Tedata VS Link

[ahmedfikry]

السلام عليكم ورحمه الله وبركاته

اعضاء منتدانا الكرام كتبت هذا الموضوع لتوضيح الفرق بين شركات الانترنت وعلى رأسهم تى داتا ولينك دوت نت وسوء الفهم بين الناس
وحكى لكم تجاربى مع الشركتين

أولا شركة Tedata :
عايز اوضح سوء الفهم اللى الناس كلها فاكرة ان 70% مشتركين فى تى داتا الحقيقه ان تى داتا بتمتلك 70% من حصه الانترنت فى مصر وليست موصله ل70% من المشتركين بمعنى ان الكابل البحرى لو سعته 1000 ميجا تى داتا بتمتلك 700 ميجا توزعهم وليست 70% من الناس مشتركين فى تى داتا

انا كنت مشترك مع تى داتا اكثر من سنه وكانت شغاله تمام مش بتقطع والمرة اللى قطعت فيها فضلت قاعد 10 ايام علشان يصلحو العطل والمشكله كمان ان الدعم الفنى كل ماتتصل بيه يقولك بنعمل تحديث للبيانات كلمنا كمان شويه وبعد كدا العطل اتصلح بعد عشر ايام فوجئت بأن مكتوب فى الراوتر السرعة 512 مع انى مشترك فى خط 2 ميجا اتصلت بيهم تانى ويفضلو سايبينك على التليفون اكتر من نص ساعة المهم السرعة ماوصلتش 2048 السرعة كانت 1850 يعنى ال2 ميجا مش واصله كامله ويتحججو ان العيب من سلك التليفون بتاعك مع انها كانت 2048 بنفس سلك التليفون المهم روحت مكانسل الاشتراك واشتركت فى لينك دوت نت

ثانيا شركة Link :
كنت بسمع ان لينك اسرع من تى داتا ماكنتش بصدق لأنى معتقد ان تى داتا احسن شركة فى مصر وفوجئت بأن واحد صاحبى مشترك فى لينك خط 2 ميجا السرعة فى الراوتر 2356 وانا مشترك فى تى داتا خط 2 ميجا السرعة فى الروتر 1850 !!!!
روحت مكانسل ومشترك فى لينك على طووول

ملحوظة :
تى داتا جيدة فى بعض السنترالات وسيئه فى سنترالات اخرى
وأيضا لينك جيدة فى بعض السنترالات و سيئه فى سنترالات اخرى
نصيحه قبل ماتشترك شوف حد صاحبك معاك فى نفس المنطقة وشوف عندة الخدمة عامله ازاى قبل ماتشترك وعلى هذا الاساس حدد هتشترك فى اى شركة
أسف على الاطاله وياريت اعضاء المنتدى الكرام يقولو رأيهم فى شركات الانترنت وتجاربهم مع ذكر اسم السنترال لتعم الفائدة

[Bahaa.m]

السلام عليكم ورحمة الله وبركاته

اظن انه من يسوء سمعة اي شركة هم الوكلاء او الموزعيين

90% من حالات عدم الرضا عن خط الانترنت سببها طمع الموزع

[the witcher]

ويفضلو سايبينك على التليفون اكتر من نص ساعة المهم السرعة ماوصلتش 2048 السرعة كانت 1850 يعنى ال2 ميجا مش واصله كامله ويتحججو ان العيب من سلك التليفون بتاعك مع انها كانت 2048 بنفس سلك التليفون المهم روحت مكانسل الاشتراك واشتركت فى لينك دوت نت

الموضوع ده غالباً من سلك النليفون فعلاً . بس مش سلك التليفون اللى واصل عندك لحد الشقة ، العيب فى كابل التليفون اللى ماشى من السنترال لحد البيت. ممكن يكون عليه noise زيادة و عشان كده الراوتر بيضطر يقلل السرعة
تغيير البورت اللى واصل عليه خط التليفون عندك فى السنترال يحل المشكلة

