوة ولكن ان اتيح الموبايل او الاميل او الخاص بناء علي طلب البائع فيكون الاتصال من خلالهم ان عرضت منزل في جريدة ولم اترك تليفون فلا خيارامام المشتري سوا الاتصال بالجريدة للاستعلام ولكني ان تركت تليفون او طريقة فلاتجاة تكون لها وفي هذة الحالة يلغي الاول وهناك طرق عديدة يا استاذ هاني عرضت ومن حق البائع عدم التعامل الا بها والتنويه والتنبية علي ذللك ومن يرفض التعامل من خلالها اذن فهو لا يرغب في الشراء وشكرا

[TIMO1]

مشكور اخى الكريم امير وعلى فكره مش ملاحظ انك انت الوحيد الى اتكلمت وقلتى ابعتلى على الخاص وكل الاخوه الاعضاء كلمونى على الموبيل وبعتولى على الخاص انت الى شكلك جديد على المنتديات اخى الكريم واسلوبى مفيهوش عيب لو حضرتك مش معاك رصيد وتحب انا اكلمك علشان تشترى مفيش مشاكل ممكن تسيبه ده حتى الدقيقه ب 19 قرش والهدف من العرض وانى ببيع على المنتدى انى عايز اتعرف على ناس فى مجال الهاردوير محترمين زى الاستاز امير والاستاز محمود راجح مش انى ببيع ووخلاص والعضو الى مش هايحترمنى ويحترم عرضى مشكور ميتكلمشى على العام ولا الخاص

[محمد الجوهري]

السلام عليكم و رحمه الله و بركاته

صباح الخير عليكم جميعا (أ/ أمير , أ/ هانى , أ/ تامر )
ولا نقول مساء الخير ؟ :D

أولا أشكركم جميعا على الردود و التجاوب
و أحييكم على أدبكم فى الحوار و الحديث

و لكن

الراجل ما غلطش فى حاجه يا جماعه ....
كل اللى قاله :

ممكن نهائى العرض بالكامل على الخاص

يعنى لا فاصل و تناقش فى السعر على العام ,
ولا إستفز صاحب الموضوع بأى شكل من الأشكال

أ / أمير , إسمحلى أختلف مع حضرتك فى معظم كلامك
يا سيدى الفاضل , جوله واحده فى قسم البيع و الشراء تكفيك لمعرفه طريقه البيع و الشراء هنا
الموضوع يتعمل و فيه كل التفاصيل ( حتى لو فيه موبايل أو ميل ) , الاشخاص اللى عاوزين يشترو السلعه
بيسألو عن سعرها على العام و بعدها بيتفضل صاحب الموضوع و يبعث لكل واحد فيهم رساله
خاصه فيها الإجابه عن استفسارهم
و بعدين مين قال ان استاذ هانى فاصل فى السعر , أم قيم الأسعار على العام ؟
الراجل ما قالش الا جمله واحده اللى انا اقتبستها فوق

كمان ليا تعليق على الخط الى حضراتكم بتكتبو بيه
أكبر خط مسموح به هو 3

حتى الدقيقه ب 19 قرش

برضـــــــو ؟؟

عموما حصل خير
و ياريت يتقفل باب النقاش فى الموضوع ده و نركز فى العرض و سير عمليه البيع
انا طبعا ممكن أحذف الردود أو أقفل الموضوع مؤقتا , بس أنا مش هأعمل كده لأن حواركم
مع بعض كان محاظ بجو من الإحترام و لم يحدث به أى تجاوزات
و أرجو ألا يتكرر الأمر مره أخرى ....

موّفق فى البيع أستاذ تامر , و نحن أيضا نتشرف بمعرفتك

[TIMO1]

والله يا استاز محمد حضرتك فى نقطه غايبه عنك انه انا فعلا رديت عليه على الخاص وبعتله النهائى وانا مش بيفرق معايا نقطه السعر على الخاص او العام او الفصال كل الموضوع انى زى ما قلت المفروض لو حد فعلا محتاج العرض هايبدى اهتمام انه يبعتلى على الخاص او يكلمنى على الموبيل ده لو محتاج فعلا العرض انما حضرتك مشرف واكيد برده بائع ومدرك انه مش كله بيشترى والى بيشترى بيبقى جاد وعايز ينجز لو فعلا محتاج الحاجه واستاز هانى كلمنى على الخاص وانا بعتله النهائى وحضرتك ممكن كمشرف تشوف الرسايل الى بعتهالى على الخاص وانا رديت قلت ايه وبعدت ماردتله على الخاص لقيته كاتب الرد بتاعه ده مش عارف ليه وانا زى ما انا ببيع دلوقتى انا برده بشترى من الاعضاء هنا منهم محمود راجح وامير وغيرهم من الاخوه الافاضل وامير انا بعتله صور من الخاص ان ازاى انا ارد عليه على الخاص وهو قام عامل كده ولا ضرر ولا ضرار مشكور اخى الفاضل ولو موضع 19 قرش ده مزعلك بعد الدقيقه الاولى فى فودافون ب10 قروش

[محمد الجوهري]

ولو موضع 19 قرش ده مزعلك بعد الدقيقه الاولى فى فودافون ب10 قرو

:D:D:D

آه كان مزعلنى جداً
و دلوقت انت زعلتنى أكتر و أكتر ....


















علشان أنا إتصالات :ah7: :D :p

طالما حضرتك أرسلت له على الخاص يبقى كده مفيش مشاكل
المهم ان حضرتك تجاوبت معه , و يمكن يل سيدى هو نسى و سأل هنا زياده
جل من لا يسهو يا مستر تامر

المهم ان حصل خير الحمد لله
و فعلا انا متفق معاك ان مش كل اللى بيسأل بيشترى
و للمره الثانيه أسأل الله لك التوفيق فى البيع
و تشرفت بالحديث معك

[TIMO1]

للرفع مازال العرض ساريا

[صقرقريش]

ممكن النهائى انا جاااد فى الشراء

[صقرقريش]

والبوردة بالمشتملات ولا اية

[TIMO1]

تم الرد على الخاص والبورده معاها الراك الخلفى فقط والى عايز ممكن انسخله دريفر التعريفات