وش رايكم بـ samsung CD_RW 40x12x40x

**DDesigns** · 25-10-2002, 22:29

السلام عليكم

لقد قمت برد عليك في الموضوع الاخر.

وايضا اخي العزيز انصحك بان تأخذ DVD-ROM وان لا تظل على سواقه واحده وهي رايتر حيث انك سوف تفقط الكثير من المزايا وايضا عدسه الرايتر قويه جدا جدا وكثره استعمالها مع نفس السيدي تقوم باتلافه قليلا وهذا على حسب كلام الخبراء في مجال السواقات .

بالاضافه لا يصلح انك تستخدم الرايتر في الالعاب التي تنسخها انت لانك سوف تضطر انك تركب برنامج CloneCD والسبب هو :

هناك شيء يسمى ATIP وهو الجزء الموجود في السيدي الفاضي ويكون مخزن فيه المعلومات الكامله عن السيدي من نوعه وماركته وحجمه وسرعته وغيره من المعلومات.

فا DVD-ROM لا يستطيع ان يقراء ATIP لذلك تجده لا يقراء السيديات الفاضيه اما الرايتر فا يستطيع.

خلاصه الكلام : ان الالعاب المحميه تقوم بالتشيك والتاكد من ATIP الموجوده في السيدي فا اذا وجدها مختلفه عن السيدي الاصلي لن تشتغل اللعبه.

يعني لما تشغلها على DVD-ROM فا سوف تشتغل لان الدي في دي لا يستطيع قراءه ATIP لذلك سوف تشتغل اللعبه.

اما الرايتر فهو يقراء فا سوف تتعرف الحمايه ان السيدي منسوخ وانه سيدي من ماركه كذا وكذا ..... الخ ولن تشتغل اللعبه.

وسوف تضطر ان تركب برنامج CloneCD لكي يقوم بعمل Disable حق ATIP لكي يصبح الرايتر لا يقراءها لكي تشتغل اللعبه.

طبعا الظاهر ان الكلام معقد وايد بس انت براحتك اشتر الرايتر ومتى ما بغي تشتري دي في دي تكون ماعندك مشاكل..

بالتوفيق...........

**Fx7** · 26-10-2002, 13:20

مشكورين يا شباب
رحت ICC حصلته عندهم 250 وأنا معزم عليه
بس ياليت تكتبوت المواصفات الي يتميز فبها علشان نستفيد منها

وبا أني جديد على عالم النسخ وش البرامج الي أحتاجها للنسخ بجميع أنواعه.

وإذا أمكن لنكات البرامج أكون ممنون.
:D :D

:D :D

100%

**mr_vip2002** · 26-10-2002, 13:29

السلام عليكم

انا عارف اني مزعجكم

بس عندي زيادة على اخوي fx

انا ابي رايتر عادي يعني ما ابيه لنسخ الاسطوانات المحمية لأني شفتكم تمدحون lite-on علشانه ينسج السديايت المحمية صراحة انا عاجبني memorex لأني لقيته في معرض الظهران بسعر رخيص

لقيته 24x12x32x ب 220 ريال و 32x ب 260 ريال 40x ب 350 ريال

و والتياك شنو مشاكله لأنه انا ما سمعته عنه اي شي وصراحة اشوف انه احسن من lite-on بس فرق في السعر شوي

**DDesigns** · 26-10-2002, 19:15

السلام عليكم

اخي العزيز نحن لا نأخذ LiteON فقط لانه ينسخ السيديات المحميه ولكن جودته افل بكثير من البقيه العادين وهو افضل من Memorex بكثير وخصوصا في الجوده والمميزات والمواصفات.

شركه LiteON اخذت المرزك الثاني في اكبر مبيعات في جانب السواقات سواء رايتر او دي في دي.

وايض اخي العزيز لا تغتر في الشكل الخارجي او اسم الماركه.

وخذ مثال فا LiteON شكله الخارجي قبيــــح بمعنى الكلمه ولكن اداءه غير معقول.

وبالنسبه للـ TEAC فهو رائع جدا جدا وافضل من LiteON في الجوده فهو قريب من جوده Plextor ولكن اذا استطعت ان توفر مبلغ TEAC وايضا لا تهمك نسخ الحمايات ( الحديثه جدا ) فا لا تتردد في شراءه.

وشكرا...........

**Abo Raneem** · 26-10-2002, 21:25

عزيزي ديزاين
بالنسبه للتياك ....انا رحت ابراج الدوسري وسألت عن التياك ولقيت خلال تجوالي في السوق نوعين
الاول علبته كبيره ولونها احمر وابيض تقريبا وسعره 470 تقريبا
والثاني علبته اصغر شوي ولون علبته برتقالي وسعره 400 ريال
وكلهم سرعتهم وحده 40x12x48x
فأيش الفرق بينهم لاني سألت اللي يشتغلون في المحلات وحسيت ان ما عندهم سالفه
واحد يقول واحد اصلي والثاني تجاري والمحل اللي بعده يقول تياك مافي شي اسمه اصلي وتجاري بس هذا نزل اول وهذا نزل بعده والمحل اللي بعده يقول كلها نفس الشي ما في فرق
فهل لديك اي فكره عن الفرق بين الجهازين

سؤال طاير : ديزاين في اي محل القى LiteON 48x12x48x في ابراج الدوسري؟؟؟

شكريا..:D

**DDesigns** · 27-10-2002, 02:17

السلام عليكم

نعم الاثنان نفس الشيء والاثنان اصليين ولكن الفرق هو ان واحد يجي معاه برنامج NERO وهو الرخيص والثاني يجي معاه برنمج CD Creator.

