كارت sapphire 480 فيه short circuit

**marwa81** · 22-07-2018, 21:42

السلام عليكم

عندي مشكلة في كارت sapphire rx 480 8 giga .. الكارت كان شغال عادي بعدين الجهاز فصل لوحده بليل .. لما بحاول اشغله مفيش اي حاجة في الجهاز بتشتغل او تنور ولا المراوح بتتحرك بس بيحصل تكة بسيطة من الباور سبلاي ولما بفك الفيجا الجهاز بيشتغل طبيعي جدا من غيرها .. فأعتقد ان فيه قفلة short circuit من كارت الفيجا .. حد يقدر يقولي ازاي اقدر اصلح الكارت وهل في مكان مضمون لتصليحه في اسكندرية .. الكارت كان وارد الخارج وملوش ضمان في مصر

وشكرا جزيلا مقدما

**abdalhaliem** · 22-07-2018, 21:59

ماهو نوع الباور لديك تحديداا

عليك أولاا تجربه الكارت

على جهاز أخر غير جهازك يكون به باور معتمد

********************

والأماكن كثيره بالأسكندريه

لكن حفاظاا على الكارت

أنصحك بأرساله لى توكيل ميترا

وأخبرهم أنك ستقوم بالتصليح على حسابك الخاص

كافه التفاصيك من عناوين وتليفون وخلافه

من هنا

بالتوفيق

**marwa81** · 22-07-2018, 22:42

نوع البور FSP 850W 80GOLD الباور اصلي ومعتمد وشغال كويس من غير مشاكل وفيه حماية من ال short circuit عشان كدة بيفصل لما بوصل الفيجا .. بس مفيش جهاز تاني موجود اجرب عليه
هل توكيل مترا مضمون ؟
شكرا لرد حضرتك

**abdalhaliem** · 23-07-2018, 03:09

بالتأكيد مضمون ولكنه مكلف قليلاا

بالتوفيق

**marwa81** · 23-07-2018, 16:57

توكيل مترا بيقولوا انهم مش بيصلحوا اي حاجة خارج الضمان .. هل في اي اماكن اخرى مقترحة ؟

**whiteknights** · 23-07-2018, 17:38

طب جرب أولا تغير ال PCI-E connectors الواصلين من الباور للكارت او تبدلهم.. جرب تعيد تركيب الكارت من جديد و إتأكد من تنظيم الأسلاك.. حصل معايا شىء مشابه عند تركيب باورصبلاى جديد الجهاز مكنش بيشتغل نهائى بوجود الكارت..
جربت اعادة تركيبه مع تنظيم الأسلاك و إعادة تركيب ال PCI-E connectors اشتغل.

**marwa81** · 23-07-2018, 18:03

جربت فك الكارت وتنضيفه وتركيبه كذا مرة ومفيش فايدة وغيرت مخرج ال

PCI-E connectors في البور سبلاي من غير نتيجة .. الجهاز يشتغل ويقوم لكن لما اركب الكارت واوصل وصلات PCI-E connectors الباور يعمل تكة صغيرة وميقومش خالص لمدة 5 دقايق بعدها حتى لو فكيت الكارت وده حسب معلوماتي بسبب دايرة الحماية من قفلة ال short circuit .. هل في اماكن صيانة مضمونة تاني غير مترا عشان بيقولوا مش بيصلحوا غير الكروت الي في الضمان؟

**abdalhaliem** · 24-07-2018, 10:36

غريبه ؟؟؟؟

دائما مايقومون بالتصليح بمقابل مادى

فهم المستفيدون

بصراحه الفنيون متواجدون بكثره بسموحه

وبأماكن مختلفه

لكنى لاأعرف أحداا متأكداا منه

وذلك بالنسبه لكروت الشاشه على وجه الخصوص

حيث أنها حساسه جداا

ولابد أن تنتقى من تضع الكارت بين أيديه

حاول عن طريق محل بيع هاردوير

أن يقوم بأرسال الكارت لميترا عن طريقه

بالتوفيق