السلام عليكم ورحمة الله وبركاته

اظن انه من يسوء سمعة اي شركة هم الوكلاء او الموزعيين

90% من حالات عدم الرضا عن خط الانترنت سببها طمع الموزع

اتفق معاك. السبب التانى هو الضغط فى السنترالات . فيه سنترالات بيبقى فيها كمية مشتركين كتير وهو ده اللى بيأثر على السرعة

[ZEX]

مشكووور اخى على الموضوع و كما قلت الاساس هو السنترال

[ZEX]

[QUOTE=the witcher;1302245]الموضوع ده غالباً من سلك النليفون فعلاً . بس مش سلك التليفون اللى واصل عندك لحد الشقة ، العيب فى كابل التليفون اللى ماشى من السنترال لحد البيت. ممكن يكون عليه noise زيادة و عشان كده الراوتر بيضطر يقلل السرعة
تغيير البورت اللى واصل عليه خط التليفون عندك فى السنترال يحل المشكلة

طب ممكن اعرف ازاى اغير البورت الى مركب علية :err::err:

[Mithrandir]

ما علاقة الموزع في سوء الخدمة؟
الموزع مجرد وسيط بين الشركة والعميل. ليس له أي تدخل فني.

[samwar]

[QUOTE=ZEX;1302249]

الموضوع ده غالباً من سلك النليفون فعلاً . بس مش سلك التليفون اللى واصل عندك لحد الشقة ، العيب فى كابل التليفون اللى ماشى من السنترال لحد البيت. ممكن يكون عليه noise زيادة و عشان كده الراوتر بيضطر يقلل السرعة
تغيير البورت اللى واصل عليه خط التليفون عندك فى السنترال يحل المشكلة

طب ممكن اعرف ازاى اغير البورت الى مركب علية :err::err:

انا حصلتي مشكله في الانترنت قبل كده كل اللى عملته هو الاتى

عملت ping و بعت الريبورت اللى طلع للـ support بتاع تي اي داتا

لقيتهم تاني يوم واحد بيكلمني من السنترال

و قالي احنا بنغيرلك البورت اللى انت عليه دلوقتي

و المشكله اللى كانت موجود اتحلت !!!

الكلام دا في TEData مجربتش حد تاني !!!

[Mithrandir]

[QUOTE=samwar;1302368]

انا حصلتي مشكله في الانترنت قبل كده كل اللى عملته هو الاتى

عملت ping و بعت الريبورت اللى طلع للـ support بتاع تي اي داتا

لقيتهم تاني يوم واحد بيكلمني من السنترال

و قالي احنا بنغيرلك البورت اللى انت عليه دلوقتي

و المشكله اللى كانت موجود اتحلت !!!

الكلام دا في TEData مجربتش حد تاني !!!

كان هذا في الماضي حينما لم تكن هناك مشكلة عامة.

[ahmedfikry]

اولا : احب اشكر الجمع الجميل اللى شرفنى فى الموضوع بالردود و المشاركات الجميله

اما بخصوص السرعه اللى قلت فى يوم و ليله بقدرة قادر فده مش من خط التليفون لانها الاول ما كانتش كده على نفس خط التليفون و لا ايه :D


ثانيا : احب اقول حقيقه و هى انى لا موزع و لا وكيل بالعكس انا مستخدم للانترنت زيكو تمام بس انا حبيت انى احكى تجربتى حتى يستفيد منها الاعضاء اللى موجودين معانا فى المنتدى


ثالثا :انا يا جماعه طالب من الاخوه الافاضل ان كل واحد يحكى قصته مع شركة الانترنت اللى مشترك معاها و السنترال اللى هو تبعه علشان الفايده تعم و الجميع يستفيد و اكرر شكرى مره اخرى للاخوه الاعضاء.

[ZEX]

احب اقول انى مشترك فى TE-DATA سنترال دكرنس مشترك فى خط 2 ميجا لوحدى يعنى خاص
و بدفع اشتراك رابيدشير شهريا يعنى بدفع كل شهر حوالى 300 جنية للنت
السرعة فى فترة 4 او 5 سعات الفجر السرعة بتبقى من 150 : 220 كيلو
بقيت اليوم 30 : 70 كيلو حسب الوقت .