وانا افضل انك تأخذ اللي يجي معاه نيرو لان نيرو افضل بكثير.

وبالنسبه LiteON تحصله عند الدوليه في الطابق الثاني وهو الوكيل حقهم.

**Abo Raneem** · 27-10-2002, 02:48

اشكر لك ردك عزيزي ديزاين

اذا هذا الفرق بس على كذا اشتري الرخيص ومن النت انزل البرنامج اللي ابغاه لان النيرو والسيدي كريتور موجودين في صفحات الرامج

صح ولا لأ؟؟ ولا تفرق اللي تجي مع الرايتر

وسؤال على الطاير لو بأبيع الدرايف اللي عندي كم يسوى تقريبا يعني
مدري ايش نوعه مو مكتوب عليه كل اللي مكتوب عليه من بره CD-RW في نص الباب
والسرعه عن طريق خصائص الجهاز مكتوب هناك IDE-CD R/RW 8X 4X 32X

لان فيه واحد قال بيشتريه بـ 180 ريال تقريبا

**DDesigns** · 27-10-2002, 14:18

السلام عليكم

بالنسبه لبرامح اللي تجي معاه ما تفرق نهائيا فقط انها مسجله وفيها رقم تسجيل وهذا تستطيع ان تأخذه من مواقع الكراكات.

والله اذا جاب لك 180 بيعه وانت مغمض لان الصراحه سعر حلو حيــــــــــل

**Abo Raneem** · 28-10-2002, 13:02

:D :D :D :D :D :D :D
ابشرك بعته بـــ 200 ريال اليوم الصباح وبعد شوي العصر بروح اشتري ياالــ Teac يا الــ LiteOn

:D :D :D :D :D :D :D

ابغى سعر التياك النهائي لأني كلمت اليوم الدوليه اللي في مجمع الدوسري وقالو لي بـ 360 ريال والسوق يقولو بـ 400 الى 440 ( العلبه البرتقاليه ) فأيش سعره النهائي عشان لا رحت اشتري كاسرت معاه اللين وصلته لسعره.....؟

نفس الحركه صارت لي مع الــ lite on رحت لأكثر من محل واغلبهم يقول بـ 300 ريال ولو ما اعرف السعر كان غشوني اللي طحت في واحد في مجمع الخليج وقالي بـ 320 وصرخت فيه اقوله ليش سعر السوق 250 وانت تقول 320 حرامي انت قام قالي خذه بـ 250 خلاص مافي زعلان بابا:p :p
قلتله بأخذ لفه وارجع لك والفه هي الفه الى يومك...:D

شوووووووووووووووووفووووووووووولي سعر التياااااااااااااااااااك ارجوووووووووووووووكم

**DDesigns** · 28-10-2002, 14:06

السلام عليكم

والله تعجبني انك قدرت تاخذه بـ 250 ريال هههههههه بس تصدق بيني وبينك انا احس بعد كل هذا واظن انه في غش ههههههه لان الصراحه 250 ريال هي سعر الوكيل حق الديلير او المحلات اللي ياخذون منه بالجمله اما الشخص العاي فهو 260 ريال..... يعني هو باعه لك برأس ماله غريــــــــــب اكيد انه ارخص من كذا وحنا ما ندري.

على العموم بالنسبه للتياك فا ماعندي اي فكره في سعره ولكن ارخص شيء سمعته هو 350 ريال بس اكيد فيه اقل من كذا.

بس لا تنسى تقول لي بكم شريته بآخر سعر علشان اخذ فكره بالاسعار هههههههه

**Fx7** · 06-11-2002, 10:44

أول شي رمضان كريم

وأقول أنا حصلت التياك بعلبتيه ب 335 في بعض المحلات في مجمع الحصن وتحصله ب 300 عند Icc بس بدون علبه يعني بكيس.
وعند Icc ليتون 48x ب300

أتمنى اكون قد افتك .

**mr_vip2002** · 08-11-2002, 02:22

سلام عليكم

انا لقيت رايتر سعره عجبني مرة طبعا هو memorix لقيته عند الميره بسعر رخيييييييصصصصص

فابغى اعرف مواصفاته اللله يرحم والديك يا ديسيجن
اعرف اني ازعجتك بس نبي نستفيد من خبرتك

اللي عجبني هو 24x10x40x

**mr_vip2002** · 08-11-2002, 02:27

سلام عليكم

انا لقيت رايتر سعره عجبني مرة طبعا هو memorix لقيته عند الميره بسعر رخيييييييصصصصص

فابغى اعرف مواصفاته اللله يرحم والديك يا ديسيجن
اعرف اني ازعجتك بس نبي نستفيد من خبرتك

اللي عجبني هو 24x10x40x

**DDesigns** · 08-11-2002, 03:19

السلام عليكم

اخي VIP بكم لقيته نريد السعر لكي نرى اذا ماكان رخيص ام لا وهل يستاهل السعر او لا.

عموما هو رايتر متوسط الجوده.

**mr_vip2002** · 09-11-2002, 11:11

شوف ياعزيزي انا لقيته 160 ريال عند الميره بالدوسري
وانا شرت خلاص بس ابيك الله يسلمك تعطيني مميزاته ومواصفاته

طبعاً هو 24x10x40x

ولا تفشلنا الله يرحم والديك