[hosine_eg]

انا مشترك تبع سنترال حى غرب المنصورة وتى اى داتا بتعمل حاجه اسمها بندودث شيرنج بيبقى البنج عالى اوقات الذروة وقليل الفجر بالتالى السرعه تجيلك كامله بعد الفجر اما من بعد الظهر كده اجارك الله انا عندى سرعه 512 باعمل دون لود على 10 كيلو

[The Nubian]

و عليكم السلام و رحمة الله و بركاته

أنا مشترك في TE-Data كل شيئ جيد ما عدا الدعم الفني و خدمة العملاء كثيرا ما تجد

المشكله كمان ان الدعم الفنى كل ماتتصل بيه يقولك بنعمل تحديث للبيانات كلمنا كمان شويه

ولكن بالرغم من ذلك تعاملهم جيد
أما عن مكاتب المبيعات و الدعم الفني حسب المكان :
في الأماكن التي عليها ضغط كبير ستجد الويل في أوقات الذروة (إزدحام - سستم واقع)

إشتراكي ٥١٢
السرعة لدي ٥٠:٥٣ دائما
ليس لي تعامل سابق مع شركات أخرى

[ENG/ Mohamed hassan]

راى الشخصى
الخدمه الغير كفؤ واحده
كلاهما تطبق سياسه الاستخدام العادل
كلاهما فى بعض الاحيان تصل السرعه الى معدلات عجيبه
كلاهما تبيعان الخدمه بربح يزيد عن 100 % و الكل عارف اسعار الباندويدز فى دول اوروبا كام و بكام !!


بس تعرفوا يا جماعه هههههههه بجد ان اللى ضحكنى موت و مكنتش متصور كم الذكاء و الاستفزاز لما طبقوا سياسه الاستخدام العادل ..ف واحد تبع شركه انترنت ما طلع فى برنامج البيت بيتك و قال ان السيايه ديه هتحمى و هتمنع قرصنه الافلام و الاغانى !! هههههه يعنى انت عشان تعاقب واحد بينزل فلم على الانترنت تزهق الشعب كله !! ههههههههه بجد استفزاز بلا حدود و بعدين ما قرصنه الافلام مش بس فى مصر ما هى فدول العالم كله !!!

كلام فارغ و الله ...
عيش اللحظه

[ZEX]

راى الشخصى

بس تعرفوا يا جماعه هههههههه بجد ان اللى ضحكنى موت و مكنتش متصور كم الذكاء و الاستفزاز لما طبقوا سياسه الاستخدام العادل ..ف واحد تبع شركه انترنت ما طلع فى برنامج البيت بيتك و قال ان السيايه ديه هتحمى و هتمنع قرصنه الافلام و الاغانى !! هههههه يعنى انت عشان تعاقب واحد بينزل فلم على الانترنت تزهق الشعب كله !! ههههههههه بجد استفزاز بلا حدود و بعدين ما قرصنه الافلام مش بس فى مصر ما هى فدول العالم كله !!!

كلام فارغ و الله ...
عيش اللحظه

ايوه يا عم مصر اصبحت دوله لا ترضى بسرقه الافلام و الاغانى من الانترنت لكن ترضى بسرقه لقمه العيش من المواطن
عاوزين يسرقونا بأى وسيله كانت و بأى سبب حتى لو كان غير مقنع و ده حالنا :ah32:

[ENG/ Mohamed hassan]

ايوه يا عم مصر اصبحت دوله لا ترضى بسرقه الافلام و الاغانى من الانترنت لكن ترضى بسرقه لقمه العيش من المواطن
عاوزين يسرقونا بأى وسيله كانت و بأى سبب حتى لو كان غير مقنع و ده حالنا :ah32:

هههههههه عندك حق و الله .... يعنى جايين على الافلام اللى اصحابها بيكسبوا فيها ملاين و بيقولك لا حرام المفروض ربحهم يبقى اكبر هههههه
و المواطن الغلبان اللى مرتبه بالجنيه بيبصوا عليه و بيفننوا ازاى يطلعوا منع القرش بالغافيه
الواحد خلاص جاب اخره و الله حاجات كتير الواحد بيشوفها غلط و مضطر يغمض
انسى انسى عشان اعصابك